عذرا أيها الحب لم أعد أثق بك ل هالة محمد

الفصل الثالث عشر

خرجت هالة الى الصالون مبتسمة قد بدلت ثيابها
واختارت اجمل ثوب عندها ووضعت مساحيق الوجهه لتتزين

وتركت شعرها الطويل ينسدل على كتفيها
لتصبح فى ابهى صورة

وسلمت عليه باليد وجلست فى المقعد المجاور له
لكن هناك مسافة تفصل بينهم

كانت تجلس معه مريم وقامت والدتها للعمل فالمنزل
لتفسح لهم المجال ..

ظل ينظر اليها فى تمعن نظر الى ثيابها الضيقة التى لم يراها بها من قبل

والى شعرها الطويل لاول مرة يراها به تاملها فى اعجاب ونسى اخته ونسى كل شئ

وكانت هى تتحاشى النظر اليه خوفا من تفقد اعصابها وكانت تمزح مع مريم حتى لم تتوتر اكثر ..

ظل ينظر اليها حتى قاطعته مريم قائلة فى شغب/
- انت ياعم الرومانسى سيبك من مراتك دلوقتى ..
وقولى تشرب ايه .. وبعدين ابقى بلحق براحتك ههههههههههه

انتبه لحديث اخته وابتسم فى ارتباك كانه مجرم وتم القبض عليه وقال حتى يخبئ احرجه /
- مانتى عارفة يا لمضة بحب القهوة .. يلا امشى اعمليها

ضحكت وغمرت لـ هالة قائلة/
- ماشى اسيبكو لوحديكو بقى

تركتهم وذهبت مريم وهى تحجج بعمل القهوة لتركهم يتحدثون

كان يشعر بتوتر ولا يعلم ماذا يقول ولكنه قال/
- ازيك النهاردة ياهالة عاملة ايه؟

قالت ببرود/ كويسة الحمدلله وانت ؟؟

نظر اليها ولاسلوبها البارد الذى لم يتعود عليه

ابتلع ريقه بصعوبة وقال/
- يارب ديما .. انا الحمدلله تمام

- ميرسى ويارب ديما انت كمان

فكر فى ان يسالها هل رايته ام لا ولكن تراجع سريعا وقال/
- كنتى فين النهاردة ؟؟

نظرت اليه وهى مبتسمة وقالت/
- خرجت اعمل شوبنج

ارتبك وقال لها /
- مش مفروض تستاذنى منى قبل ما تنزلى

- نعم !!!!! ليه بقى ؟؟

- لانى جوزك ولا نسيتى

قالت بسخرية/ - اه جوزى طيب هابقى اخلى بالى كويس المرة الجاية واقولك هاروح فين ومع مين......

احس انها تستخفف به ولكنه امسك اعصابه وقال/
- مش عايزة تسالينى عن حاجة ....

صمتت وكانها تفكر وقالت/ - حاجة زى ايه؟؟

نظر اليها وظهر عليه علامات الضيق وقال/
- لما شوفتينى فالمول يعنى ........ وصمت

- لا خالص عادى .. ايه اللى فيها؟؟

تنفس قليلا ليهدأ وقال/
- يعنى انتى مش متضايقة

- لا واتضايق من ايه ؟؟

نظر اليها متعجبا ومسك اعصابه قائلا/ - يعنى مش فارق معاكى

- لا كل واحد حر .. انت حر وانا حرة

- ازاى يعنى؟؟

نظرت امامها تتحاشى نظراته وهى مبتسمة قائلة/
- انت بالنسبالى هواء سواء دلوقتى او بعد الزواج مش هتفرق معايا ومش هتبقى اكتر من دبلة فى ايدى وبس .. ف عيش حياتك وانبسط وكبر دماغك من ناحيتى ....

لم تكن تعلم "هالة" ماهذه الجرأه التى تملكتها
وهى تتحدث معه ولكن كل ما تعلمه انها بمجرد ماخلت به شعرت بكمية حقد وغل

لا مثيل لها من فعله .. صدم حمادة من حديث هالة واشاحب وجهه بعيدا عنها

وهو يحاول كتم غيظه والسيطره على انفعالاته فهو يلتمس لها العذر فى كل ماتقول وتفعل

ونادى على اخته وسلم عليها وعلى عمته وانصرف
وتركها بدون اى كلمة معها

جاءت مريم غرفة الجلوس ومازالت هالة جالسة وقالت/
- عملتى ايه شكلك عكيتى الدنيا صح

- فشيت غلى فيه وارتحت قولتله انه مش فارق معايا اصلا يعمل اللى هو عايزه بعيد عنى

- ممممممممممممم يخرب بيتك عكيتى الدنيا عالاخر.. ربنا يستر بقى