عذرا أيها الحب لم أعد أثق بك ل هالة محمد

الفصل السادس عشر

بعد صلاة الجمعة

التف الجميع حول الطاولة بعد ان انتهت الحاجة عفاف والحاجة منى وهالة ومريم ومنة من وضع الطعام

وقالت الحاجة منى / - هو عبده سافر البلد

ردت عليها عفاف وقالت/
- لا ده سافر شرم الشيخ اصلهم ماسكين مشروع قرية سياحية هناك كبيرة اوى

ثم نظرت الى حمادة وتابعت/
- بس ابنى مش فاضى يتابع وشكل المشروع هيضيع مننا

- ياساتر يارب لا ربنا يجعله من نصيبنا ان شاء الله

- ان شاء الله

تدخلت منة وقالت/
- ماتجى نروح البلد ياعمتو انا نفسى اروح هناك اوووووووووى

- ياريت والله نفسى اشوف البلد اوى بس معرفش هالة ظروفها ايه ف الدراسة ده الدراسة بقالها اسبوعين وهى مرحيتش

هالة/ - روحى انتى ياماما ومتشغليش بالك بيا

- ازاى يعنى اخليكى لوحدك فالبيت لا لازم تجى معانا

- والدراسة ياماما؟ ده انا هيفوتنى كتير

- مش مهم اسبوع تغيرى فيه جو

- بس انا عندى عملى السنة دى ولازم احضر كفاية اللى ضاع منى الاسبوعين دول

تدخلت الحاجة عفاف/
- قال يعنى بتطلعى الاولى مش هتفرق اسبوع ياختى ولا هتفضلى لوحدك هنا وتعملى اللى على مزاجك

- ايه ده ياطنط وانا بعمل ايه يعنى ؟

- الله اعلم بس ميصحش تفضلى لوحدك وخصوصا ان حمادة هيقعد هنا لوحده هو كمان

- وانا مالى بيه هو فى بيتكم وانا فى بيتنا

تدخل حمادة قائلا /
- مامااااااا ملكيش دعوة وياريت مدخليش فى خصوصياتهم

- انا بقول الاصول والناس مش هتبطل كلام

- هيقولوا ايه يعنى ما احنا متجوزين وفرحنا بعد شهر اللى يتكلم يتكلم .. ومحدش يقدر يتكلم علينا .. دانا كنت قطعت لسانهم

- انتو حريين بقى انا قولت الاصول وبس

ظلت هالة غاضبة من زوجة خالها عفاف
والتى تنظر اليها فى حقد وقالت لنفسها
" من اولها هتعمليلى فيها حماة ياطنط عفاف كدا ربنا يستر هو يوم باين من اوله ولسه لما اخواتك يجوا هيستلمونى هما كمان تريقة عليا وعلى رفعى
وهما زى الافيال يارب خلصنى "

وشرع الجميع فى الاكل فى هدوء وحمادة ينظر اليها وما زال غاضب منها حتى انتهوا من الاكل وقاموا بتنظيف السفرة

دخلت الحاجة عائشة اخت الحاجة عفاف وبناتها الاثنين علياء وعلا للمنزل
وسلمت عالجميع

وجزت على اسنانها من الغيظ عندما رأت هالة قائلة /
- ازيك ياهالة عاملة ايه ياحبيبتى؟

- الحمدلله ياطنط ازى حضرتك

- كويسة الحمدلله .. مالك كل شوية الاقيكى بتخسى اكتر كدا .. ايه مش بياكلوكى ولا ايه ؟

- لا الحمدلله باكل كويس .... بس محافظة على رشاقتى اصلى مبحبش التخن

نظرت اليها الحاجة عائشة فى غضب ونظرت على بناتها (كلهم ماشاءالله افيال ههههههه)

وقالت/ - ماله التخن ياعينيا عالاقل هتملى عين جوزك مش عظم ولا هيلاقى فيكى حاجة اصلا

غضبت هالة ونظرت الى حمادة ليدافع عنها ولكنه ظل صامت
وقالت / - انا لو مش مليئة عينه مكنش اختارنى اصلا

ورد الحاجة منى لتوقفها عند حدها قائلة/
- مش بالرفع ولا بالتخن المهم القبول والحب ولا ايه ياحمادة يابنى ؟؟

اعتدل حمادة فى جلسته وهو يقول /
- طبعا ياعمتو طبعااااااا الاختيار مش بالمظاهر ده بالارتياح اهم حاجة

اتضايقت الحاجة عائشة من رد ابن اختها ونظرت لاختها عفاف التى ما بيدها شئ تفعله امام ابنها وهو متمسك جدا ب "هالة" كما تظن

وهمت الحاجة منى بالحديث عن اى موضوع لتهدا الوضع بينهم

&&&&&&&&&&

حل الظلام ينيرة النجوم وقمر في السماء

وجلس حمادة فالشرفة يفكر فى حياته السابقة كان يرفض فكرة الجواز والقيود ويعمل اى شئ بحرية ويعبث كما يريد

ويخرج مع هذه وهذيك على حريته وبمجرد ان يتحدث معهن يذبوا حباً فيه

الا خطيبته "هالة" التى تعامله بنفوز واضح

وتصده دائما وذلك يجن جنونه اصبح يراها انسانة محيرة جدا من ذى قبل

تذكر عندما كان فى الاعدادى وكانت هى صغيرة

كان دائما يحب ان يغضبها ويجذب شعرها ويجعلها تبكى حتى تضربه بيدها الرقيقة

كانت اجمل فتاة رآها ولكن كان يشعر بالغيرة منها والغضب والنفوز منها

وعندما اصبحت فتاة جميلة لا يعلم لماذا

كان يشعر بالمسئولة تجاهها مثل مريم ومنة واكثر

وانه يجب ان يحميها من الرجال الذين دائما ينظرون اليها ويطمعون بها

ولكن دون علمها ولكن عندما اجبره والده على الزواج منها غضب جدا

ولكن لم يعترض وطرأ تغير على مشاعره نحوها

فهو يراها احيانا فتاة رقيقة وجذابة

ويراها احيانا عنيدة وشرسة ولا تتطاق واصبح فى حيرة غريب