عصام طلع من البيت وشال كل هدومو ومشي علي الموقف وكانت الساعه 5.30م ومالقى بصات الزمن فات بس في شريحه وفضل ليها نفرين طوالى صاحبنا ركب وقال للسواق اطلع بعد كدا وبدفع ليك حق التزكرة الثانية .
وصل عصام الخرطوم ونزل مع يس في الداخلية وحكي ليهو كل الحصل.
في منزل بخيته :
هند لسع ماطلعت من غرفتها ولا اكلت ولاشربت .
بخيته مشت علي هند واتكلمت معاها وهند اقتنعت واكلت وامها قالت ليها انا بكرة بمشي لعثمان و بفركش الخطوبه وبرجع ليهو كل الحاجات الجابه ليك .
هند : فرحت شديد وحضنت امها من شدة الفرحه .
بخيته قالت لي هند : الحمد لله الحقيقة ظهرت من بدري وعرفنا عثمان علي حقيقتو وقبل ما الفاس يقع في الراس ، وتاني من يوم الليلة دي مادايراك تشيلي همنا والله معانا وانتي اهتمي بقرايتك وجامعتك وربنا بفرجها وحزراك من تفكري تعملي حاجه تضرك و عشانا نحنا..
هند : حاضر ياامي والحمد لله ربنا حلاني منو ، ومن يوم الليلة حا اسمع كلامك ياامي ..
اتصال من يس:
يس: السلام عليكم .
هند: وعليكم السلام .
يس : اسمعى كلامي دا ياهند انا قررت انك ماتعرسي عثمان نهائي واسع جنبى عصام وحكي لي الحاصل .
هند: انا اسع مع امى واتفقنا بكرة نرجع ليهو حاجاتو والموضوع ينتهي علي كدا .
يس : تمام احسن تشوفي مستقبلك وين وانشاء الله ربنا يديك عريس هادي ورضي .
هند : امييييييين وانت كمان ربنا يديك عروس زي ريم صاحبتي .
يس : ريم مافيها كلام بس ديل ناس اسكورهم عالي ومرطبين علي الاقل بكونو عايزين ليهم مهندس او دكتور .
هند : انت يا يس ماشايف بس المهم البت ما مهم الاهل .
يس : ماشايف كيف .
هند: دا موضوع طويل لمن تجي في الاجازة وبوريك الشمارات كلها .
يس : معناها بكرة بجي
هند : عليك الله يا يس اخوي سلم لى على عصام واعتزر لى منو عن الحصل وامي حاتتكلم مع عثمان عشان يرجع عصام البيت .
يس لي عصام هند بتسلم عليك وبتعتزر ليك .
عصام : انا المفروض اعتزر ماهي والحمد لله انو هي اقتنعت بي كلامي .
الصباح بخيته مشت لي عثمان في بيتو وفركشت الخطوبه ورجعت ليهو الحاجات بتاعتو ....
عثمان اتصدم بكلام بخيته وماكن متوقع انو الامور تجوط عليهو وتصل مرحله زي دي وبدون اي مقدمات قام طلع سكينو من ضراعو و .......
ماذا سوف يعمل عثمان بالسكين ....
هذا ماسوف نعرفه في الحلقه القادمه ........
يتبع....
