هند ويس بعد وصلو الحله نزلو في بيتهم لانو بيت حبوبتهم صغير وامهم ويوسف كانو منتظرنهم في البيت ..
عصام ويس كانو بتقابلو يومي العصريات في التمرين ....طبعا يس لعاب شديد وملقب بميسي عندو مهارات عجيبة وحتي هو كابتن منتخب الجامعه وعندو مستقبل كويس في الكورة ......
هند وريم بتونسو كل يوم بالواتساب .....
نتيجة الجامعه طلعت وهند جات الاولي علي الدفعه وعصام عنو بديل كان شايل اورنيك ..ويس نتيجتو بتطلع نهاية السنه ....
مرة يس لقى هند نايمه قام شال تلفونها وكان عايز يحول منو تطبيقات وبالصدفه لى دردشة بين هند وريم ولقي رسالة من ريم بتسأل فيها هند وبتقول ليها حبيبي يس كيف انا مشتاقة ليهو شديد .....
قام طوالى شال رقم ريم وسجلو في تلفونو وطلع سريع قبل ماهند تصحى ....ومشي طوالى للصالون وضرب لي ريم ودار الحوار التالي بينهما :
ريم : الو منو معاي .
يس : ماعرفتي صوتي .
ريم : الصوت ماغريب علي .
يس : لو ماعرفتيني من صوتي تاني مابتصل عليك نهائى.
ريم : لو ما اخاف الكضب دا صوت يس عبدالحميد.
يس : بس ياهو زاتو ..
ريم : غريبة جبت رقمي من وين اكيد بتكون دي هند انا عارفاها كويس .
يس : صاح انا شلتو من هند بدون ماتعرف ،وانا مشتاق ليك شدييييد
ريم: والقال ليك منو انا مشتاقة ليك ؟؟؟
يس:حكي ليها القصه وانو شاف الدردشة حقت الواتس مع هند.
ريم : خجلت واعتزرت ليهو وقالت ليهو معليش لو ضايقتك في حاجه بدون ما اقصد .
يس : كيف الكلام دا انا اسع ضربت ليك عشان اقول ليك انو حبيبك يس بسلم عليك ومشتاق ليك شديد .
ريم :من الفرحه قفلت التلفون .....
يس : البت دي مجنونه والا شنو.....
المهم في الموضوع انو يس وريم بقو بحبو بعض شديد وبدل ريم تتونس مع هند قلبت مع يس باعتها بسهوله غايتو بنات الزمن دا ببيعن الصحبه بالساهل....
عصام اعترف لهند انو بحبها وهند قالت ليهو انا كنت منتظراك تقول انت اول .......وعصام قال ليها انا كنت مفتكرك انك بتحبي مهند .....وهند ورتو انو مهند مجرد صديق ما اكتر ...
انتهت فترة الاجازة وكانت مليئه بالحب والعواطف وجماعتنا رجعو الخرطوم الدراسه بدت في الجامعه ..وعصام امتحن البديل وهند كانت بتشرح ليهو في اليوم خمس مرات....
مرت الايام وعصام نحج في البديل واستمرو في الجامعه والدراسة..
في منزل بلقيس:
بلقيس : جابت الغداء لعبد الحميد مصلح وقعدت جنبو في العنقريب ....
عبدالحميد : غربية الاهتمام دا الا يكون عندك موضوع ..
بلقيس : بضحكه خبيسة ...اكيد .....انا بكرة مسافرة الخرطوم وبعدي لي اسبوع عندي خالى جاى من العراق ليهو 10 سنه مافيش ...
عبدالحميد : غريبة ماكلمتيني عنو ...قبل كدا ...
بلقيس : ما جات مناسبة بس .
الخرطوم :
حاج عثمان فضل ليهو يوم ويطلع من السجن...
الجامعه:
طبعا يس لسع شغال مع ناس الهدف ولمن يكون ممتحن او مؤجز بياخد منهم ازن وبرجع لمن تفتح الجامعه.....
في يوم حوالي الساعه 8:30م كان يس شغال دوام مع ناس الهدف و سادي في فندق بوسط الخرطوم شاف بلقيس نازله من الفندق وركبت امجاد وطلعت وبعد ساعة جات راجعه ومعاها راجل وطلعو الفندق وهما يتسامران ويضحكان ......
ويس في حيرة من امرة ......
من هذا الشخص ياترا......؟؟؟؟
ولماذ بلقيس موجودة في هذا الفندق ؟؟؟؟؟
يتبع.....
