يس وهند وريم وصلو الخرطوم ومشو طوالى علي الجامعه عشان التسجيل وفي البوابة وهم داخلين وقفهم العسكري الحرس الجديد (شرطة الجامعات) وبصوت قوي ماشين وين يااخوانا تعالو بى جاي طلعو البطاقات وهنا يس مشي عليهو وقال ليهو ديل طلبه جداد وعايزين يسجلو
العسكري :شوف يازول انا مابعرف لاجداد ولاسمك العندو بطاقه يخش والماعندو يتخارج من هنا نحنا مافاضين ليكم.
يسوبدات عليه علامات القضب: ياجنابو انا وريتك ديل عايزين يسجلو يادوب وماعندهم بطاقات وعندنا إفادة بانو هم شالوهم في الجامعه.
العسكري : انت شكلك زول مشاكل وعامل دقنك زي دقن التيس .
هنا يس فقد اعصابو وقام ضرب العسري بنيه والشكله قامت والناس اتجمهرو .
صاحبنا العسكري ماصدق قام شرط هدومو وقلع الزراير وجو باقي العساكر اتلمو فيهم وخمشو يس وساقو معاهم وركبوهو العربية بسرعه.
واخوانتا هند وريم ما مصدقات الشى الحاصل قدامهم دا وقامن جاريات وراء العربية مسافه بدون فائده .
ريم : ياهند وراحكي نمشي اقرب مركز شرطه ونسأل احتمال يكون معاهم ومشو ركبو العربية المؤجرة وقالو ليهو يس ساقو ناس الشرطة ووراحكا ودينا المركز بتاع الشرطه.
بتاع العربية : انا عندي مواعيد ومابقدر اتأخر كتير انتو اتفاقكم معاي انو تسجلو ونرجع طوالى.
هند : ياعم اخوي اسى مقبوض وانت تقول لينا عندي اتفاق .
ريم : بنديك حسابك كامل بس اسع خلينا نحصل يس سريع.
بتاع العربية : انا اتفقت مع الناس في الحله وجايبهم الخرطوم تاني وشايل عربون واسع ادوني حق مشواري وانا برجع الحله .
*معلومه ( سيد العربية قريب بلقيس باللفه وكانت متزوجاهو عرفي واتشاكلت معاهو وتحت تحت بقولو انو ولد عبدالحميد ولدو هو ).
وهنا هند قالت للسواق نحنا قلطانين انو اجرناك وياريم وراح نديهو قروشو ونأجر امجاد نحصل يس.
نزلت هند وريم العربية واتزكرو انو القروش كلها مع يس وماعنده الا 200 جنيه بس .
وقامت هند قالت للسواق نحنا متفقين معاك مشية وجية وحانديك حق المشية بس .
السواق : انا اتفقت مع يس بى 750واسع تدوني 500 لانكم انتو الغيرتو الاتفاق وانا جاملتكم شديد عشان انتي بت عبدالحميد والراجل عزيز علينا شديد.
هند : بحرقه الله يلعنك ويلعن عبدالحميد واسع نحنا عندنا 200 بس والباقي ليك عندنا 150بنديك ليها في الحله واقطع وشك الفقر دا مننا .
السواق : انتو شكلكم بنات مامربيات وفاكات ساي وانا من دربي دا وعلي القسم وبفتح ليكم بلاغ والا تدوني قروشي كامله 750 ولاتنقص تعريفه .
الحله :
حاج عثمان بسأل في بخيته انا بضرب لهند ومابترد علي كدي اضربي ليها او اضربي لى يس.
بخيته : خلاص كويس وشالت بخيته التلفون وضربت لي يس وماردا وضربت لى هند بعد كم جرس ردت .
بخيته : ياهند وينكم مابتردو علي التلفونات .
هند: معليش يا امى بس انشغلنا بالتسجيل .
امها : ويس وينو مابرد برضو .
هند : مشي يدفع الرسوم.
امها : خلاص امشي عليهو اديني ليهو بالتلفون .
هند : كويس يا امى .
حاج عثمان : كدى ادينى هند ، شال التلفون وقال لي هند وين بضرب ليك ومابتردي .
هند : ما اسع وريت امى فى داع تسأل تاني .
عثمان : الشوق كتال يا هندوية .
هند: الشوق اللخنقك اسع دا زمنو .
عثمان : الخاتي انا العبرت ليك عن مشاعري كدى لمن تجي عندي معاك حساب .
قفلت هند الخط منزعجه شديد.
*معلومه (بتنا هند مع سماحتها الشديدة لمن تكون زعلانه قطيمه جنس قطامه )
ماعلينا ترجع لي موضوعنا ... انا كنت بقول في شنو ..... نسيتونا ......
محن عجيبة .....
اخونا السواق ماصدق مشى طوالى القسم وحكي للضابط كل الحاصل .
الضابط :الكلام دا وين .
السواق : جنب الجامعه .
الضابط :دا ما اختصاصنا ومن دربك دا امش القسم الاوسط وقبل ماتصل اعمل عريضة من النيابة والا بعد المغرب.
السواق : انا مستعجل وراجع الحله مافي حل انا داير حقي وبس.
الضابط : بتكلم مع هند وريم : يابناتنا ادو الزول قروشو وخلوهو يمش انتو شكلكم بنات ناس .
هند : ياجنابو انت ماعارف الحاصل وحكت ليهو كل التفاصيل وشكلو اقتنع بكلام هند او احتمال تكون عجبتو ساي غايتو ما نظلم الزول انما الاعمال بالنيات .
قام الضابط شال ال200 وتمى عليهم 200 واداهم لبتاع العربية وقال ليهو اقطع وشك واتخارج وهو مكرضم وشو وممغوس.
وسال هند عن يس والناس الساقوهو منن ،وحكو ليهو ، قال ليهم انتو ساكنين وين في الخرطوم .
هند :ماعندنا زول كنا متفقين انو نرجع الحله طوالي .
الضابط : خلاص اسع الوكت فات وتمشو معاي البيت ولى بكرة انشاء الله.
هند : شكرا ليك ياجنابو وقروشك بنرجعا ليك و نحنا لازم نعرف يس ودوهو وين اول حاجه وموضوع البيتان بنتصرف وبنمشي اقرب داخليه .
الضابط : انتو في العاصمه والبلد ما امان واعتبروني زي يس اخوكم وانا عندي اخوات قدركم في البيت والاسرة كبيرة والبيت كبير ماتشيلو هم انتو ضيوفنا وانا عندي دفعتي شغال في شرطه الجامعات بتصل عليهو.... وباركوها......ياهند ......
وكورك للسواق دور العربية ......
🚓
ذهب الضابط
ومعاهو هند وريم الى منزله ...........
هل ياترا كيف تحدث هند امها وحاج عثمان بانهم سوف يبيتون في العاصمه ومع من .؟؟
واين يس ؟؟؟
واين السواق؟؟
واين ....؟؟؟؟
هذا ماسوف نفرفه في الحلقات القادمه .......
انتظرونا ولا تذهبو بعيدا....
يتبع.....
