هند رحعت بعد مقابلتها لمهند وحدثت يس وعصام بانو لقو معلومه انو عثمان سافر اسمرة وحايقبضوهو هناك ،وكانت هند خجلانه من عصام ومدنقرة منو .
عصام : يا هند اناحاسي بيك انك ماعايزة تجرحيني وانا بعتبركم زي اخواني واكتر وموضوع انو يقبضو ابوي هاميني اكتر منكم لانو ابوي مجرم ولازم اي مجرم ياخد عقابو وانا المفروض اخجل من عمائل ابوي وانا لو ما ربنا بسالنا كان كتلتو .
يس : كدي اسع خلونا نكمل اجراءات الخروج من المستشفي ونشوف لينا شقه نقعد فيها كم يوم لحدي ما امى تبقى كويسه وترجع البلد .
الحله:
في منزل بلقيس :
بلقيس:انت ياعبدالحميد اخبار بخيته شنو.
عبدالحميد : بخيته دي منو !!!
بلقيس : اجي بخيته طليقتك نسيتها سريع كدا ....
عبدالحميد : لا بس بتسألى عنها مالك جاتك ليله القدر والا ناوية علي شر .
بلقيس : انت المساخه ليك شنو الخاتية انا السألتك ...
عبدالحميد : سمعت قالو عملو ليها عملية وبقت كويسه تب .
بلقيس : هههه يعني ما اتصلت عليهم نهائى .
عبدالحميد: انا حاسي انك دايرة تصلي لي حاجه او ناوية علي شر .
بلقيس : الشر في عويناتك الزي عيون الكديسة ديل اعوز بالله منك،، اسع قوم علي حيلك وامشي غسل العدة وشوف الملابس الفى الغساله انا طالعه ماشة لى عشوشه بت الاغبش رايدانى بالجبنه * ملحوظه(عشوشه مشهورة في الحله بتاعت كتابات وزار وودع)،وصلت بلقيس بيت عشوشه وشربت معاها الجبنه وقامت طلعت ليها 200 جنية وقالت ليها دا باقي الحساب الفات واسع دايراك في موضوع مهم شديد لو انجزتيهو بديك5000 الف كاش ....
واتفقت معاها علي الموضوع وادتها عربون 1000 جنية ..وطلعت منها...مبسوطه شديد...اتقول حررت فلسطين ..
شوفو الناس في شنو وبلقيس في شنو !!!!
ماذا تريد بلقيس ان تفعل ......
ومن هو الشخص الناوية عليهو هذة المرة ........
يتبع .....
