عذرا أيها الحب لم أعد أثق بك ل هالة محمد

الفصل السابع والعشرون

جاء يوم الجمعة واجتمعت العائلة حول المائدة كعادتهم للغداء وعندما جاءت الحاجة عفاف سلمت عالجميع

وقالت موجهة كلامها لهالة /
- اهلا ياهالة عاش من شافك .. بيتكم مش بعيد عشان متساليش عننا ولا احنا مش قرايب امال لما تسكنى عندنا هتعملى ايه؟

اتضايقت هالة ونظرت الى حمادة وقالت لحماتها بأدب/
- معلش ياطنط اصلى بخرج من الصبح عالكلية وباجى العشاء مش شايفة قدامى ان شاء الله لما اخلص هتزهقوا منى

- لما نشوف كلام وبس

- لا مش كلام اكيد انا مليش بركة غيركم

ظلت هالة تقلب الطعام دون رغبة لها فالاكل ولاحظ حمادة واقترب من اذنيها وقال فى همس/
- مالك مبتاكليش ليه؟

- مليش نفس ياحمادة

- معلش انا عارف ان ماما بتضايقك بكلامها بس اعزيها انا ابنها الوحيد وبتغير عليا .. وبعدين لو ما اكلتيش كل اللى فى طبقك هأكلك بايدى قدامهم ومش يهمنى وانتى عارفة بقى ماما هتغير بزيادة وهتقلب عليكى

قالت بابتسامة مجاملة/
- هههههههههه لا مش ناقصة هاكل اهو

جلسوا جميعا فالصالون وقامت هالة ومريم بحمل الاطباق للمطبخ

وقامت هالة بغسل الاطباق وتركتها مريم وذهبت لغرفة الجلوس

وجاءت سيدة من عائلة الحاجة عفاف وابنها المعيد فى كلية الهندسة وقامت هالة بعمل الشاى

وتقديمه نظرت اليها السيدة فى اعجاب واضح

وقالت / - ماشاااااااءالله معقول يكون عندك بنت جميلة اوى كدا يا أم هانى ومخبيها عننا انتى بتخافى عليها من الحسد ولا ايه؟؟ هههههههه عالعموم احنا مش بنحسد

- لا ابدا اصلها مبتحبش تخرج ابدا ومهتمة بدراستها وبس

- ماشاااااءالله وانتى بقى فى سنة كام ياهالة؟

- فى رابعة هندسة

- بجد ده وليد ابنى معيد عندكم بقى

- حقيقى معرفش اصلى مش باخد بالى من المعيدين .. اهم حاجة عندى انى اكتب المحاضرات وبس

- برافو عليكى هى دى الاخلاق ولا بلاش

دخلت منة قائلة / - هالة طول عمرها مؤدبة وشاطرة اوى دى حتى هى اللى عاملة ديكورات البيت كله وبيتهم وبيت مريم وهانى كمان

- ربنا يكرمها بجد باين عليها .. اكيد بدالها بنت منى
محدش يقدر يتكلم ونعم الاخلاق بجد

هالة/ - مييييييرسى ياطنط ده بس من زوق حضرتك

- دى الحقيقة يابنتى

نظر اليها وليد وقال/ - وانتى بقى داخلة قسم ديكور ولا دى هواية

- اه قسم ديكور لانها هوايتى من زمان وقررت ادخل القسم اللى بحبه لانو هيساعدنى ابدع فيه اكيد