شرق8 🔞

٧٩

رغم اني م قعدت كتير مع سيدة لكن اتاثرت و انا بودعها شديد ، و اصلا دموعي دي ما عارفه حتقيف متين .. 

مشيت الوزن و الحمدلله ما طلع زيادة ، خلصت اجراءاتي و مشيت قعدتاا ، جاني واحد قالي بصمة العين علي الجواز، و وصف لي اتجه على وين ، 

دخلت يدي جوااا الشنطة عشان اطلع الجواز م لقيتووو ، فتحتا جيب جيب برضو ما لقيتو ،بقيت بتكلم مع نفسي ..

 جوازي ختيتو وين يا الله ،كان هنا انا متاكدة .. الا افضي الشنطة دي كلهاااا ..

ياربي مستحيل اكون رميتو في حتة ، مستحيل يا رب ..دي شنو الورقه دي !!!

*فلاش باك*

تتذكرو يوم مؤيد قالي امضي بسرعه اصحابي منتظرني برااا ،، مضيت و نزل و جا راجع اداني ورقه مطبقة ، قالي خليها معاكي اسي عشان ما اجدعها في حته و بعدين انسى ، و انا شلتها زي ماا هي و ختيتاا ..

بقيت بفتح في الورقه ، اول حاجة عيني وقعت عليها تحت هي امضتي !

و ابتديت اقرا الورقة ،، و صرختااااا بأعلا حسي ، بس بصرررررخ بصرررررخ ، لااااااا مستحيييييييييل ..!

اتلمو فيني سكيورتي الامن ، و من المسافرين ، و جاني راجل سوداني كبير ،، كلهم بتكلموو ، و بقولو لي فيك شي ، في شي واجعك ، ليش تصرخ كذا بسم الله ، يا اخت انتي كويسه ، ردي ،،،و انا منهارة تماماً ببكي بس ما فاهمه حاجة ولا قادرة اتكلم ،، لمن حسو في مشكله ، الراجل السوداني قاليهو امشو انا معاها .. جاني واحد آسيوي والله جاب موية اداني ليهااا و بقى يقولي من بعيد it's oky , everything will be fine , don't worry ..في اللحظة دي حسيت انه الوحيد العرف ان الجواي اكبر من الوجع حاجة ما بتتحكي .. 

السوداني دا قدر ابوي يمكن ، قعد يقولي استغفري استغفري كلنا لهاا ! رفعت راسي قلت ليهو المات منو ؟ انت بتعرفني ؟ في شنو ، ابوي كويس ؟ 

قالي يا بتي اهدي انا م بعرفك ولا بعرف ابوكي بس البكا دا ما بيتبكي الا على زول مات ، قلت ليهو المته انا ، انا دي المت ، استغفرالله العظيم ، بقيت بتصرف بهستيريا ، بفتش في الجواز و هو اصلا مع التزكرة في يدي ، بس نصيب الورقة دي اني اشوفها ، مؤيد الحيوان ... 

لململت اغراضي ، و مشيت عملت البصمة ، ودخلت صالة المغادرة ،، مشيت الحمام ، طلعت النقاب البقى مبلول من البكى ، غسلت وشي و قعدت استغفر ، و اقول الحمدلله على ما اراد الله ،،، يعني الحاجة الوحيدة الكانت مصبراني على عملة مؤيد هي الزواج و حتى دا طلع وهم ، طلعت ورقة عرفي و لا مسيار م فهمته ، غير انه دا م شرع ربنا العرفناهو ..

طلعت برااا ، سألت على مواعيد الطيارة قالت لي. لسه 15 دقيقه ..

قلت حلووو ، مشيت فتشت المسجد حق المطار ، م ح ارتاح الا فيهووو ، فعلاً دخلتا بلهفة ، زي العيانة و منتظرة المسكن او العلاج حقي ، صليت ركعتين لي الله ، و بقيت بستغفر و بدعي انه م يكسرني قدام اهلي ، قعدت 10 دقايق بقيت سامعه صوت الاشعارات من التلفون شبك من wi-fi المطار .. م كان عندي وقت امسك تلفوني ، لاني لقيت الناس بدت تركب .. 

وقفت في الصف ، اديتا التكت حقي ، و دخلت فتشت عن مقعدي ، و قعدتاااا ،، عن جمال الطيارة دي ماشاءالله .. 

فتحت تلفوني قلت اتصفح ف الرسايل الوصلتني قبل الاقلاع ..واول رسالة عيني وقعت عليهااا حقت متوكل !!! 

*في الحلقة الجاية *

انا مستحيل افكر في اني اتزوج وحدة 

بتاعت رجاال زيك ، سمعتك فااايحة في الحلة يا رحمة ، يارخيصة !

#استككانةة💣..

يتبع .....