مهند : تابعي ماعندنا ليك زمن
بلقيس: لمن ظهر عبدالحميد عثمان طوالي اتحرك عليهم وفي اللحظة دي عبدالحميد كورك لى هند وعصام ورمى نفسو قدام العربية وانقز هند وعصام والعربية ضربتهم كلم بس كانت ضربة عبدالحميد كبيرة وفي الراس وعثمان طلع سكينو وطعن عصام وهند في البطن وركب العربية سريع وفات طوالي وعبدالحميد زحف وحاول يلحق عثمان وماقدر.. وخلوني انا واقفه في محلي وانا قمت جارية وما عرفت عثمان مشي وين وانا كنت متفقة معاهو انو يخطف هند وانا اطلع الجوزات باسماء وهمية وهو يسافر وهو يديني 100الف جنية .
مهند: قبل الجريمه كنتو قاعدين وين ؟
بلقيس: كنا نازلين في لوكاندة.
مهند: وصفي لينا محلها .
بلقيس : وصفت محل اللوكاندة ومهند طلع ومعاهو تيم المباحث.
هند وعصام نزلو الجامعه وبقو كويسين .
بلقيس فتحو ليها بلاغات كتيرة(130/146/174/123) القتل العمد والسرقه والزنا والتزوير ...
وسجلت اعتراف قضائى بكل الجرائم وجددو ليها الحبس اسبوعين .....
بعد اسبوع تم القبض علي عثمان وهو في صاله المغادرة بمطار الخرطوم ولقو مغير اسمو وشكلووقبضو معاهو صاحب العربية المؤجرة لقتل عصام وتم اقتيادهم للقسم وتمت مواجهه عثمان بالتهم والبلاغات وبإعتراف بلقيس .........اقر عثمان بالتهم وسجل اعتراف قضائي وسرد نفس التفاصيل التي روتها بلقيس ....
تم وضع عثمان متهم اول وصاحب العربة متهم ثاني وبلقيس متهم ثالث وحول البلاغ للمحكمه بعد اكتمال التحري واخذ اقوال الشهود وتسجيل اعتراف قضائي للمتهمين وظهور نتيجة التشريح والمعمل الجنائي......
بعد انقضاء شهرين صدر حكم المحكمه النهائي وايدته المحكمه العليا وهو ادانه المتهمين عثمان وبلقيس وصاحب العربة تحت المادة 130القتل العمد و حكم عليهم بالاعدام شنقا حتي الموت..... وبحضور كل الاطراف ووسط تهليل وتكبير من كانو في قاعه المحكمه...... وتم ترحيلهم الي سجن كوبر لتنفيذ العقوبة......وازيل الستار لابشع جريمه وقعت هزت كيان المجتمع ككل .....
بعد مضي اربعة سنوات :
ريم ويس اتزوجو وجابو بت سموها هند ....ويس اتوظف في دوله عمان وساق معاهو ريم والامورة هند الصغيرة
هند وعصام اتزوجو وانجبو تومات (لنا ورنا) وفتحو مستوصف خيري في الحله وسموهو باسم عبدالحميد .
بخيته : بقت تتحرك وفتحت خلوة لتحفيظ القران الكريم للنساء على نفقتها الخاصه
يوسف : يس سفر يوسف الاردن واتعالج وبقي كويس ورجع يكمل الدراسة ونجح ودخل جامعه الخرطوم هندسة تعدين ...
مهند الضابط اتزوج اخت ريم الاكبر منها وقدم استقالتو وسافر قطر.
كورينا : اتوفي في حادث كان مسافر الخرطوم .
يس وريم نزلو اجازة الحله واتلمو في البيت وبوجود هند وعصام ويوسف وحاجه بخيته واتلمو في احلى اللحظات واثناء مامندمجين سمعو صوت الباب بدق وهند مشت فتحت الباب وكانت المفاجاءة وهي ظهور اخوهم ياسر القالو اتوفي في العبارة في ليبيا .....
هند مامصدقه انو دا ياسر وياسر طوالى حضن هند ودخل وهند دايرة تقفل الباب .. ياسر قال ليها انا ما براى.... ادخلي يا جولي ....
هند مستقربة وشافت خواجية وشايله ولد.....
ياسر اعرفك دي جولي زوجتي وبتي بخيتة.....
ودي هند اختى ....
ودخلو ولقو ناس البيت كلهم متلمين وحاجه بخيتة من الفرحة قربت تجيها جلطه بس ربنا ستر....
ياسر : حكي ليهم قصتو وانو نجي من العبارة الغرقت واشتغل في فرنسا واتزوج جولي وانجب بخيتة وحصل علي الجنسية الفرنسية وجو إجازة ......
عاشت الاسرة حياة سعيدة وممتعة
النهاية
قتيل من اجل الحب
بقلم : عوض ابو علامه
نتمني ان تنال الرواية استحسانكم واعجابكم وهي اولي تجاربي في كتابة الروايات.
الي اللقاء في الرواية القادمه إنشاء الله.
