البطلة (هالة) /
طالبة فى رابعة هندسة فتاة جميلة جدا بشرتها قمحي فاتح وعينها عسلى فاتح ومحجبة حجاب عصرى ومحتشم ومن اكبر العائلات المصرية المحترمة جدا والعريقة
اشرقت الشمس بقرصها المتوهج ليأتي يوم جديد ملىء بالحزن والسعادةاستيقظت هالة على صوت والدتها
وهى تقول لها /
- قومى كفاية نوم انتى واخوكى جننتونى
هالة/ هو كل يوم يا ماما نفس الكلمتين دول سيبنى انام حبة طيب
الحاجة منى / يابت قومى ساعدينى انا مش قاردة يقطع خلفة البنات وسنينها
هالة/ يادى خلفة البنات اللى مش عاجباكى طب روحى صحى هانى ياست ماما وشوفى هيقوم ولا لا
الحاجة/ هو راضى يقوم طالع لاخته
هالة/ طالع لاخته برضو قولى عريس بقى ياماما وبيدلع انا هقوم اهو واصحيه بطريقتى
الحاجة/ ههههههههه فعلا مش بيصحى غير لما تروحيله انتى قومى يلا عقبال ما احضر الفطار
قامت هالة وقبلت امها من وجنتيها وقالت /
حاضر ياست الكل انتا تأمر ياجميل .. صباح الفل عليكى
الحاجة/ صباح النور يابكاشة
&&&&&&&&&&&
هالة/ قوم بقى ياعريس انت هتقضيها نوم ولا ايه انت جاى عشان تنام فى مصر ماكنت تنام هناك ياحج
هانى/ يافتاح ياعليم يارزاق ياكريم هو الواحد ميعرفش ينام ابدا فالبيت ده منك ياشيخة حسبى الله ونعم الوكيل امتى تمشى من وشى بقى .. هى الساعة كام ياست هانم؟
هالة/ بقى كدا انا غلطانة انى بصحيك الساعة بقت 12 ياخويا يلا قوم وبطل كسل .. خلاص من النهاردة هتنام فوق فى شقتك بقى ومش عايزين نشوفك عندنا تانى هههههههههه
هانى/ خفة .. قاعد على قلبك شهر بحاله
يمكن اخلص منك ومن رخمتك الاقى اى شحات يرضى بيكى
هالة/ شحااااااات اخص عليك اخص .. مش هتخلص منى ابداً قوم بقى ماما هتولع فينا بقالى ساعة بصحى فيك .. ربنا يكون فى عونك يامريم هههههههههههه
ضحك "هانى" وهو يضرب اخته بالوسادة قائلا / رخمة
الحاجة/ يلا ياهانى .. انت وهالة بلاش خناق عالصبح
هالة/ حاضر يامامتى ياحبيبتى بس ابنك يقوم .. قوم بقى ياعريس ولا لازم تتدلع شوية علينا
هانى/ - ادينى قايم يا بااااااى عليكى اوووووووف
ولم تترك هالة اخوها فى حاله ظلت تغني له وتمزح معه
وهو يذهب للحمام ليغسل وجهه
- اتمخطرى ياحلوه يازينه ياورده من جوا جنينه .....
أنت تقرأ
عذرا أيها الحب لم أعد أثق بك ل هالة محمد
Storie d'amoreاول مرة اكتب قصة ويارب تعجبكم والقصة حقيقية ياجماعة ونفسى تقولولى رايكم فيها المقدمة لأننا فى دنيا لا تخلو من الآلم فأن لكل حكاية آلم لكن أيقنا أن بعد آلم أمل وبعد العسر يسر وبعد الكرب فرج هنا قلوب أرادت اللعب مع الحب .. تحددته وما كان له إلا أن ي...
