صغيرتي أنا احّ ـّـٌٍ❣ـٍّبّكَ

البارت 9

# صغيرتي أنا احّ ـّـٌٍ❣ـٍّبّكَ
# سارة العبيدي

-------------------

وأخيرآ أجة دوري
و أنتم كلكم تعرفوني. !!

أسمي رغد و أني يتيمت الأبوين و اعيش وية بيت عمي الوحيد
شاكر من جنت صغيرة ..
خلصت دراسة الثانوية قبل فتررة و أفكر ألتحق بكلية الفنون
والرسم حييل اعشق الرسم و أني مبدعة بي ..
الكل يعرفني أنو أني رغد المدللة .
لأن اني تعودت من أني صغيرة كلشي أريدة يصيرلي و بأي طريقة. !

و اليوم عدنة حفلة ..
محتفلين بمناسبة تخرجي من الثانوية لأن ما كدرت أسوريملهة
قبل فترة لأن أمي ألي هية زوجة عمي جانت مريظة ..
و أصلآ هية صحتهة موزينة صارلهة سنين ...

دانة تبالغ بحط المكياج علمود تطلع ملفتة للنظر.  !
مع أنو هية مجانت عاجبتهة فكرة الحفلة .. ولأن
ما سوينالهة حفلة بتخرجهة هية مصرة ألة تسرق الظواء عني
بهاي اليلة. !

: هاي شنو دانة ترة هية حفلة بسيطة يعني ميحتاج
تحطين كل هاذا المكياج .. طالعة جنج عروس .... "

كلتلهة هاذا الكلام و جنت أراقبهة و هية. ( مزروعة)  كدام المراة
صارلهة ساعات. ،..،

بدون ما تلتفتلي كالت

: مادام عزمناهن خل نبهرهن بجمالنة بلكي نعجب وحدة منهن
و تخطبنة لأخوهة مثلآ. .. "

بتسمت بدهاء
لأن أني اعرف تقصدمن بكلامهة .. هية عدهة صديقة اهلهة حييل
اغنياء .. و عدهة أخو يحلمن بي نص بنات العالم. و النص الثاني
يموتن منه
لأنة لاعب كرة قدم مشهور و صورة تارسة الصحف و المجلات
و حتة التلفزيون ..

كلتلهة

: والله ما أدري شنو ألي يعجبجن  بشخصية مثل هاي و هوة
أصلآ ما يكف عن توزيع الظحكات و البتسامات يكلك مهرج. ،"

باوعتلي بحدة بلمراة و كالت

: علعموم .. هل شي ميعنيج . . لأن أنتي أخذتي نصيبج و كل شي
انتهى .."

ردت تحط سبرة ملمع لشعرهة ..و أني صديت عنهة
و باوعت على أيدي اليمنى و بلتحديد على أصبعي البنصر و
بل أدق على حلقة الخطوبة ألي لابستهة  بأيدي من سنين ..

مجرد بس بلغت 14 سنة من عمري يعني تقريبآ قبل أكثرمن
3 سنوات .. گطعولي مهر على أبن عمي سامر
و ظلينة مخطوبين من ذاك أليوم لحد أشعار أخر ...

سامر أكبر مني ب 5 سنوات تقريبآ و أول ما تخرج من الثانوية
عرظ علية الزواج ..
و أبوية لا  و حتة أمي و دانة همات الكل جانو يردون هاذا الشي
لأن أني صرت بنية بالغة و ما يصير أبقة وية أبن عمي بنفس
البيت مندون حرج علينة ثنينة ..
و عدا هاذا الشي. سامر، ،،، يحبني بخبال يموت علية ..
و لأن أني الجنت السبب بلحادث ألي شوه وجهة. و هاذا الشي
ما خلة أي بنت تنعجب بي أبد. .. وافقت