احتواء أنثى

البارت السادس

البارت السادس

#احتواء_انثى

ثاني يوم كعدت الصبح

خايفه استغربت المكان بعدين اذكرت شنو صار الي

شوي ودكت الباب ريحانه فتحت الباب الها

_صباح الخير يله هاج هاي عبايه وانزلي عمي منتظرج

_صباح النور ....ليش شكو

_ترحين للمستشفى ...بلغت عمي علمود ايدج وكال نسوي فحص الها يله تحظري حتى ننزل

بدلت ونزلت اني وريحانه جان السيد كاعد

_ها بنيتي ان شاء الله مرتاحه

_تنهدت ..الحمد لله

طلع واخذني للمستشفى... فحصو ايدي وسوو اشعه انطوني مسكن وضل الدكتور يفحص بأيدي وماادري شنو حط الها حتى يرجع العظم لمكانه

ضليت عدهم ماالي احد غيرهم وحتى مايخلوني انزل ويهتمون بيه خصوصا ريحانه بس تجي يمي بدون علم زوجها

جانوا ينخبصون بالقرايات والمواكب اضل صافنه عليهم وماشاء الله كلهم وجهم نوراني من جبير لحد الصغير

وشكلهم حلووو حتى ابوهم الرجال الجبير شكله نوراني وحلو

وولدهم كلهم حلوين حتى الي عمرهم ٥٠ سنه حلوين وامهم حلوة عائله تجنن مابيهم احد مو حلو وخلفتهم

الجبير مختار عده ٢ بنات مزوجات وولد ٣ واحد مزوج واثنين لا الي مامزوجين عمرهم ٢٤/٢٢

وحيدر عنده اثنين ولد وبنيه وهم مزوجين

وخواتهم هم مزوجات وخلفتهم مزوجه واكو بيهم صغار

احمد عنده ٢ ولد ٢ بنات بس بنيه وحده مزوجه والثانيه بكدي مامزوجه وولد اثنين مامزوجين عمرهم ٢٠/٢١

وكرار عنده ٣ بنات وولد بنيه عمرها ١١سنه والثانيه ٦ سنين والثالثه ٥ وولد عمرة ٩

وطبعا عرفت اني كلهم مزوجين من وكت بعمر ١٨ و١٩
عدا هذا سراج متأخر بالزواج

عائله ضخمه حتى خلفتهم من الولد الي مزوجين مقيمين بالبيت

لان بيتهم ٣ طوابق وضخم الطابق الاخير بيه غرف مخصصه للاحفاد والطابق الوسط غرف للولد ونسوانهم واني الي غرفه بيه

والطابق الارضي جان بيه الحجي والحجيه وبنات ولدهم جوة الهم غرف .... والحجيه ماتتحرك مقعده اضل بمكانها

ريحانه جانت دائما وياي صارت صديقه الي اكعد اضل احجي الها عن امي وامجد واضل ابجي

وجنت دائما اشيل ابنها واهتم بيه بس وكت تشوف زوجها جانت تعوفني لان مايقبل تكعد يمي واضل تعتذر حتى ابنه مايريده يتقرب مني