عذرا أيها الحب لم أعد أثق بك ل هالة محمد

الفصل الرابع عشر

مر ثلاث ايام وهالة تفكر ان تحدث الحاج عبده

وتروى له ماذا سمعت ورأت وانها تفضل الانفصال فى هدوء

امسكت الهاتف فى تردد واتصلت بالحاج عبده خالها الطيب الودود

عندما فتح الخط الاخر قال فى سرعة/
- اهلا اهلا ببنتى ومرات ابنى حبيبة قلبى .. عاملة ايه يابنتى؟

تضايقت هالة من كلمته ولكن ابتلعت ريقها وقالت/

- الحمدلله ياخالو .. ازيك انت وحشتنى

قال فى سعادة / الحمدلله طول مانتى بخير

- يارب ديما ياخالو فى احسن حال

- مالك صوتك متغير اوعى يكون الواد حمادة مضايقك

- بصراحة ياخالو مش عارفة اقولك ايه ولا ايه انا تعبت

- من اولها كدا حصل ايه وانا اشد ودانه

حكيت له كل ما حدث معاها والرسالة التى وصلت لها وتابعت/

- اعتبرنى مريم بنتك ولو خمس دقايق بس .. وقولى ترضهالى ولا لا؟؟

صمت قليلا وقال فى غضب واضح /

- خلاص ياهالة انا هاتصرف وليا كلام معاه

- اصلا الموضوع من الاول غلط وانا قولتلك بس انت عملت اللى فى دماغك وماما ضغطت عليا كمان لحد ما وافقت .. وانت كمان ضغطت عليه لحد لما وافق اكيد لازم يعمل كدا وزيادة

- لا ابدا ليه هو بنت عشان اضغط عليه واغصبه على جواز .. مفيش حد بيتغصب على جواز يابنتى دلوقتى

- اتغصب ولا لا مش موضوعى انا مش قادرة اتحمل
لو سمحت شوفيلى حل انا عايزة اخلص وهنفضل برضو اهل فالاول والاخر حضرتك خالى اللى بحبه اوى

- طب اهدى بس وانا هاكلمه بس انسى انه ممكن يطلقك بالسهولة دى انتى فاكرة لو قولتله طلق هيطلق ده عنيد جدا

- هو اصلا لما هيصدق ودى اكيد رغبته انا متاكدة من كدا

- طيب خلاص هاشوفه كدا وارد عليكى بس نحل المشكلة ف الاول وبعدين لو مفيش حل تتطلقى ياستى

- اوكى ياخالو وانا مستنية اعرف هتعملى ايه؟؟

- المهم متقوليش لاى حد حاجة وحتى امك فاهمة

- حاضر ياخالو مش هقولها اى حاجة

- ماشى واللى فيه الخير يقدمه ربنا باذن الله ..
وبكرة تجى تتغدى عشان اخوات مراتى جايين يباركوا ليكوا وبلاش تبينى انك متضايقة عشان لما هيصدقوا يشمتوا فينا

- حاضر ياخالو

&&&&&&&&&&&&&&&

أعتدل الحاج عبده فى جلسته وهو يتنظر ابنه ان يأتى عندما سمع صوت العربية تتدخل الفيلا دخل حمادة وقفل الباب خلفه ووقف ينظر لوالده فى دهشة