*دد دا كلام شنو يا اسعد ، بسم الله ، انت ليه بتتكلم عني بالطريقه دي ؟
_ما تعملي فيها متفاجأة انا عارف عنك كل وساختك ، تحبي اديكي مثال ؟
* (فعلا م كنت فاهمة هو بتكلم عن شنو ، بس اتضايقت و لاني قررت م ابقى ضعيفه واسكت ما خليتو )
وساخة ،و رخصة و بتاعت رجال ! هه يا اسعد انت اخر من يجيب سيرة الرجال على لسانو فاهم ، و رايك شنو نكبررر الونسة دي و نجيب اهلي و اهلك و ناس الحلة كلهم و نقلباااا حفلة ، و بس كلامو ولع فيني نار و فعلا انا الفيني مكفيني الخسرتو ما هين و تاني ما عندي حاجة اخسرااا .. و بقيت بكووورك يا اميييييييييي ، يا اميييييي تعالي ، و مشيت خبطت بيت عمي ، و بنادي في عمي ، قالي انتي قدر البتعملو فيهو دا ! (جو طالعين ) قلت ليهو قدرو و اكبر منوو يا اسعد ،، عمي قالي رحمة ! انتي جيتي متين و سماح و مرة عمي و انور و اخواتي و امهم و امي و يمنة جات مسكتني ، قالت لي رحمة في شنو بسم الله !
قلت لعمي ، ولدك المصووون اب شنب ، واقف يبشع بي في الشارع ما خلا لي نبزة ما نبزني بيهااا ، رخيصة و بتاعت رجال ، خلي يبقى راجل يقول الكلام دا تاني قدامكم ، دا المفروض ولدك يا عمي ، و يكون سند ليناا لا جاي يتشمت و يقل في ادبو ! بيعرف شنو هو ان الاخلاق ! تحب اوريك منو قليل الادب فيناااا ، تحب ازكرك ببب(يمنة ختت يدها في خشمي ) قالت لي رحمة عشان خاطر ابوي عمرو ما في زول سمع صوتنا في الحلة والكل بتحترمو ، كفايه خلينا ندخل ..
عمي علا صوتو قالي ، رحمة ، زول عندك كلام ادخلي جوا البيت و نتكلم ، قلت ليهو هو الاختار الشارع ،مش قال سمعتي فايحة ف الحلة خلي ناس الحلة ديل يجووو يوريني ريحتي فايحه في شنو ،حمدلله متربية احسن تربية ، خلي زول يجي يقول لي بغم
و انا اجيب رقبتو في يدي و اولهم انت و بحذرك تاني مرة تتكلم معي بالطريقه دي عشان وقتها م حعرف زول وحأندمك فاهم ! رحمة المسكينة دااااك ماتت . وحقي قلع بجيبو من اتخن تخين ،،
قالي : برافووووووو خذوهم بالصوت صح كدا يا محترمة ، طيب تحبي ازكرك ب مايكل ! و ركوب العربيه ؟
امي : اسعد ، العملتو معانا تقل حسابك معانا و الانت بتعملو دا بيفرق بين اسرتين عاشو سنينهم دي كلها بيت واحد !
قلت ليها دقيقة يا امي .. مايكل دا شنو ولا دا منو كمان ! ( كان لازم اعمل كدا رغم اني متفاجأة عرفو كيف )
قالي عامله فيها غبية صح ، لازم تستغبي ..قلت ليهو ايوواا انت مصمم معني كداا ،، عاينت ليمنة وقلت ليها ،شكلو مصمم يا يمنة ، قلت ليهو طيب يا محترم ..خليني انا ركبت لي عربية مع واحد ، لكن انت بتعمل شنو في البنات ؟ تحب ازكرك يوم سنكاب سماح في الغرفة بتاعت انور ، كنت بتعملو في شنو انت و اسماء ؟
أنت تقرأ
شرق8 🔞
Romanceّ " يا أيها القادمون إلى المدينة اتركوا قلوبكم ودائع وراءكم , فهي غريبة على سكان هذا المكان , يستسيغون مضغها, ويبصقون بها في وجوهكم متى حان الرحيل ! أخذت ُ أمزق ُ أوراق دفتري وأرمي به من نافذة السيارة وكأني أتخلص من آخر شظايا قلبي . لا أريد لها أن...
