محتالات اخضعهن الحب 🔞🔥🇩🇿

حلقة 1

الحلقة 1💔💔🚧#محتالات_اخضعهن_الحب
اسبانيا .. بانكو دي إسبانيا)
الساعة 10 تاع الصباح .. يوم عادي في بنك اسابنيااا .. الموظفين مع العملاء نتاوعهم .. كاين الي جا على جال قروض .. وكاين الي جا علاجال سحب عادي .. ماحسو غير بالباب انتحل . دخل 3اشخاص .. متنكرين .رماو قنبلة مسيلة للدموع .. كانو.رافدين سلاح .. وبقا يعيطو على الناس .. لاحد يتحرك من مكانه من مكانه ..
الاول ركب فوق الكنتوار .اول حاجة دارهااا تيرا على كيميرات المراقبة . دورلهم السلاح .. انبطحوا على الارض هيا والا سافججر رؤوسكم
الثاني .. رح يجري لموظفة دارلها الكابوس عند راسهاا ....ارينا الخزنة هياااا ..
الاول ...لدينا 15 دقيقة في يدنا .. هيااا لااريد أي مشاكل
الثالث .. حكم كامل الناس وبقا يحطلهم في كلبشات باه يضمن بلي حتى واحد مارح يتحرك اصلا القنبلة دارت المفعول نتعهااا ..
الثاني دار الطابلات مع الخزنة .. بقا يحوس على الرقم حط الكرونوماتر على الخزنة ليحسب لوقت نتاعو .. 3.21. وانتفحت الخزنة .. الاول هبط وراح يعاون فيه ..
الثالث .. هيااا لم يعد لدينا وقت ..ستاتي الشرطة بعد 5 دقائق
الاول .. هيااا بنااا .. خرجو يجرو ..
ركبو فالطموبيل ..وين كان يقارعلهم الرابع ... خرجو لللطريق يجرو .. ولابوليس موراهم .. كانو يسوقو بسرعة جنونية .. ولكن لازم عليهم يضيعو لابوليس .. بقاو يسوقو حتى وصلو لوحد الكارطي ضيق وفيه السيركيلاسيون .. بقاو يتوهو فيهم بحكم انهم يعرفو لبلاصة مليحة .. كي شافو بلي خلاص لابوليس ماعادوش وراهم .. كملو الطريق لوحد لباركينغ دخلو فيه .جاي souterrain .الشرطة ظلو في هذاك الكارطي يحوسو عليهم اما مكان حت اثر ليهم
نرجعو للعصابة .. خرجو من الطموبيل .. نحاو هاذيك للبسة .. رماوها على الارض .. رماو عليهااا ليسونس وحرقوهااا.. بدلو الماتريكيل تاع الطموبيل .. قلعولها اللون هذاك .. الفضي .. رفدو دراهمهم وركبو في طموبيل اخرى وخرجو لللطريق عادي ..
في مدريد ..
وصلو للفيلا الي كانو ساكننين فيهااا .. فتحو لباب ودخلو .. كل وحدة فيهم حكمت بلاصة .. وحدة راحت للصاك دو بوكسينغ .. الثانية . حكمت البيسي نتعهااا ... والثالثة .. شافت حاجة تفرح بزاف ..
لمار .. قعدت على الفوتاي .. وحكمت تلوفون ..راني جيعانة شكون تحب تاكل
رؤيا حاضنة خوها الصغير .. انا بدي تارت شكولا
لمار .تشوف فيهم شكون تاني .. مش ممبعد كي نجيب تقولولي
بيان .. نحب سلاد برك
لمار شافت في رذينة وانتي يامجودرة .. هههههه لبنات كامل ضحكو ..
رذينة كانت تدير فالفارني .. بالله تو يعجبكشي .. باهي حسابك ممبعد ..معايااا
رؤيا .. لمار يلا اطلبي بدنا نحسب الغلة ..
بيان ناضت وبقات تقلب فالساشي .. ماشي بزاف وزيد ماتنساوش حق الناس الي خدمو معانااا
رذينة حطت الفارني .. تي نرمال يابنتي موالفين حنا كان بالفتات الصغير
لمار حطت التلفون وشافت فيهم .. الله غالب لازمنا هكا نسرقو من البونكات الصغار مافيهم راس بزاف .. موظفين قلال ومارحش يفيقو بينا ..
رؤيا .. أي معها حق .. مو مشلكة بكفو مصاريف الشهر هاذ ..
قبل مانبداو فالحكايا .. نحب نعرفكم ببطلاتنااا .. رؤياااا 24 سنة لبنانية الاصل .. جات لاسبانيااا مع خوها باه تكمل قرايتهااا .. تزوجت بااسباني رغم معارضات والديه على انو هو مسيحي وهي مسلمة اما هكاك وتزوجو .. بعد 2 سنتين مات وقعدت وحدها مع خوها اسلام في عمرو 6 سنين المريض بالتوحد
بيان .. 22 سنة مغربية الاصل ..جات لاسبانيااا رحلة هي اصلا تحب السفرات وتحب تكشخ بزاف .. تركت مقاعد الدراسة على بكري .. ولاهية بالموضة وااازياء ... وقعدت في اسبانيااا تحب تفتح دار عرض الازياء وحلمها تكون مصممة مشهورة