البارت 13
#احتواء_انثى
واني كاعده ومتيم بحظني ونسولف اني وزهراء وبنات عمها وياها
شوي ونزل سراج يأشر الي استغربت كلت اجوز على بنات اخوته يأشر بس مدنكات ماشافن
درت وجهي ورجعت باوعت عليه هم يأشر عود تعاي
هم طنشت ودرت وجهي كلت لا اتوهم اكيد مو الي شوي وهم درت وجهي كلت غلط اكيد مو عليه اتوهم
شوي واسمعه صاح
_يمعوده مو اشرت الج ماتجين
الكل ضل مصدومين ويباوعون والي عاف الموبايل والبلي والجاي والدومنه ويباوعون مصدومين من تصرفه
باوعت عليه واشرت باصبعي عليه يعني تريدني اني ...صاح
_اي يمعوده اشرت الج قابل لابوي تعاي
مصدومه حتى كوة تحركت تقربت ووصلت يمه وبيناتنه كاشيتين
الاهل بحاله صدمه متعجبين شلون صخرني ويصيحني
_اصعدي فوك نظفي الغرفه وصخه وغيري الفراشات واغسلي ملابس
_اني
_اي يابه انتي
ردت العلويه
_روحي يمه سوي الكالج عليه رجلج
_اي ...صعدت فوك واني بصدمه شنو معقوله صاحني كرصت ايدي .....
لا مو حلم اكيد صعدت لغرفته كوة فتحت الباب ارجف نظفتها وغيرت الفراش واخذت الملابس واني جاي انزل لاكاني
_سويلي كهوة
_اي
هاي شنو معقوله كام يطلب مني .......نزلت خليت الملابس بالغساله ونكعت الجرجف ووجوه المخاد ورحت سويت كهوة اله
صعدت اله فوك ...ادك الباب لو لا لا ماادك اودي بيد زهراء ....بس هو طلب مني خل ادك ...دكيته صاح
_فوت
_فتت وكوة امشي وصلت اله جان حاط اوراق وقلم ويسوي بيهن انطيته الكهوة
_خليها على الميز
_خليتها على الميز وردت اطلع صاحني
_قبل لا اطلعين اكو ملابس الي باجر البسهن اكويهن
_ها
_شبيج ملابسي بالكنتور طلعيهن اكويهن
_اي
رحت فتحت الكنتور وارجف طلعت اله الملابس الي كال عليهن اخذتهن كويتهن وصعدتهن جان ماموجود بالغرفه طبيت خليتهن بالخانه وطلعت
ويه مااطلع هو فات ولابس بس منشفه وجسمه وشعرة مبلل متت بدمي كوة اتنفس اروح يمنه يروح يمنى اروح يسرى يروح يسرى دخت اخر شي وخر وكال فوتي
بسرعه شردت ركضت للغرفه وسديت الباب وكلبي يدك سريع ضليت مغمضه عيوني
شنو شبيه معقوله بديت احبه .....لا حبيش قابل شسوة واحبه يمكن لان هيج موقف ارتبكت
شوي وصاحني امسح حذائه كسرني بيوم واحد اروح واجي جيبي هذا روحي لذاك
والعلويه والسيد فرحانين لان شافوا يصخرني ويصيحني بس ابد ماصاح بأسمي بس يكول تعاي وينج انتي فأعرف اني المقصوده
بس اشتغل اله كسرني الي يكول جهاز آلي جيبي وودي
زهراء:عمي يصيحج بالغرفه
_شيريد
_ماادري من شافني كال صيحيها
_اي كايمه ....رحت اله
دكيت الباب
_تعاي
_زهراء كالت صحتني
_اي علمود متيم
_شبيه
_اني بعيد عنه هالفترة والسبب انتي ينام يمج ومايقبل يمي
_اني مجابرته بالعكس هو يجي الي متعود عليه
_اعرف وامي تكول تقفلين باب غرفتج بليل ...ليش
_يعني لان خصوصيه قبل لا انام اقفلها حتى لا اضل اطفر كل شوي من احد يجي
_زين اني اريد اشوف ابني اكعد يمه وهو مايكعد الا انتي موجوده
_هسة شسوي
_ماتسوين شي بس اريد نسخه من مفتاح غرفتج حتى افوت اشوف ابني قبل لا انام خوما اضل ادك وانتي نايمه واكعدكم
_اي دكه عادي اكعد
_لا مااريد اضايق احد اريد نسخه حتى شوكت مااريد اشوفه.....شنو عندج مانع
_لا شعليه هسة اجيبلك نسخه من المفتاح ....رحت جبت اله نسخه انطيتها اله وطلعت
ورة يومين جنت نايمه وبحظني متيم حسيت قفل الباب انفتح
فتحت عيوني جان واكف سراج
_كعدتج اجيت اشوف متيم
_لا عادي
_شوكت نام
_من زمان ليش بيش ساعه باوعت ب٢
_اني جنت نايم بس حلمت بيه حلم مو زين واجيت اشوفه
_اذا تريد اخذة نيمه يمك مادام نايم هو حتى ترتاح
_ماشي كملي نومتج
اخذ متيم وطلع قفلت الباب وراه ورجعت نمت
كعدت الصبح جان كاعد وشايل متيم ويلاعب بيه
_سويلنه ريوك اني بغرفه امي
_ماشي ...رحت سويت ريوك ووديته لغرفه العلويه
كعدنه نتريك اجت زهراء
_لج روز اليوم النتائج
_شنو يمه
_اي بالنت هسة ينزلوها
_قلقتيني
ردت العلويه:اتنجحن يمه لا تخافن مادام بالنت سراج مو عندك لابتوب
_اي
_طلعها الهن يمه من تخلص
_ان شاء الله
_اي فدوة عمو ننتظرك
شوي وصاحني واول مرة يذكر اسمي
❤❤❤❤
غيرت موعد النشر اليوم لان احتمال مايتوفر عندي نت
#امونشا
#باندا
رأيكم❤
صوتوا☻
أنت تقرأ
احتواء أنثى
Romanceتائهة بين ذئاب متعطشه للجسد الموت راحه فلا اروى لوجودي حياه وانما ذل بين الذئاب مستهدفه هاربه من الخطيئه فأقع سقيطه بين احضان الرحمه اتوق للعيش بحب فلا ارى في قلبه نبض وانما صخرة متحجرة ......... فتاة صغيرة تهرب من واقع والدها بعد ان ذلها لبيع جسده...
