عذرا أيها الحب لم أعد أثق بك ل هالة محمد

الفصل التاسع والعشرون

مر اسبوع وبدأت امتحانات كلية الهندسة وانشغلت هالة كثيرا بالامتحانات

ولكن لم يغضب حمادة كعادته وكان يذهب معاها للكلية ليهدى من خوفها

ويذهب لعمله وبنهاية موعد الامتحان يأتى ليطمن عليها

مرت الامتحانات على خير وبدأت الحاجة منى وهالة فى تحضير كل ما يخص العروسة

وذهبت هالة مع حمادة ليختاروا العفش وطبعا الحاجة عفاف ذهبت معاهم لتختار على زوقها

ظلت الحاجة عفاف تنظر الى الاثاث نظرة عدم رضا

ولكن اعجبت هالة باغلب المعروض فالمحل واختارت غرفة نوم رقيقة جدا

قالت الحاجة عفاف/ - يااااااي دى بلدى اوى

- بلدى ازاى يعنى ياطنط دى رقيقة وشيك جدا ونازلة موضة

- انا قولت انها بلدى اوى يعنى بلدى اوى ولا يمكن ابنى يشترى القرف ده

تدخل حمادة/ - ماما انا جبتك تختارى معانا مش تختار لينا وهى اللى هتعيش فالاوضة دى مش حضرتك

- بقى كدا ياحمادة ماشى انا ماشية وروحوا نقوا براحتكم

قالت هالة / - حمادة انت كسفتها خالص ميحصش كدا

- اعمل ايه يعنى انا تعبت من اسلوبها ومهما كلمتها بهدوء مفيش فايدة

- كان مفروض بالهداوة يعنى كدا هتقول انى انا اللى قويتك عليها

- سيبك هاصالجها لما اروح المهم نخلص ونختار العفش عشان بليل طائرة هانى

- اوكى يلا

&&&&&&&&&&&&&

فى المطار

جريت هالة واحتضنت اخيها وقالت/

- وووووحشتنى اوى اووووووووى ياهانى بجد افتقدك اوى ياحبيبى

- وانتى كمان وحشتنى اوى يا لولة اخبارك ايه طمنينى عنك

- كويسة وبخير طول مانت جمبى

حمادة/ - ياعينى عالحب على فكرة ياعم هانى انا بغير ومش اسمحلك تفضل حاضن مراتى كدا وفى الشارع كمان يقولوا عنى ايه الناس دلوقتى

تركها هانى وحضن حمادة وقال/
- ههههههههههه والله ليك وحشة يابو نسب ووحشتنى لمضتك

- لمضتك طب احترمنى قدام مراتى طيب ههههههههههه

- ههههههههههههههههههه ماشى ياعم المرة الجاية بقى

- ماشى بكرة هتشوف ايام عثل بس يلا اركب عقبال لما احط الشنط فالعربية

وضع يده على كتف اخته ونظر لحمادة وقال/
- حمل الشنط بسرعة ياشوفير ههههههههههه

- بقى كدا هى ليلتك باينة من اولهاااااا