احتواء أنثى

البارت الثامن

البارت الثامن

#احتواء_انثى

لم يعد لدي ألرغبه في أن ٱبدأ من جديد أنا أريد حقاً أن ينتهي هذآ كلهُ ، لامزيد من أي بدآية لأي شيء..ألنهاية هي ألتي أسعى إليها⭐️

مجبورة اقبل ....لو حياتي السابقه جان هسة اني بحظن امي وامجد يضحك وياي .....مو هسة تغير حالي

ريحانه رحتي وعفتي هم وحمل وانطيتيه الي ...واني مو كد هالحمل مااكدر اله

سراج بس يصيح ويغلط مايقبل شكد يقنعون بيه ماكو اخواته اهله حتى اهل ريحانه وهو ماكو بس يسمع اسمي يضل يعيط ويغلط

جنت ارتاح من يرفض لان اطمن مايقبل بيه وماانجبر

ابنه ابد ماينام يمه دائما يجي يمي هو مايقبل اتقرب من ابنه كدامه بس وكت ماموجود اهتم بيه واوكله وابدله

وغرفه سراج تصعدني العلويه تكلي نظفيه مادام ماموجود

واصعد انظفها وارتب ملابسه والفراش وملابس الوصخات الكاهن بالسله الخاصه بيهن واخذهن اغسلهن واجففهن واكويهن

اشتغل اله عبالك خدامه وهو بس يشوفني يضل يعيط ويغلط مايتحمل يباوع بوجهي

لا قريبه اله ولا عندي شي وياه بس مجبورة اسمع كلام امه من تصعدني لان ماالي احد بس ارفض يعوفوني

بيوم السيد تخربط وصعد السكر عده اخذوه للمستشفى ورة فترة رجعوا بس ابوهم جان تعبان حجه حيدر ابنه الجبير

_يابه شبيك ليش هيج حالك

_من ورة سراج هالولد دمرني...رد سراج

_يابه اني شمسويلك ليش هيج تكول

_ليش ماتسمع كلامي اذا اموت موتي بسببك

_ليش هيج تكول

_وافق لعد على كلامي

رد مختار

_شنو كلامه

_يزوج روز هالبنيه فقيرة ماالها احد على الاقل تضل يمنه وزوجه لسراج اصير ....حرام ابقيها هيج وماتربطنه بيها شي وبعدين ابنك متعود عليها

ضلوا اخوان سراج يقنعوه لان ابوهم مريض انجبر ووافق بس شرط لا عرس ولا زفه ولا خطبه ولا اي شي يدل على الاحتفال واضل بغرفتها وماتجي لغرفتي

_شنو القصه خويه ماخذها فصليه هيج بنيه ومن حقها تفرح

_تردون اخذها بدون عرس بس عقد اذا ماتقبلون ماازوجها

_اي كافي قبلنه بس اسكت

ورة اسبوع بعد ماصار وضع ابوه زين جابوا سيد وعقد النه بلا زفه وعرس وخطوبه ماجنت هيج اتمنى وين جنت احلم ووين صارت احلامي

جنت احلم بدله وزفه وويه امجد وامي موجوده احتفل بزواجي وتخرجي بنفس الوقت بس جان مكتوب الي غير شي