عذرا أيها الحب لم أعد أثق بك ل هالة محمد

الفصل الثاني

توقفت سيارة " جيب لاندكروزر " الفارهة أمام مقر مجموعة شركات " الهوارى" للمقاولات العامة كان البناء ضخم ذو طابع معمارى حديث يتسم بالفخامة .. نزل السائق ليفتح الباب الخلفى لينزل منه "حمادة الهوارى" وهو يرتدى بدلة سوداء اللون
ونظارة شمس ماركة عالمية كان أنيقاً يخطف الانظار
عبر اروقة المبنى بسرعة ورشاقة واشار للحارس التحية

دلف "حمادة" الى الاسانسير واختار الطابق الاخير المخصص له ولاعضاء مجلس الأدارة

وتوقف الاسانسير وخرج وسار عالسجادة الطويلة ذات اللون الاحمر والذهبى بمجرد الوصول لمكتب السكرتيرة هبت واقفة /
- صباح الخير يافندم

- صباح الخير يا أنسة "مى".. شريف وصل

- صباح الخير .. لسه يافندم

- طب اول لما يوصل خليه يجيلى فورا

- حاضر ياحمادة بيه

دخل "حمادة" مكتبه وخلفه السكرتيرة قائلة/
- باشمهندس "حمادة" محتاجين امضة سيادتك هنا حالا

" حمادة " وهو يجلس على مكتبة وينظر للملف ويتصفحه جيدا /
- بعتى الباشمهندس "اسامة" يشوف الموقع

- ايوة يافندم وزمانه وصل من ساعة

- عظيم .. قولى للباشمهندسة "الهام" لازم تخلص المشروع اللى فى ايدى ده بسرعة مش كل شوية ادفع ادفع وفالاخر الاقي تاخير وادفع كمان الشرط الجزائى

- حاضر يافندم اى اوامر تانية

- لا شكرااااااا

- ذيل "حمادة" توقيعه بالملف واغلقه واعطاه للسكرتيرة وبمجرد خروجها دخل "شريف" شاب طويل ابيض البشرة عسلى العينين يرتدى بدلة رمادى اللون/
- حبيبى صباح الفل

- متاخر ليه ياشريف باشا

- الشوارع زحمة جدااااااا فوق ما تتصور

- ده على اساس انى مش لسه جاى وبعدين انت لو طلعت بدرى وبطلت دلع هتوصل بدرى ولا لازم تتاخر مع المدام يعنى محدش غيرك متجوز فالشركة

- هههههههههههههه المدام وبس انت ناسى الاولاد والمدرسة .. عقبالك بقى لما تتمرمط زيى

- تف من بوقك انت عايزنى ابقى زيك محلاها عيشة الحرية حد يروح للنار برجليه برضو

- بكرة تغير رايك وتجى اللى تغيرك وتقولى الحقنى بحبها ياشريف

- ليه شايفنى عبيط زيك ولا ايه البنات كتير بس للاسف مفيش ولا واحدة تتدخل دماغى كلهم صنف واحد .. سيبك المهم انا هامشى وانت امسك مكانى النهاردة ومتنساش اوعى متجيش الفرح الا هاكهربك

- عيب عليك ااااكيد جاى بس اتوصى بالبوفية بقى

ضحك حمادة وقال/ - طول عمرك همك على بطنك .. يلا بقى سلام

&&&&&&&&&&&&&&&&

فى تمام الساعة 8 مساءا

كانوا جميعا فى غاية البهجة والسرور والسيارات تسابق بعضها البعض وهم فى طريقهم الى قاعة الافراح وجاءت الزغاريد من جميع الاتجاهات

كان الجميع فى منتهى السعادة وكان الفرح اكثر من رائع وكانت العروسة "مريم" زى القمر و "هالة" كانت رائعة فى فستانها الازرق كانت تلفت الانظار بجمالها الربانى والميك أب الرقيق وحجابها الفضى حتى "منه" اخت "مريم" كانت جميلة جدا بفستانها البمبى

وهناك عيون كتيرة تتابع "هالة" فى كل حركة ولم يستطيعوا ان يتركوها من شدة جمالها

ولاحظ "حمادة" ان صديقه من هؤلاء الناس ولم يشيح عينه عنها وتضايق منه كتيرا وجاء اليه قائلا/
- ايه ياعم مش تلم نفسك وتخليك فى مراتك ولا تحب اقولها وافضحك

- ايه ياحمادة هو كمان البص ممنوع فى عائلتكم ولا ايه .. بس تعالى هنا وقولى مين القمر دى بجد تجنن يخرب بيتك تكون ليك قريبة زى القمر كدا وتسبنى ادبس ف مراتى دى اخص عليك وربنا انت صاحب نص كم

- ههههههههههههههههه يارب مراتك تسمعك وتدبحك وتفرقك على العيال فالشارع .. دى بنت عمتى ياظريف وبلاش بص كتير احسن اخزقلك عينيك الاتنين وتعيش اعمى طول حياتك .. انا حمادة اه بس راجل اوى مع قرايبى وانت عارفنى كويس فالحاجات دى فاهم ياشريف افندى

- ايه هى دى تبعك هى كمان .. انت مش راحم ابدا طالع بمزة نازل بمزة ارحم يابنى شوية

- استغفر الله العظيم .. الله ما طولك ياروح بقولك بنت عمتى يعنى زى اختى بالضبط واللى يبص لاختى هو الجانى على نفسه فاهم ولا اقول كمان

- فاهم فاهم اول مرة اشوفك متعصب اوى كدا شكلك بتحبها ومخبى عليا

- ياشيخ اتلهى اقعد على جمب وخليك فى مراتك وانا هروح اطمن عالبوفية عشان عارفك جاى عشان بطنك ههههههه

- بقى كدا ماشى لما اوريك .. ولا لازم استحملك عشانك صاحب الشركة والفرح يعنى

- ايوة كدا خليك مؤدب وأليف هههههههه

- ماشى ياصاحبى هتشوف ايام سوووووووودة .. يارب افرح فيك كدا وانت عريس ياحمادة يا ابن عفاف

- بعد الشر عليا هههههههههههه وبعدين بلاش تسييح بأسم الأم كتير لا ارفدك ياموظف يامحترم

- ماشى ياحمادة بيه روح شوفلى البوفيه بقى ههههههه

ترك صديقه وذهب للضيوف والاطمنئان على البوفية وان جميع الضيوف قدموا للبوفية وان كل شئ على مايرام