عثمان طلع سكينو من ضراعو وقام طعن بخيته ثلاثه طعنات ومما شاف الدم اتخارج طوالي من الخلعه وخلاها تسوح في بركه من الدماء .
اولاد عثمان سمعو الصراخ وجو جارين لقو بخيته ملقاء علي الارض والدماء تسيل منها ، وبسرعه ازعفوها للمستشفي والدكتور قال الحاله حرجه ولازم يسفروها الخرطوم طوالي لانو الحاله حرجه شديد ومحتاجه عملية .
هند مماسمعت الخبر صدمت وودوها المستشفي واسع حاليا مرقدنا في ومدنها دريبات ولسع ماوعت .
وجهزو الاسعاف وريم سافرت مع الاسعاف وخلت اختها الصغيرة مع هند في المستشفي..
يس وعصام سمعو الخبر وبقو منتظرين الاسعاف يصل المستشفي وجهزو الدم و اجراءات العملية .
الاسعاف وصل الخرطوم ودخلو بخيته العمليه والحمد لله العملية نجحت وبدت بخيته تتحسن شوية شوية بس الطعنه كانت في الظهر وعملت ليها شلل نصفي وبقت مابتتحرك الا بكرسي .
هند بعد ماطلعت من المستشفي لحقت امها في الخرطوم والصدمه اتسببت لهند بازمه قلبية ومابتستحمل اي زعل .
عثمان مما طعن بخيتة وعمل جريمتو اتخارج طوالي والشرطه من يوم الحادث بتفتش عليهو وماعارفين محلو وين وعملو ليهو نشرة هارب عن العداله.
عصام كان متأثر بالحصل من ابوهو وكان ملازم بخيتة ام يس في المشفي ومافات منهم نهائي.
الضابط مهند جا لناس هند زيارة وهند عرفتو بعصام وامها ولمن سلم علي عصام سلم عليهو سلام بارد وقام مهند قال لهند دايرك في موضوع خاص .
هند : خير انشاء الله .
مهند : خير بس تعالى برة .
عصام كان متضايق من المنظر دا وبقي بحمر لي مهند شديد لحدي ما يس حس بيهو وقال ليهو دا مهند الوقف معانا لمن جينا للتسجيل وعملنا المشكلة مع العسكري
هند بعد ماطلعت برة مع مهند : خير هجمتني .
مهند : عندنا معلومه انو عثمان سافر اسمرة وحانتصل بالقنصليه عشان يقبضو عليهو .
هند : لازم تقبضو عليهو سريع ولازم يتحاكم ويخش السجن دا ما بشر ........
مهند : لكين عصام مالو بعاين لي كدا وبحمر لي شديد !!! اوعي يكون واقف في صف ابوهو ؟؟
هند : لا بالعكس عصام واقف معانا ومستحيل يقيف في صف ابوهو بس بكون اتخيل ليك ساي عشان ابوهو هو المجرم الطعن امي ..
كيف سيتم القبض علي عثمان ........
وماهو موقف عصام من هذة الاحداث ......
وماسبب نظرات عصام للضابط مهند ...
الي اللقاء في الحلقه القادمة.......
يتبع.....
