يس قفل الخط ومن الخلعه طلع الشارع بالفلينة الداخلية و بدون مايلبس وحفيان ....
وصل يس الحوادث وفي الطريق اتصل على مهند ولقاهو قدامو في الحوادث......سالو عن مكان عصام ....ولقو دكتور وقال ليهم بتسألو عن الولد والبيت الجابوهم قبل شوية ......
يس : ايوة هم اسع وين والحصل ليهم شنو...
الدكتور: الولد في الانعاش والبت دخلوها عملية مستعجلة عندها نزيف حاد ومحتاجة دم سريع.....
يس : لاحول ولاقوة الا بالله ....
مهند : اتصل علي ناسو وجو الحوادث واتبرعو بالدم ....
هند طلعوها من العملية ويس سأل الدكتور العمل العملية..... وقال ليهو الحمد لله قدرنا نوقف النزيف والضربة كانت قوية بسكين وقطعت شريان اساسى واسع سيطرنا علي الوضع بس محتاحة لفترة انعاش ومتابعه في العناية لمدة اسبوع .....
عصام لسع في العناية وماخلو زول يخش عليهو ...
مهند : في اللحظة دى عرف التفاصيل بتاعت الحادث ولقى ناس النجدة ومعاهم المتحري الشغال معاهو في القسم وحكو ليهو القصه كلها ....انو جاهم اتصال بانو في بت وولد مضروبين غرب الجامعه ومشينا وازعفناهم وماعرفنا الضربهم منو ومافي اي اثار في مكان الحادث....
يس : اتصل علي ريم وجات المستشفى وحكو ليها الحاصل .....
مهند : اتصل على ناس المباحث وقال ليهم تفتشو عن عثمان وبلقيس وعبدالحميد واداهم الاوصاف ولانو مافي زول غيرهم بعمل كدا وهم المتهمين الاوائل .....
في اللحظه دي جات عربية الاسعاف وشايلة حاج عبدالحميد ودخلو على الدكتور ومع الكشف الاولى الدكتور قال ليهم الزول دا متوفي ليهو اكتر من ساعه.......
ويس اتعرف علي ابوهو وقعد يبكى ويكورك وخشي في حاله هستريا ....ومهند بصبر فيهو الدوام لله دا حال الدنيا ...... ادعو ليهو ربنا يتقبلو ...
المتحرى استلم الجثمان وودوهو المشرحه ويس مشي معاهو عشان يطلعو امر التشريح وريم ومهند منتظرين هند وعصام لسع في غرفة العناية .....
ناس الحله سمعو الخبر وجو .....وبخيتة ويوسف جو برضو ...
انتهى التشريح وسلمو الجثمان لى يس وسافرو دفنو حاج عبدالحميد في البلد وبعد رفعو الفراش يس رجع الخرطوم ولقى هند وعصام صحو من الغيبوبة وحالتهم بددت تتحسن بالتدريج.
المتحرى شال اقوال هند وعصام واقوال يس .....
مهند : بعد ما هند وعصام اتحسنو طلع ومعاهو ناس للمباحث وبفتشو علي حاج عثمان وبلقيس ........
هل سوف يتم القبض على عثمان وبلقيس.......؟
وماهي قصة الحادثه ومقتل عبدالحميد....؟
وهل هنالك علاقة بإصابة هند وعصام ومقتل عبدالحميد..؟
هذا ماسوف نعرفه في الحلقه القادمة قبل الاخيرة من رواية قتيل من اجل الحب...
تابعونا ولاتذهبو بعيدا.....
الى اللقاء .......
يتبع.......
