احتواء أنثى

البارت 16

البارت 16

#احتواء_انثى

ورجعت امشي مثل العارضات وعلى اطراف اصابيعي وافتر درت وجهي على جهة الباب ومااشوف الا سراج واكف ومجتف ايده وعاقد حواجبه وكوة كاتم الضحكه

اني بس شفته بسرعه نزلت اصابيعي بس ماسيطرت ووكعت ووكع الشسوار فوكاي

شسوي اكوم لا من الفشله كوة كمت واخذت الشسوار وياي ومشيت

نص الغرفه اذكرت هذا مو شسواري شسوارة المن مأخذته

رجعت رجعته على الميز وفتت من يم سراج وركض صرت طيارة ماانشاف لغرفتي طبيت وقفلت الباب

شوي واسمع صوت سراج يضحك من كل كلبه ويكول يابويه كلبي ويضحك

ضليت اضحك وياه واغم بروحي

والجوة يسمعون بضحكته ويكولون اله دوم والي يكول منين هالصوت والي يحجي اول مرة نسمع ضحكته الحلوة

موقف تافه وفاشل حطيت روحي بيه لا انوب فوكاها اخذ شسوارة وياي

فدوة لضحكته .....لج نسيتي ضربج شنو تفدين ضحكته

ضليت بالغرفه ماطلعت ابد ولا نزلت وكعدت يمهم

هسة شستفاديت من شسورت شعري هو منو يشوفه يكفش من انام واذا انزل بحجاب غبيه

ثاني يوم نزلت وجان هو كاعد بالصاله واخوانه كاعدين بس شافني طك من الضحك عليه

كرار:شبيك ولك من البارحه واليوم بس تضحك

سراج:لا اذكرت سالفه ....ههههههههه كارثه

طبيت للمطبخ وصوت ضحكته خابصه البيت

زهراء:لج وينج البارحه وشكد دزيت الج رسائل ودكيت

روز:مبايلي ....يااا وين مبايلي نسيته فوك بغرفه سراج

شوي فات شرب مي وطلع بس شنو بس يبتسم ويضحك هسة متوازي اذكرني بفشلتي

ضل كل مايشوفني يضحك وبصوت عالي .....فدوة ..يا روز شكو فدوة هي ضحكه نمونه

ضل كل مايشوفني لازم يضحك لو يمزمز مايتحمل من يشوفني حتى يكول احب الشسوار هواي بيه مواقف ويضل يضحك

البيت كله فرحان لان سراج يضحك طبعه شوي صعب مايضحك ودائما يبين معانيه حاده مستغربين شلون يضل يضحك هيج ومستمر

انوب مبايلي مااكدر افوت لغرفته لان اخاف يشوفني ويضل يضحك ضليت اختل كل مااشوفه حتى لا يضحك😒

بيوم بالدوام هو وصعدت ركض حتى اشوف مبايلي دورت دورت ماكو جنت مخليته على الجربايه وينه وين وداه

ادور بالمجرات ماكو والكنتور ماكو جوة الجربايه دخت وين وداه

شوي وسمعت خطوات بأتجاه الغرفه وقريبه من الباب بسرعه ختلت جوة الجربايه سمعته طب وسد الباب