احتواء أنثى

البارت 11

البارت 11

#احتواء_انثى

قرب دوام وطلعنه القبولات جان قبولي جامعه بغداد لغات وزهراء هم نفس الشي

احتاريت بهالفترة بين الشغل ومتيم وبين المعامله على التقديم وجانت اكو مشكله الي هي درجاتي السابقه شلون ماموجوده بالسجل

السيد هم توسط الي وماكال شي وكالوا انو اني من الانبار وتهجير طالعين فراحت كل مستمسكاتي قبلوا بالهشي بالواسطه وسكتوا

بعد فترة باشرت الدوام اني وزهراء وجنت البس عبايه وبأول يوم جان سراج كاعد جوة بالمطبخ نزلنه وحجت زهراء

_صباحو عمو

_هلا حبيبتي

_اسويلك ريوك قبل لا نروح للدوام

_لا سويت كهوة

_اها راح نطلع يله روز اجه الخط....حجه

_اليوم اول يوم الكم

_اي عمو اول يوم

باوع عليه جنت لابسه عبايه الي بيها ردان واني كصيرة مو ذاك الطول حتى يبين شي بيه وحتى كعب مالابسه فلات

زهراء_يله روز امشي

طلعنه للخط ورحنه للجامعه شي حلو وتغير واخيرا وصلت للي ماما جانت تتمنى تشوفه تكلي شوكت اشوفج بالجامعه وتتخرجين

رحنه على كليتنه دورنه بالاسماء جانوا مخلينه قسم فرنسي اثنينه

هوسه اول يوم ودوخه مانفتهم شي بس تعارف وناس جديده طلعنه ننتظر الخط ماكو لشوي صفت سيارة وصاحت زهراء

_عمو سراج

_وينه

_هذا كبالنه باوعت جان صاعد بالسيارة تقدمت زهراء اله

_عمو شو هنا يمنه

_الشركه قريبه منا كلت امر عليكم مادام نفس الطريق

_بس ابو الخط ننتظرة

_ابو محمد شفته وكلتله روح اني اخذهم اصعدي

_اي ماشي ....روز وين صافنه اصعدي

_اي صعدنه رادت تخليني بالصدر بس ماقبلت

_يمعوده هو بدون شي ماطايقني انوب تردين اكعد بالصدر اصعدي انتي اني اصعد ورة...عفتها وصعدت ورة وهي صعدت بالصدر

الطريق هدوء وماحجيت شي بس زهراء تحجي وهو يسألها واني دايرة وجهي اباوع على الطريق

شوي والمح اثنين عرفتهم من جماعه ابوي لان ماانسى شكلهم

يضحكون بالشارع ووياهم مرة لابسه جبه اني بس شفتهم درت وجهي وابتعدت عن الجام كعدت بالنص

سراج انتبه على حركتي رفعت راسي لكيته يباوع الي بالمرايه وعاقد حاجبه

يو مو ناقصته على شنو عصبي

ضليت الطريق كله مدنكه وخايفه ولا رفعت راسي لحد ماوصلنه للبيت ...اييي الحمد لله وصلنه وخلصت بس وكف السيارة نزلت ركض وصعدت لغرفتي

سديت الباب وكلبي ولا ارتاح من الخوف

متيم جان كاعد بغرفتي ويباوع على التلفزيون

_اوزه اجيتي

_ها حبيبي

_سبيس

_مابيه شي بس تعبانه ....جوعان

_اييي

_ماشي هسة ابدل وننزل نأكل

بدلت ولبست شال ونزلت حظرت اكل وجان سراج كاعد يم العلويه.....صاحتني حتى اسوي غده لسراج اخذت الصينيه ورحت

_تعاي بنيتي كعدي يم رجلج اكلي

_كعدت وجان عصبي ومتيم بحظني

_بنيتي شبيج وجهج اصفر صاير شي

_ها ...ضليت اتلمس بوجهي ...لا علويه مابيه شي... بس حجيت هيج هو استغفر

_احجي بنيتي شايفه شي شصاير

_هي حجت هيج واني دمعت عيوني

_احجي يمه شبيج راح تبجين ....هو مدنك ويأكل ولا يمه

_بالطريق

_اي شبيه

_شفت اثنين من جماعه ابوي ووياهم مرة .....واني درت وجهي وخفت منهم ....هو بسرعه رد

_خايفه ليش المفروض تكولين اوكف خل انزل يمهم ذوله من اهلي مااشتاقيتي الهم ولزلمهم

_انت ليش هيج تحجي اكثر من مرة اكلك اني مو مثلهم اصلا شردت منهم صاح عليه

_اشش لا تراددين ترة اكسر راسج خاف عبالج قبلت اداومين مو معناها تكعدين وتراددين وياي

دفع الصينيه وكام

_وين يمه تعال كمل

_مااريد كافي اسممت من هاي

عافنه ركع الباب وطلع

_علويه كليلي حجيت شي غلط والله اني مامسويه شي اصلا زين ودرت وجهي من شفتهم حتى لا يعرفوني

_لا بنيتي ماسويتي شي بس هذا ابني مسودن

كوة خلصت اكلي وابجي شلت الصينيه وكمت غسلتها ونظفت الطابق الجوة لان عليه خلصت وصعدت لشوي صعدت زهراء

_تعاي زهورة

_روزه شفتي عمي يريد بعد هو يأخذنه

_ياعمج

_شبيج رجلج

_وين يأخذنه

_للدوام خابر ابو الخط وكال بعد اني اخذهن ...واجه كالي كال روحه رجعه اني اخذجن ووصلي الكلام الها يعني عليج

_استغفر الله شكد بعد يريد يخنكني فوك همي يزيد هو عليه

ثاني يوم كعدت واخذنه

_اني طالع خلصن وتعالن

_اي عمو

طلعنه هو صاعد بالسيارة ويشرب جكارة صعدنه والطريق كله هو جكارة ورة جكارة حتى اختنكت وفتحت الجام

وصلنه وضلينه بالدوام خلص الدوام بس اسخت طلعنه لكيناه واكف ومنتجي على السيارة ولابس نظارة ويشرب جكارة

رحنه اله ضل واكف ولا اهتم النه خلص جكارته يله صعد والطريق كله اني مدنكه من الخوف لا احد يلكفني

❤❤❤❤
#امونشا
#باندا
رأيكم❤
صوتوا☻