صغيرتي أنا احّ ـّـٌٍ❣ـٍّبّكَ

البار ت 7

# صغيرتي أنا احّ ـّـٌٍ❣ـٍّبّكَ
# سارة العبيدي

------------------
سامر. .

لأن أخوية وليد هسة مموجود راح احجيلكم أني عن الصار بيتنا
من بعد المصيبة العظيمة ..

رحيل وليد ما جنة نكدر نتقبلة لا أني و لا أمي و لا أبوية و لا
دانة و لا رغد ..
و بلأخص. رغد. لأن هية حييييل متعلقة بي و رحيلة سببلهة
كارثة ..
تمرظت رغد بلبداية بشكل ينذر بلخطر ...

وليد قبل ما يروح هوة و أبوية للمكان ألي مانعرفة وين
راح الغرفة رغد الظهر و هية جانت نايمة ..
كعد بغرفتهة و أضنة ظل يبجي لفترة طويلة ...
بعدين كام و طلع من جيوبة تذاكر مال ألعاب و ملاهي و حطهن
على الكومدي يم راسهة و نزع ساعتة من أيدة و خلاهة يمهن
و باسهة من راسهة و طلع ...
و أجة علينة واحد واحد يحظن بينة بحرارة و بوسنة و دموعة
تجري على خدة ...

بوكتهة دانة سئلتة

: وليد أنتة وين تريد تروح. ؟ "

و أبوية جاوبهة

: راح يسافر علمود الدراسة مثل ما كاللكم. "

ألي جنة نعرفة أنو سفرة ما جان بهذاك اليوم .. و أصلآ مامحدد
يا يوم. .. و ثاني يوم عرفت أنو وليد أنسجن و أضطريت أكتم
هاذا السر عن هذني الصغيرونات رغد و دانة ...

صحيح أني تمنيت أنو عمار يموت بيوم ألي تمسخر مني و
ظحك الناس علية ..
بس أبد ما جنت أتمنة أنو أخوية الجبير و الوحيد هوة ألي يموتة. ..

بلسنوات الأخيرة جانو دئمآ يتكاونون و كونتنة الأخيرة
هية جانت السلسلة
من سلسلة الحلقة الأخيرة ...

جنة كاعدين بلستقبال ورة ما مشة أبوية و وليد فا جان
نسمع صرخة قوية أجتي من غرفة رغد ...

رحنة كلنة عليهة ركض نكيناهة تصرخ بشكل مو طبيعي و
تشهك ببجيهة و تكول

: وليييد ... وليييد، ... ليش رحت و عفتني. ؟"

ظلت تصيح هيج هوأية و تقريبآ يومية هيجي تنهار و تفقد
أعصابهة و تبجي بخوف و ظلت على هاية الحالة فترة
الحد ما تمرظت و ظلت مريظة أسابيع ...
بكل يوم لا بكل ساعة جانت رغد تشيل التلفون وتظل تتصل
بوليد بس متحصلة ،،، جانت تكول

: هوة كالي راح أنتظرج تخابريني كل يوم. "

عبالهة مسافر! !

: أني وفيتلة بوعدي ... ليش هوة ما وفالي. ؟! "

هواي من الهلاوس و الوساوس ألي جانت تكولهة يومية. وبدال
ما تكبر ... صغرت 6 سنوات. يعني مثل ما أجتنة أول مرة ...