صغيرتي أنا احّ ـّـٌٍ❣ـٍّبّكَ

البارت 2

# صغيرتي أنا احّ ـّـٌٍ❣ـٍّبّكَ
# سارة العبيدي

-------------------

جنت يومية بليل اقراء قصة قصيرة لرغد قبل النوم و اليوم
اخر مرة راح تبات رغد بغرفتي من بعد 3 سنوات من جيتهة
لبيتنة ،، 3 سنوات الرعاية و الحب والدلال قظيتها جميعها
لصغيرتي كأي أم و أب ،،،

لأن هسة صار عمرهة 6 سنوات و سجلناهة بلمدرسة و هية
طايرة من الفرح ،،
جانت يومية من تجي من المدرسة تكعد تحجيلي كلشي شافتة
و تعلمتة بلمدرسة ،،
و جنت يومية ورة الغدة اكعد اعلمهة دروسهة و احفظهة
و هية جانت تلميذة شاطرة بسرعة تتعلم  ،،
ومن تخلص واجباتهة تاخذ دفتر الرسم و اقلام التلوين و
تكعد على السرير ترسم بهدوء

تقريبآ بهدوء. !

: وليد لون وياي

جنت صافن و أتخيل باجر شلون ماراح اشوف سريرهة بذيج
الزاوية و ما راح اسمع لغوتهة و حجيهة وية نفسهة قبل
ما تنام، ،،،

: وليييييد لون وياي

هلمرة انتبهت على صوتهة الحاد و صديتلهة و بتسمت
هه جنت دائمن اكعد الونلهة و هية تراقبني بسعادة

: ماشي

كتلهة وردت أكوم من على السرير ما حسيت غير جيتت
علية هية و دفترهة و اصباغهة بثانيتين. !
ومثل كل مرة هية الي تختار لي الرسمة و هلمرة ختارت رسمة
بنية صغيرة و شايلة جنطة المدرسة ، كتلهة

: صغيرونتي ليش متلونيهة انتي مو هية تشبهج
صدتلي و بتسمت و كامت تقلب بلوراق تطلع غير رسمة
فا كالت

:ماكو ولد يشبهك،  ، راح أرسمك
فا لزمت القلم و كامت ترسمني بوحدة من الوراق فا انتبهت
عليهة رسمت خط طويل جوة الأنف !

: رغد شنو هاذا. ؟

: هاذا شاربك. !

: شنوو هه بس أني ما عندي شوارب

: أي صحيح بس من تكبر مثل بابا راح يصير عندك
شارب طويل لأن أنتة طويل

من صدك ظحكت 😂😂و هية هم ظحكت

لأن أني صدوك طولت بهلفترة و الظاهر راح اصير اطول من أبوية

وردينة نلون لونة صور ة رغد الصغيرة و وليد صاحب الشارب الطويل

(( منو جان يتوقع هذني الصورتين راح يعيشن ويانة كل هل عمر ) )

من صار اليل شلت سرير رغد و غراظهة و خليتهن
بغرفتهة الجديدة الي جانت قريبة من غرفتي

و صغيرونتي جانت كلش فرحانة لأن صار عدهة
غرفة خاصة بيهة مثل دانة و دانة بعد متكدر تعيرهة مثل قبل
لأن هذني البنيتين جانت علاقتهن حيييل سيئة، ،،
و بلنسبة ألي حييل انقهرت و حزنت لأن اريدهة تبقة
يمي و تحت رعايتي
اكثر من هيج لأن جانت تعنيلي هواااااي