محتالات اخضعهن الحب 🔞🔥🇩🇿

24💖

الحلقة 24 💔💔🚧#محتالات_اخضعهن_الحب اسكندر بقا يمشي وراهااا ...لمار هاذي نتي
لمار دات وشافت فيه .. سلام اسكندر .. لباس
اسكندر .. لباس وش راكي ديري لهنااا .. كاش ماحتجتي
لمار .. جيت برك .. تلفتلها لهددرة .. كنت فايتة
اسكندر شدها من يدها وبقا يكركر فيها حتى للداخل .. هو ماصدق انها جات برجليها لحتى لعندو .. وزيد المرة الاخيرة راحت بلا ماتقول حتى حاجة .. قعدت وهي تشوف فيه .. نحا لفاست وقعد مقابلها ..شعل سيجار وبقا يميز فيها ..
لمار .. ضحكت دير السبور وتكمي الدخان ..
اسكندر .. نحرق في الغل الي في قلبي .. هيه لالة علاش مشيتي اخر مرة بلا ماتحكي حتى حاجة
لمار .. عادي ماكنتش حابة الامور تطور
اسكندر قعد بحذاهاا .. هي صح انا حابها تطور اما اذا كان الشئ هذا يقلقلك نمشو بعقلنا ..
لمار بقات تبلع في ريقها وتشوف معاه ..
اسكندر حط يدو على خدهاا.. تعرفي الاحساس الي حسيتو كي روحت للدار اذيك ليلة .. حسيت بدفا غريب سرا في جسمي .. بلاهي قوليلي شكون نتيس سحارة شئ
لمار توترت .. اسكندر نتا ماتعرفنيش ماتعرفش كيفاش نعيش حياتي ..
اسكندر ..براس امك تسكت ..ديما تفسدلي اللحظة راني لهنااا نحوس لكلمات لانعبرلك ونتي مش حاسة فياا
لمار رجعت شعرها ورا وذنهااا.. شتحب تاكل اليوم ..
اسكندر ناض وبقا ينحي فالتيشرت نتاعو وهي بقات تشوف معاه ..يهبل .. اي حاجة من يدك ..
لمار ..اوكي ..
دخلت للكوزينة .. وخذات بالها بلي الدار مزالها نظيفة من اخر مرة .. بقات تطيب .. ولاهية وهو اول ماخرج من الدوش .. بقا يخدم على لقضية نتاعو ومرة على مرة يرمي عينو عليهااا .. لطفلة هاذي مميزة بزاف ... مش كيف الي قبلهم ..
نزيم كانت ضايقة عليه بزاف ..خرج برا وقعد يدور من بلاصة لبلاصة .. دخل لبار حب يشرب شوية وينسى .. قعد كيما العادة وطلب كاس ..
وائل كان قاعد فماا .. حتى هو كان مرنك في دماغو .. دور راسو لق انزيم قاعد .. حب يروح يكر عليه المهبول .. واش الكلب مزالك حي
نزيم .. واش يخصك كي نتا كي صاحبك هذاك
وائل مايخصني والو جيت نسقسيك على الخدمة الي مدهالك اسكندر ..
نزيم .. مزال علابيها اسكندر راه هابل .. انا نقلو غير قطع الامل من اي جديد
وائل شعل سيجار .. جات على السرقات .. كل حاجة راهي مقودة ومرنكة خليني
نزيم .. تبان هاذي امرا ة راهي دايرتلك هكااا
وائل.. نسف الدخان .. شفت كي فهمتني مانعرف كيفاه نديرلها .. واقيلا نخطفها
نزيم ضحك .. الشرطة كانت في خدمة الجميع رجعت الشرطة تخطف العاشقين هههه
وائل باينة بلي سكرت ..
نزيم خليني نسكر .. حتى انااا زهري مع النسا مقود ..
وائل شبيهاا ..
نزيم مجا يحكي .. التلفون بدا يفيبري .. وصلو ميساج من عند صاحبو " الصور التي طلبت مني تقريبها اكثر تفضل .." بقا يحل فيهم ويشوف حتى طاحت عينو على تصويرة .. عينيها قريب يخرجو .. حلقو بدا يحرق .. حس روحو تعبان بزاف .. مش معقول هاذي نتي ..
وائل طلع حاجبو واش بيك . .
نزيم خلص وجا ننايض .. والو وصلني ميساج برك .. نروح ممبعد نكملو ..