عذرا أيها الحب لم أعد أثق بك ل هالة محمد

الفصل السابع عشر

بعد يوم طويل لم يتزوق طعم النوم

جلس حمادة فى مكتبه فى الشركة يتحدث مع نفسه بين صراع من نوع خاص

تحدث قلبه مع عقله قائلين له/
* انت هتكدب على نفسك .. متنكرش انك ضعفت قدام جمالها لما روحت بيتهم وشوفتها .. شكلك وقعت

* يمكن اعجبت بيها بس مش حب

* وممكن يكون بداية حب

* لا مستحيل

* الحب ميعرفش المستحيل

* اصلا هى مغصوبة على الجوازة زيى بالضبط وكانت عايزة تتطلق يعنى صعب افرض نفسى عليها

* طب انت موافقتش تتطلقها ليه لما طلبت منك ده .. ومش يمكن عملت كدا عشان شافتك مع بسمة
وفاكرة انك مرتبط بيها وده كله غيرة مش اكتر

* معقول تكون عايزة تتطلق عشان كدا

* ليه لا انت ناسى ان كرامتها غالية عندها اوى
واكيد كرامتها نقحت عليها

* طب والعمل ؟؟

* لازم تتعامل معاها كويس وتحسن معاملتك دى مراتك برضو مفيهاش حاجة لو عملتها زى باقى البنات واحسن كمان وتهتم بيها شوية بدل البرود المتصنع ده

فجاة قطع صديقه شريف شروده قائلا مازحا لصديقه/
- ايه ياعم الحبيب كل ده سرحان ..
مكنتش اتخيل انك توقع بالسهولة دى ياحمادة

- خليك فى حالك ياشريف .. عايز ايه؟؟؟ .. وازاى تعدى مكتبى من غير ما تستاذن كدا

قال بمكر ومازحا/
- بقالى ساعة بخبط .. بس انت مش هنا خالص

حاول ان يتحاشى النظر وتظاهر انه مرهق من العمل قائلا/
- اه شكلى مرهق اوى وتعبان مش عارف مالى

- الحب ياخويا الحب بيعمل اكتر من كدا

- بطل هزار بايخ الدنيا الصبح خف علينا ياخفيف الظل

- طيب هاخف اهو عليك .. خد الورق ده امضيه وابعتهولى

نظر الى الورق نظرة عابرة ووضعه عالمكتب قائلا/
- طيب روح انت وانا هارجعه وابعتولك

- اوك ... صحيح نسيت اقولك خطيبتك هنا

ظهر على وجهه علامات الدهشة وقال / - هناااااا .. فين؟؟

- بتلف فالشركة مع والدك معرفش ليه !!

وقف حمادة وقال / - بجد ..

وظل ينظر يمين وشمال يبحث عن المرآية وقال/
- مش معاك مشك ولا مرآية

- ليه

- كداااااااااااا .. طب الساعة كام دلوقتى

- الساعة 11 ياعم

- طيب روح انت دلوقتى على مكتبك احسن اقتلك

ضحك شريف على صديقه وقال بمزاح/ - اوكى سلام ياحبيب

&&&&&&&&&&&&&

قال هانى لزوجته/ - ها طمنينى هالة عاملة ايه؟؟

- والله ياهانى اختك عنيدة حبتين وبحاول اهديها واخليها تتعامل مع حمادة كاى اتنين مخطوبين بس معرفش مالها قالبة عليه

- يستاهل اصلا مانتى عارفة اخوكى

- لا والله ياهانى ده اتغير خالص بقى دايما قاعد معانا وفى عالم تانى وسرحان ولا كانه قاعد معانا .. ده حتى ماما هتولع منه وحصلت مشكلة بينهم
بسبب انه متمسك بهالة اوى

- مممممممممممم ليه وامك مش عايزة هالة بقى

- مانتا عارف ماما عايزاه ياخد علا بنت خالتى باى وسيلة وحكمت عليه يشغلها معاه فالشركة عشان كدا بس لما خطب هالة طبعا اتجننت هى وخالتى

- اهااااا قولتلى بقى خطط عفاف ودلوقتى عملت ايه

- دلوقتى هديت شوية بس بتسم بدن حمادة وبدن هالة كل شوية بكلامها بس حمادة مش بيسكتلها خالص بصراحة

- اهااااا اصلا لو سكتلها كان هيشوف شغله معايا كله الا اختى

- ااااااااكيد طبعا انت عارف غلاوة هالة عندنا كلنا حتى ماما بتحبها بس خالتى بقى واكلة عقل ماما وخليتها تقلب علينا كلنا مش على هالة وبس

- طيب حاولى بقى توقعى خالتك فى شر اعمالها وتبينى لامك لانها عايزة تجوز بنتها لحمادة عشان الفلوس بس مش عشان بتحبه زى ماهى فاكرة

- تصدق فكرة بس هاعمل ايه

- لازم نفكر ونخطط كويس لان خالتك دى زى التعباااااان

&&&&&&&&&&&

وجهت والدة "شيماء" حديثها الى "كريم" قائله :
- " شيماء" دى بنتى الوحيده يا "كريم" وأنا وباباها مكناش هنوافق نديهالك لو مكناش متأكدين من أخلاقك وحسن سلوكك

قال "كريم" فى خجل/
- متشكر جدا يا ماما

- أتمنى انك تحافظ عليها وتصون الأمانة

- حضرتك متقلقيش ولا عمى كمان يقلق .. "شيماء" هتكون دايماً فى عنيا وان شاء الله مش هتكون هى بنتكوا الوحيدة بس أنا كمان هكون ابنكوا ..
أنا يتيم زى ما شرحت ظروفى لعمى وأنا شايف فيكوا العيلة والجو الأسري اللي اتحرمت منه

قال والد "شيماء"/
- طبعاً يا ابنى انت خلاص غلاوتك من غلاوة "شيماء" بنتى

قالت والدة "شيماء"/ - طيب هتعيش فين يابنى

- فى شقة المرحوم بابا طبعا انا هغير كل الديكورات والعفش

- ربنا يوفقك يا ابنى ويقدم اللى فيه الخير .. وزى ما اتفقنا ان شاء الله الخطوبة ف البيت الخميس الجاى

قال وقد اتسعت ابتسامته :
- ان شاء الله