يس لمن شاف بلقيس طالعه من الفندق ومعاها راجل من الصدمه مشي وراهم لحدي باب الغرفه وشال تلفونو وصورهم وهم بضحكو وبلقيس بتتمايل وبتتسكع وشكلها ضاربة ليها سجارة بنقو كبيرة
ورجع سريع قبل مايشوفوهو ....
ومشى علي محل الحجز وسال الموظف وراجع الاسماء ولقى الغرفه محجوزة باسم بلقيس بس مامكتوب معاها زول تانى .....
رجع يس وشال التلفون واتصل على الضابط مهند وحكي ليهو التفاصيل كلها ...
مهند قال ليهو انا اسع مابقدر اعمل حاجه بس بكرة الصباح بدري برسل ليك ناس المباحث ولمن هم يطلعو من الغرفه نوقفهم ونسالهم عن القسيمه او العلاقة البيناتهم ....
في الصباح جو افراد المباحث وانتظرو لمن بلقيس تطلع ويس مامشى الجامعه عشان الموضوع دا .....
انتظرو لحدي الساعه 3:00م ويادوب بلقيس طلعت ومعاها الراجل وفي الاستقبال وقفهم الموظف ومعاهو عساكر المباحث وسألوهم وين القسيمه ؟
بلقيس بسرعه طلعت القسيمه من الشنطه وقالت للموظف معليش نسيت اديك ليها .......
وطوالى طلعو مبسوطين وبضحكو.....
يس كان متابع ومامصدق ان دي بلقيس والراجل هو ........حاج عثمان ابو عصام .....
ومتي اصبحت بلقيس زوجه عثمان..... ومتي اطلقت من عبد الحميد ......
قام يس ضرب لهند وعصام وحكي ليهم كل الحاصل وهم مامصدقين ورسل ليهم الصور ......
عصام : انا متأكد انو القسيمه دي مزورة وانو ابوي قاعد مع الشيطانه دي بدون اى رباط شرعي...
يس : كلامك صاح وانا لمن صورتهم كانو سكرانين .....
هند : انا عندي خطه .....
يس : خطه عديل كدا .
هند: ايوة نقوم نرسل الصور لعبد الحميد وكدا نكون صبينا الجاز علي النار .......
عصام : مافي كلام خطه عجيبه انتي ياهند عبقرية ....
يس : لكين الصور تصل كيف لابوي ....وهو ماعندو واتساب .....
هند : نقوم نطلع الصور من التلفون ونرسلها الحله في ظرف ونديها كورينا بتاع الشمارات عشان تكون الفضيحه بجلاجل ......
يس : والله ياهند طلعت ماهينه .....
يس وعصام مشو طبعو الصور ورسلوها للحله باسم كورينا شمارات ..
ويس مشي الفندق بالليل ولقى انو بلقيس وعثمان طلعو شكلهم حسو بالموضوع .......
وقام يس شال رقم بلقيس من الفندق ورسل ليها الصور في الواتساب ...
الصور وصلن لكورينا وقام فتح الظرف و....
الى اللقاء في الحلقة القادمه ...
يتبع .....
