هالة/ - ازيك ياشوشو وحشتنى بقالى اسبوع مش شفتك يابنتى ايه مشغولة مع مين؟؟
شيماء/ - اسكتى يا لولو مش هتصدقى مش كريم جالنا البيت وقعد مع بابا وقعدت معاهم شوية
- لا بجد يعنى خلاص كدا اتخطبتوا
- لا ياعبيطة دى اسمها روية شرعية وانا لو وافقت عليه هيبقى الموضوع رسمى فهمى نظمى كمان
- اهااااا قولتلى طب وانتى رايك ايه؟؟
- لسه بفكر وبستخير ربنا
- نعم ياختى امال مين اللى كانت روشانى معاها وكريم مش واخد باله منى .. ده بيكلم دى وبيبص لدى
- هههههههههههه ماشى ياهالة حسابك معايا بعدين المهم عملتى مع حمادة ايه يا فالحة ...
- هاحكيلك بعد بكرة لما اشوفك فالكلية عشان هاروح دلوقتى اعمل حاجة يلا سلام
- اوكى يلا عالساعة 7 تكونى جاهزة ومستنيانى فى محطة الاتوبيس .. سلام
&&&&&&&&&&&
كانت هالة تتقلب فى فراشها يجافيها النوم وفى المساء ولكن لاتعرف بسبب القلق وفجاة رن هاتفها
ونظرت اليه فى قلق واضح وقررت عدم الرد وظل المتصل هو وظل يرن ولا يمل حتى ملت هالة وقررت الرد
هالة/ الووووووووو
حمادة/ انتى حكيتى لـــ بابا ؟؟
- ايوة حكيتله
قال فى غضب وصوت عالى/
- اشمعنا مش الموضوع مش فارق معاكى اشمعنى دلوقتى فرق
- انت اللى مش فارق معايا انما نفسى تفرق معايا طبعا .. واظن انا كدا ريحتك ومتزعلش منى انا قولت اللى وصلنى وشفته بعينى
- ازعل ليه ان شاء الله هو انتى شفتينى معاها فى شقة .. لا سمح الله عشان اخاف
- دى مشفتهاش بعينى لسه
- انتى تتوقعى حاجة زى دى يعنى
- وانا اعرف منين كل شئ جايز
- لا بجد انتى مش طبيعية ودماغك بتسرح لبعيد اوى
- طيب دى حاجة متخصنيش .. الخلاصة دلوقتى اتقفت انت وخالو على ايه ؟؟
- متخصكيش ازاى ياهانم انتى عارفة انى ممكن اعمل علاقات حرام وعادى بالنسبالك
قالت فى غضب/ - انا متقولتش كدا انا قولت معرفش انت ادرى بنفسك .. انا بجد تعبت وعايزة اخلص
- خليه هو يخلصك
- مين ده اللى يخلصنى
- اللى روحتى حكيتله مشكلتك معاه مش معايا ..
انا معنديش كلام تانى خلاص
تنفست هالة تحاول السيطرة على اعصابها وتقول لنفسها
" حاولى تكلميه بهدوء لانه عنيد "
قالت بصوت هادئ /
- طيب ياحمادة احنا ناس عاقلين وكبار وانا غلطت انى حكيت لخالو وبكلمك انت دلوقتى عشان نحل مشكلتنا وبطلب منك نخلص الموضوع عشان نرتاح
- انا مرتاح كدا وخلاصك ان شاء الله على ايدى وعشان تبقى عارفة من دلوقتى فيه معاملة تانية من اللحظة دى
- يعنى ايه بقى !!!!!
- هتشوفى بنفسك ياحبيبتى .......
واغلق الهاتف فى وجهها بغضب وتركها فى حيرتها
وخوفها من القادم
&&&&&&&&&&&&&&
- يعني ايه الكلام ده ؟
نطق "الحاج عبد الرحمن" بهذه العبارة فى غضب هادر وهو يتطلع الى الملف الموضوع أمامه على مكتبه بالشركة
قالت السكرتيرة :
- ده الفاكس اللي جالنا يا فندم
هب الحاج واقفاً وقال فى غضب :
- أنا مشغل شوية ناس لا يعتمد عليهم .. يعني كدة الصفقة هتضيع علينا
حمل هاتفه وساعته وتوجه الى الباب قائلاً :
- الغي كل مواعيدي النهاردة وبكرة
قالت السكرتيرة بنبرة روتينيه :
- حاضر يا فندم
&&&&&&&&&&&&&
أقبل "الحاج عبد الرحمن " على زوجته التى تجلس فى حديقة الفيلا وجلس على المقعد المجاور لها ..
رأت زوجته علامات القلق والضيق باديه على محياه فسألته :
- خير يا حبيبى فى حاجة ؟
تنهد فى ضيق قائلاً :
- للأسف مش هاحضر معاكو الغدا بكرة اعتذرى لــ "منى" اختى بالنيابة عنى
- ليه ايه حصل ؟
- فى مشكلة فى الشغل ولازم أسافر النهاردة ضرورى ومعرفش هاغيب كام يوم
- ما ينفعش حد غيرك يقوم بالمهمة دى
- لا مينفعش لازم أروح بنفسي لان ابنك لا يعتمد عليه فى حاجة
أنت تقرأ
عذرا أيها الحب لم أعد أثق بك ل هالة محمد
Romanceاول مرة اكتب قصة ويارب تعجبكم والقصة حقيقية ياجماعة ونفسى تقولولى رايكم فيها المقدمة لأننا فى دنيا لا تخلو من الآلم فأن لكل حكاية آلم لكن أيقنا أن بعد آلم أمل وبعد العسر يسر وبعد الكرب فرج هنا قلوب أرادت اللعب مع الحب .. تحددته وما كان له إلا أن ي...
