عذرا أيها الحب لم أعد أثق بك ل هالة محمد

الفصل السادس والعشرون

كريم/ - ازيك ياشوشو بجد وحشتنى اوى

شيماء/ - لو وحشتك فعلا كنت جيت ياكريم لكن انت بقالك اسبوع ولا كلمتنى ولا جيت

- انا بس محبتش اتقل عليكو من اولها كدا واجى واهلك يمكن يتضايقوا ولا حاجة

- لا مش بيتضايقوا منك خالص

- طب الحمدلله .. بصى ياستى انا بعد كدا هاجى يوم فالاسبوع وبالنسبة للمكالمات
مش عايز اكلمك دائما احسن يعلقوا يعنى ويتخنقوا يعنى لازم اكون خفيف على قلبهم كدا

- ياسلام وانا هاهون عليك مش تكلمنى

- طبعا مش هتهونى بس انا هاشوفك فالكلية كل يوم وفالاجازة ربنا يفرجها

- اها ماااااااااشى ياحبيبى زى ماتشوف

- وبقينا نقول حبيبى اهو ايووووة ياعم

- كريم اسكت بقى 

- هههههههههههه ماشى ياروحى .. وهالة عاملة ايه مع خطيبها دلوقتى

- وانت بتسال ليه ؟؟

- عادى يعنى اصلها مجيتش الخطوبة فكرت يعنى فيه مشاكل كبيرة ويمكن تسيبه

- لا اطمن كله تمام وبقوا سمنة على عسل

- اهاااااا قولتيلى يلا ربنا يوفقهم

- ان شاء الله .. بس مالك صوتك اتضايقت

- لا بس محمود كان عايز يعرف هى مالها وكان حاطط امل يعنى

- لا قوله يقطع الامل خالص احسن لان كدا كدا هالة مش بطيقه اساسا حتى لو لا قدر الله سابت حمادة

- ممممممممممم اوكى هحاول افهمه وامرى لله

&&&&&&&&&&&&

خرجوا من السينما وتمشوا على الكورنيش وحمادة يمسك بيدها

هالة / - الله الجو جميل اوووووووى

حمادة/ عشان انتى معايا اكيد كل حاجة تبقى حلوة

- ههههههههه ايه الشعر ده كله مكنتش اعرف انك بتعرف تقول كلام حلو

- دى اقلل حاجة يابنتى بس شكلك نظرك ضعيف

- ههههههههههههههههههه خلاص هاركب نظارة

- طب كويس ياحبيبى برضو شكلك هيبقى يجنن هههههههههههه

كانت هناك عيون تنظر لحمادة باعجاب واضح
ولاحظت هالة عيون الفتاة التى تقف مع صديقها
انها تنظر الى حمادة نظرات جريئة جدا

انقلب وجهه هالة فجاة ونظرت اليه وقالت/
- بتبص عليك ليه البت دى

- معرفش

- تعرفها

ضحك حمادة من عصيبة هالة والغيرة الواضحة
ولم يستطيع السيطرة على ابتسامته وزادت ضحكاته غضب هالة

نظرت اليها هالة نظرات احتقار قائلة اليها/
- خليكى فى اللى معاكى ولا هو مش مكفيكى .. بتبصى على جوزى ليه ؟؟

لم يستطيع حمادة تمالك نفسه من الضحك اكتر
ولكنه اعتذر للشاب الذى مع الفتاة
ونظر الى وجه هالة الغاضب واقترب منها
وامسكها من دراعها ومشى بها لمكان ابعد عن الفتاة والشاب

وقالت هالة ودموعها على شبهه الانهيار/
- انت تعرفها مش كدا رد عليا كنت بتكلمها .. رد عليا ياحمادة

- هششششششش مش عايز كلام اهبل انا عمرى ماشفتها قبل كدا وبطلى شك بقى

- امال كانت بتبصلك كدا ليه ؟؟

ونظر اليها واقترب منها والف ذراعه حول خصرها

وضمها وقال/
- شكلك حلو اوى وانتى غيرانة بجد تجننى

- حمااااااااادة .. مينفعش كدا وبعدين احنا فالشارع

لكنه اسكتها بوضع ايده على فمها قائلا/
- مش عايز اسمع حاجة خلينى ف الحلم الجميل ده
ياريت مصحاش منه ابدا .. يااااااااااااااااااه من زمان
وانا نفسى اخدك فى حضنى واقولك ان ده مكانك اللى هاحبسك فيه طول حياتك .. بعد ده كله عايزة تبعدى عنى هالة انا بحبك فووووووق ما تتصورى

أقشعر جسدها وارتجفت

احمر وجهها من الخجل وظلت تنظر له بسعادة