الحلقة 7💔💔🚧#محتالات_اخضعهن_الحب اسكندر .. نحب القضية هاذي نتهنى منها قبل راس العام .. خلاص تعبت وقلقت من كلشي .. روح ضرك ديرلي ترحياتك
وائل .. اوكي شاف .. فاامرك ..
فات نص النهار .. فالدار لينات كانو لوحدهم قاعدين .. بيان قاعدة قدام لبيسي تشوف فالتصاميم الجدد وممن جهة تحوس على الهام لمجموعتها الجديدة .. ورذينة مليهك قاعدة ترسم في محرك لطموبيل وكي شغل ديما تفشل فالتصميم ..
بيان .. ششش وينك طحبوشة
رذينة حطت قلم الرصاص وشافت فيها .. شفماا شتحب
بيان .. وخاا شفت القضية الجديدة الي جابتها لمار .. تبان صعيبة
رذينة .. لحق فكرتيني .. حنا موالف نسرقو دراهم كيفاش رح نقدرو على الماسة ..
بيان صبعتلها هاو ليك .. ماشي هنا لبروبلام
رذينة .. وين عاد لبروبلام
بيان ناضت .. وين راح نبيعوهااا .. كيفاش وااذاا فاقو بينا
رذينة بلحق .. والله بروبلام ..
بيان ..لازمنااا تاكتيك مليح بزاف .. اول حاجة لازمنا نشوفو وين السوق الي بش يقبلها
رذينة بفف منك مش حتى نسرقو قبل ..
بيان رجعت للتصاميم نتعهااا .. والله مافيك فايدة ..
رذينة باهي .. تحكيش معيا اا .. برااا
رؤيااا كانت كملت مع اسلام من لطبيبة .. قالتلها تحسن بزاف على قبل .. كانت فرحانة بيه بلاك اذا تم هكاا رح تقدر تسجلو في مدرسة .. يمشو حتى شافت واحد يبيع لحية بابا ..
رؤيااا .. تحب تاكل غزل بنات ..
اسلام دارلها برسو ايه .. اسلام يحب غزل لبنات
رؤيا .. ماشي حبيبي يالا تعااا .. قربت من الي بيع وبقات تحكي معاه .. مدلهااا وخلصت ودارت لتمدلو .. وتفضل احلى غزل بنات بالدنياااا ..
اسلام سمع صوت كمانجااا .. قعد يتبع فالصوت لانو عجبو بزاف .. هو اصلا يعرف يعزف على البيانو تقول واحد كبير .. كمل يمشي مورااا الصوت ووصل للساحة لكبيرة .. لقاه في وسط الناس .. قاعد داير شابو ويعزف ..
اسلام قرب منو .. وبقا يشوف ..
نزيم كمل لوصلة تاعو .. كان الناس ماشيني رايحين .. غير طفل صغيير الي قاعد واقف ويسمع .. قرب منو هل اعجبك
اسلام .. دارلو براسو ايه .. اسلام يحب كثيرا لموسيقى
نزيم استغرب .. اين والدتك
اسلام بقا يشوف حوليه .. والد اسلام مات وهو يعيش مع رؤيا
نزيم كي شغل تعرف على المرض .. هل تريد .. ماجا يكمل حتى رؤيا وصلت تجري وتلهث .. اسلام حبيبي .. حبيبي وين كنت ..
نزيم شاف حتى يلقا طفلة جاية تجري .. كانت تهبل فالزين ..وسمع هدرتهاا عرفها عربية
رؤيااا ..ولك كنت رح تسرق اخوي
نزيم نسف ..ريحي ختي ماكنت رح نخطفو ماوالو .. ربك رح تباصيني
رؤيااا .. شفت بعيني ونتا عم تحكي معو .. ياناس ياعلم .. ساعدوني .. ممبعد تفكرت بلي راهي في اسبانيااا .. دورت بلغتهم .. ساعدوني ..ساعدوني .. تلم كامل الناس على نزيم ورؤيااا وجات لابوليس رفدتهم ..
لمار كانت فالجامعة .. كملت اخر كور ليهاااا .. خرجت مع لبنات دير pause .. شرات صوال تاكلهم .. فتحت التلفون وبقات تكمل فالتحقيقات نتوعهاا. ..حلت الصفحة نتاع المعرض .. لقات بلي فتحتو ابواب بيع التذاكر .. خطرتلها فكرة .. اكيد لازمهم يروحو يشوفو المعرض قبل .. ممبعد ساهل كي يعرفو كيفاه يدخلو كيفاه يخرجو ساهل الشئ هذا .. حجزت 4 تذاكر .. دفعت بالكارت مانييتك ورجعت التلفون ..
أنت تقرأ
محتالات اخضعهن الحب 🔞🔥🇩🇿
Romanceاهلا حبيباتي 💃💃💃💃منحرفاتي .🔞🔞🔞. فرازاتي .. هاني رجعت ..وسالمة ياسلامة رحنا وييجنا بالسلامة ..🎬🎬🎬🎬🎬🎬🎬 كرونيك من تاليفي ...كيما العادة .. اسرار .. مافياااا .. جوسسة وغموض .. وبلا ماننسى الانحراف🔞🔞🔞🔞 .. العشق الممنوع .💔💔💔💔💔💔.. ا...
