بدأت جلسه المحكمه واستمع القاضي للشاكية والشهود والمتهم وشهود الدفاع وتم تحديد جلسه بعد اسبوع للنطق بالحكم ...
رجعت هند للخرطوم ومعاها يس وعصام واستمرو في الدراسه وكانت الامتحانات فضل ليها شهر .......
بعد اسبوع في جلسة النطق بالحكم :
اصدر قاضى المحكمة قرارة في التهمه الموجهه ضد حاج عثمان بالادانه والغرامه مبلغ 20.000الف جنية والسجن ثلاثة شهور وبعدم الدفع السجن سنتين .......
طلعت حاجه بخيتة من المحكمه مبسوطه واستلمت مبلغ الغرامه وقررت انو تتم علي القروش بقاقي قروش الدكان وتشتري ركشة لمصاريف البيت .....
عثمان بعد مادفع الغرامه تم ترحيله لسجن الهدى لتكمله باقى الحكم الثلاثة شهور ......
في بيت بخيته :
صحت الصباح عشان تمشى لدكان كورينا متفق معاها عندو ركشه بايعنها .....وكانت بخيته بتتحرك بالكرسي مشت علي للدولاب .. عشان تشيل القروش حقت الدكان مالقت حاجه وفتشت قروش المحكمه برضو مافي... والدولاب جايط والهدوم مبشتنه وفتشت البيت كلو مالقت حاجه والبيت مافيهو الا يوسف وامها راقدة عيانة واختها الكبيرة المسؤلة من شغل البيت ورعاية بخيته ويوسف وامهم .....
اتصلت بخيته علي يس وحكت ليهو الحاصل وقال ليها امشى افتحى بلاغ واكيد الموضوع مقصود وانا بتصرف انتي ماتشيلي هم .....
مشت بخيته فتحت بلاغ وجو ناس مسرح الحادث و المباحث ....
الجامعه:
الامتحانات انتهت واجزو شهر وناس هند وريم ويس وعصام اتفقو يطلعو رحله للسبلوقة الشلال وبعديها يسافرو الحله......
يس عزم مهند للرحله .....وصلو الشلال وقضو يوم ممتع بعيدا عن ضغوطات الدراسه والمشاكل.......
ريم ويس اول مرة يتونسو مع بعض واندمجو اندماج شديد وريم كانت مبسوطه شديد ......
عصام طبعا مستولى على هند واخر ضحك ....عصام قرب وهمس ليها انتى ياهند الليله اول مرة اشوف يس وريم مبسوطين شكلو في حاجه بيناتم .......
هند : حاجه زى شنو ؟
عصام : يعني دايرة توريني انك ماعارفه .....
هند: يا عصام ماتتكلم بالالغاز اتكلم عديل ...
عصام : انا تحليلي انو ريم ويس بحبو بعد وشديد وحتى ظاهر في عيونهم ....
هند : والله ياعصومى طلعت مبالغه احساسك عالى شديد .....ريم مكلمانى انو معجبه ب يس...
عصام مقاطعا كلام هند : عصومي دي جبتيها من وين اول مرة اسمعها منك ...
هند: معقوله انا قلت كدا عصام انت خرفت والا شنو .....
عصام : وكمان عايزة تنكرى انا اول مرة في حياتي بت تقول لي عصومى ....
هند : قوم ياعصومي نمشي لمهند خليناهو براهو يجهز في الشية ......
عصام : انتى مهند عزمتيهو انتى ......
هند: بهمك في شنو لو زعمتو انا والا جا براهو ......
عصام : ساى مابرتاح ليهو بس قدر ما اشوفو بتضايق منو ماعارف السبب ....
هند : استريح انا ماعزمتو عزمو صاحبك يس وتاني شى مهند شاب تمام ومهزب وكمان وجيه شديد......
عصام : صر وشو وقام زعلان من هند ومنفوخ ......
طبعا هند قاصدة تخلي عصام يغير من مهند ..
انتهت الرحله ورجعو الخرطوم عشان يجهزو للسفر للحله غدا ....
طبعا عصام لسع زعلان من هند وما اتكلم معاها من وقت الرحله........
يتبع .....
