عذرا أيها الحب لم أعد أثق بك ل هالة محمد

الفصل السابع

فى بيت الحاج عبده
ثار حمادة غضبا على والده اللى نظر اليه فى ذهول جراء كلامه

حمادة/ - ايه اللى عملته يابابا ده .. انت ازاى توافق على كتب كتاب احنا اتقفنا انها خطوبة بس مش كتب كتاب وبعدين عايز الفرح بسرعة كمان .. انتو عايزين تتدبسونى وخلاص ولا ايه؟

- ندبسك ايه انتا تتطول هالة اصلا .. ياسلام وايه الفرق بقى بين خطوبة وكتب كتاب كدا هتحافظ على منظرك قدام الناس عشان لما تتدخل وتخرج محدش يتكلم عالبنت ولا انت كل همك نفسك وبس مش خايف على سمعة بنت عمتك وعمتك

- انا طبعا اخاف عليهم دول لحمى ودمى يابابا .. بس مش للدرجة دى يعنى .. انا مش ممكن اوافق على المهزلة دى خطوبة ماشى كتب كتاب لا .. لا يمكن ابدا

غضب الحاج عبده وقال بصوت عالى/
- ليه انت مش ناوى تكمل الخطوبة يعنى وبعدين متقولتش قدامهم كدا ليه وسكتت .. انا مش عيل عشان بعد ما اتقفت مع الناس ارجع فى كلامى وانت فاهم كدا كويس وبعدين مالك خايف اوى كدا كانى قولت فرحك بكرة

- لانى عارف انت عايز ايه يابابا عايز تتدبسى وتجوزنى وخلاص كانى بنت عنست عندك وعايز تخلص منها .. ايه المصيبة دى بس ياربى

- مصيبة .. مصيبة تاخدك انت وامك واخلص منكو .. بنت اختى انا بتسميها مصيبة انت مش عارف بيجى عرسان قد ايه عشان يخطبوها منى وانا مش راضى بقول زيتنا فى دقيقنا ومستخسرها فى حد غيرك لانى اكتر حد عارف انها هتخليك تمشى عدل بدل الصايعة اللى انت فيها دى وكويس انك عرفت انك عنست صحابك كلهم عندهم عيال من زمان .. وبعدين تعالى قولى انت عمرك شفت بنت محترمة زيها ولا فى ادبها واخلاقها وجمالها لو جبتلى بنت زيها بس فى مصر هاجوزهالك

- ومين قالك انى عايز اتهبب اتجوز انت اللى مصمم انك تجوزنى مش انا .. بس حتى سيبنى اختار براحتى

- تختار ايه بقالك خمس سنين صايع وراء البنات وياريتك عارف تختار واحدة محترمة .. وبعدين خلاص انت وافقت وقراية فاتحة ومفيش رجوع

- مايهمنيش فى حاجة وبغض النظر عن كل اللى قولتله انا مبحبهاش انا مش عايز اتجوز نهائى ولا هى ولا غيرها عشان ترتاحوا كل واحد فيكو انت وماما عايزنى اتجوز بنت اخته وانا مليش اى اختيار فى شريكة حياتى

- سيبك من امك دلوقتى وانت حر ياحمادة انا قولت اللى عندى .. كلمة زيادة ومش عايز اشوف وشك فالبيت ده تانى واحنا قفلنا عالموضوع خلاص ومفيش رجوع انا مش عيل تقوله ماشى وترجع فى كلامك وانت قبلت وجيت معايا يبقى تكمل الجوازة على خير .. فاهم ولا لا؟؟

- بقى كدا يابابا عايز تتطرد ابنك الوحيد .. ماشى يابابا هتجوزها وهتشوفوا هاعمل ايه؟؟

- اياااك تعمل فالبنت حاجة اول واحد هيقف فى طريقك انا .. فاهم

نظر لوالده بعناد وتحدى وقال/ مااااااشى

تدخلت والدته الحاجة عفاف وهى تقول لابنها بصوت خافت/
- متخافش يابنى دى مش هتاخد فى ايدى غلوة وهاطفشهالك انا لا يمكن اوافق عالجوازة دى بس انت عارف ابوك لازم نسكت دلوقتى

&&&&&&&&&&&

مريم/ قومى بقى ياعروسة عشان ورانا حاجات كتيرة نعملها

- سيبنى فى حالى يامريم عايزة انام شوية

- تنامى ايه يابت دانا ماصدقت انى افرح فيكى يووووووووه قصدى بيكى .. دا انا منمتش من فرحتى اخيراااااااااااااااا عدوة الرجالة هتتدبس وتتجوز مش مصدقة نفسى بصراحة

- هق هق هق خفة عالصبح وانتى بقى فرحانة ليا ولا فيا بجد

- ههههههههههههه الاتنين بصراحة وفرحانة فى اخويا كمان المنتقم من النساء مع عدوة الرجال يااااااااه هههههههههههه

- ظرررررررررررريفة طول عمرك

- مش اكتر منك طبعااااااااااااا يلا بقى قومى

- هو حد مسلطك عليا يابت انتى غورى من وشى الساعة دى احسن ما اعورك واخويا يغير رايه ويطلقك

- ميقدرش يابت دانا جمالى ساحر ههههههههه

- ربنا يكون فى عونك ياخويا ياحبيبى اتدبس فعلا فى واحدة هبلة .. امشى من وشى احسنلك الساعة دى

- مش ماشية يلا قوووووووووووووووومى بقى
- اوووف يارب ارحمنى برحمتك شكلك مش هتسيبنى مضطرة اقوم اضربك