احتواء أنثى

البارت الرابع

البارت الرابع 

#احتواء_انثى

_صرخت امجد احجي وين امي ليش تبجي....خاله شبيج تبجين ...وين امي جاوبوا

_حبيبتي.....خالتي ماتحملت الجلطه انطتج عمرها

_صرخت لا لا لا لا تكول هاي الكلمه مااريد اسمعها

امي ماتعوفني مستحيل هي كالت اضل وياج انتي بنيتي شو بسرعه تمرضت منين اجتها الجلطه

ضليت احجي وابجي وامجد يهدي ويحظن بيه ويبجي وياي

ايام جنت مااتمنى اشوفها واعيشها بحياتي معقوله كاعده وابجي وبفاتحه امي ضليت من كل كلبي ادعي على ابوي دمر حياتنه وحرمني من ام واخ ليش هيج

امجد دائما قريب مني ويهديني يزيل الهم الي بكلبي بس لا ماينزال صعبه

وضل يكلي امشي على كلام امج وفرحيها كملي دراستج وصيري احسن وحده حتى تفتخرين بتربيه امج وامج تفرح وتطمن عليج

_امجد مااكدر كلبي يوجعني غصه بكلبي شلون اشيلها امي راحت مااكدر اشوفها ولا اسمع صوتها ولا احس بيها ولا احظنها راح حظنها االدافي

...جانت تسميني روزه منو بعد يصيحني بهالاسم

_كافي لا ادمريني

قرب مني وحظني وضل يبجي وياي

بعد شهرين اهل ماما طلبوا يشوفوني احنه ماجنه نروح الهم لان ابوي نخاف منه يندل بيت جدي فجانوا بس هم يجونه ونادرا لان يخافون من ابوي

وحاليا مايكدرون يجون لان جدي مريض ومايكدر يطلع وهو طلب يشوفوني وكال اريدها

.....وافقت اروح لان كلت اكيد ابوي نسى وعافنه واحتار بفلوسه رحت اني وامجد وخالتي

الطريق كله واني ابجي واذكر امي

وصلنه لبيت جدي طبيت استقبلوني ويعزوني واني ازيد بالبجي من يعزوني

جدي بس شافني حظني وضل يبجي ويون وينعى على امي واني زدت بالبجي انهاريت

ضليت يمهم بحدود الشهر وجان ماباقي شي على دوامي والسادس كلت ارجع حتى احظر روحي واستعد للسادس حتى انجح وافرح امي

..... وامجد وياي ابد مايعوفني واني ارتاح لهذا الشي هو الي يفهمني من بعد امي

امجد جان طالع هو وولد خالي ضلوا يلحون عليه لان ضال كاعد بالبيت وهو يضل علمودي

فكلتله روح وياهم خطيه طلع هو وياهم خليت حجاب على راسي وكعدت وحدي بالطرمه انتظرة لان اشتاقيت اله

واني وحدي وضلمه وساعه بحدود 1 وهدوء مااحس الا سيارة اقتحمت بيت جدي طلعوا منها ناس مسلحين وريحتهم قرف

طرمه بيت جدي جبيرة واني واكفه قريب من الباب من شفتهم بسرعه طكيتها ركضه اريد بس اوصل للباب واطب