احتواء أنثى

البارت التاسع

البارت التاسع

#احتواء_انثى

طفروا من الصينيه ووكفوا مستغربه شبيهم وسمعت متيم يصيح بابا درت وجهي جان واكف بباب المطبخ وعاقد حاجبه

باقر:عمي تفضل اكل ويانه

عزموه الولد وهو كعد يمهم ويأكل ويصيح لمتيم ويضحكه واني ردت اطلع صاح قاسم

_فدوة روز قبل لا تنامين سويلنه كهوة واحسبي عمي ويانه لان يحب الكهوة

_اي ماشي

ضليت ادور بالكاونتر لان مااندل وين الغراض

ماطابه للمطبخ واشتغل بيه بس من زوجت لازم اساعدهم بعد ماكو عذر

....ضليت ادور وسويت ازعاج وماكو الكهوة عاط سراج

_قاسم كللها الكهوة فوك بأول خانه

راد يحجي قاسم رديت عليه

_سمعت ماكو داعي

وشوي واسمع طكه الصينيه باوعت كام اخذ متيم ومشه وصاح قاسم جيب الي الكهوة

_اي عمي ادلل

سويت الهم على العدد وانطيته لقاسم اخذه

وضليت اغسل بالاماعين خلصتهن طفيت الضوه وصعدت انام صعدت وقفلت باب الغرفه

سراج:يله بابا نكوم انام

_اليد يم اوزه

_بابا نام يمي

_لا اليد اوزه حباب بابا

_ولك لا تعاند نام يمي اليوم

_اهئ اهئ اليد اوزه

_كوم خل اخذك
•••••••
ضليت العب بحلقتي الي جانت من امجد اذكر مايقبل انزعها

_لج روزه عمري اذا تحبيني لا تنزعيها

_بس امجد تأذيني قابل حبي الك بالحلقه

_حتى لو اذا تحبيني تحملي والبسي وبعدين حتى الكل يعرف انتي الي ومو لغيري ومحد يدنالج

_فدوة لليغار

_احبج

صافنه واذكر ايامنه وابتسم وفزيت على صوت الباب تفلش صحت منو

_اوزه اني مثيم

_فتحت الباب اله حبيبي باوعت جان سراج واكف بعيد وعصبي تقرب متيم حظني شلته وبسته

سراج عافنه وراح ومااسمع الا ركع باب غرفته الباب اجه يوكع من القوة

اخذت متيم وطبيت وقفلت الباب ضليت الاعبه شوي بعدين نام اخذت الحلقه ضميتها بالمجر ونمت

كعد متيم الصبح يبجي فزيت باوعت اله جان مضايق من الحفاظه لان متروسه

خليت شال على راسي وطلعت غسلت اله وبوطرته وبدلتله ونزلت اني وياه