وصل الضابط (مهند) الي المنزل وبرفقته هند وريم وعرفهم بالاسرة الوالده والاب واخواته واخوانه واخبرهم عن قصة هند وريم ومن خلال التعارف طلع ابو مهند بعرف حاج عثمان وكان معاهو في السعودية زمان .
المهم انو هند وريم اندمجو مع اهل الضابط مهند ، بس كانو مهمومين شديد كيف يكلمو ناس الحله واين يس والحصل ليهو شنو.
بعد ما اتعشو شال مهند تلفونو وضرب لي دفعتو كرار شغال في تامين الجامعات وحكي ليهو قصه يس وكرار قال انا في اجازة بضرب تلفون وبشوف الحاصل شنو وبديك خبر .
قام مهند طمن هند انو دفعتو حايسأل عن يس .
هند شالت التلفون وضربت لي ناس البيت وقالت ليهم انو اتأخرو في التسجيل والسواق اختلف معاهم ومشي وهم بجو بكرة الصباح واسع هم في الداخلية ويس مشي محل سكنو ...المهم اقنعو ناس البيت حاجه بخيته وسعاد ام ريم، وفضل ليهم موضوع يس .
اتصل كرار لي ناسو وعرف انو يس ودوهو الرئاسه واتحرو معاهووعرفو انو مازول مشاكل واعتزرو ليهو عن الحصل وفكوهو من الساعه 8:30 م واتصل على مهند ووراهو ومهند بشر ناس هند بس المشكله انو يس تلفونو مغلق من العصر .
يس بعد مافكوهو رجع الجامعه عشان يفتش لي ناس هند ولقى مافي اى زول وتلفونو وقع منو وقت المشكله وهوعندو رقم امو وماحافظ رقم هند بس قال لو ضربت بشفقو اكتر انا افتش ولو مالقيتهم اضرب لي الحاجه .
وفعلا ضرب للحاجه من محل اتصالات :
يس : مساء الخير .
الحاجه : مساء النور منو معاى .
يس :انا يس
الحاجه : الرقم قريب ومالك مارجعت لى هند ماورتك .
يس :تلفوني وقع واسع ضارب من محل اتصالات وهند بتكون نست .
وحاول يس انو مايظهر لامو اي حاجه وحاول يعرف منها انو ناس هند وين .
يس :يعني ضربت ليك .
الحاجه: ايو قبيل انا ضربت ليكم ومارديتو وهند رجعت لي قبل شويه وقالت انت طلعت منهم ومشيت السكن بتاعك وهم في الداخلية .
هنا يس فرح انو امو ماعرفت حاجه وانو هند ما حدثتها .
يس : ايوة بس اسع داير رقم هند لانو ما حافظو عشان اكلمها انو نطلع بكرة بدري
شال الرقم واتصل علي هند وحكي ليها كل الحصل وهي برضو حكت ليهو كل التفاصيل وموقف السواق وشهامه الضابط مهند وابوهو طلع بعرف عثمان ومع الفرحه ماخلت ليهو حاجه ماحدثتو بيها واتفقو مع يس انو ينتظر في الجامعه الصباح .
في الصباح ودعو هند وريم اهل مهند وشكروهم على حسن الضيافه ومهند اصر انو يوصلهم الجامعه .
في الجامعه لقو يس منتظرهم وعرفوهو علي مهند ويس شكر مهند وقام طلع 200 وقال ليهو دي قروشك بتاعت امبارح .
مهند : رفض يشيل المبلغ وقال لي يس دا عربون صداقه واداهم رقم تلفونو وقال ليهم لو احتجتو لاي حاجه اضربو لي وانا تحت الخدمه .
يس شال الرقم وقال لي مهند: ان شاء الله مانحتاج ليك في حاجه بتحص شغلك ..
مهند : هههه امين
في جانب اخر
علي التكتح وبالصدفه حاج عثمان ضرب لي ابو مهند (منصور) عشان يسلم عليهو قام صاحبنا منصور من النوع المابدس الكلام حكى ليهو بموضوع هند ويس ..
ماهي ردة فعل عثمان وهل سوف يخبر ام هند ......؟؟
هذا ماسوف نعرفه في الحلقه القادمه ........
يتبع.....
