محتالات اخضعهن الحب 🔞🔥🇩🇿

2

الحلقة 2💔💔🚧#محتالات_اخضعهن_الحب رذينة .. تونسية الاصل 20سنة ..والديها جاو لاسبانيا ليكبرو البيزنيس نتاعهم وكي عجبهم لحال قعدو فيها على طول .. هي الي كانت تسوق بالبطلات تاوعنااا..من بكري تحب الطموبيلات .. هههه كانت تظل ابوهاا يصلحو فيهم .. تعرف كلشئ واي قطعة والخدمة نتعهااا .. حلمها انهاا تولي متسابقة ناسكار
واخيرا لمار .. العقل المدبر .. 23 سنة .تدرس سنة رابعة طب .يتيمة عاشت فالميتم طول عمرهاا .. اما كانت ديما تحوس على والديهاا الي ماعندها حتى فكرة عليهم .. الشئ الي مخليها قاسية بزاف . والسبة الي تلاقو عليها الثنائي 4 هاذوماا انهم عندهم رابط مشترك العروبة وكلهم كانو يحوسو على صحبة ..
لمار كموندات الماكلة .. ممبعد طلعت لفوق .. نحات حواجيها ودخلت تحت الدوش .. تحب تنحي تعب السنين .. كملت وخرجت .. واقفة تنشف في شعرهااا عند المرايااا .. شوية ولحقتها نوتيفيكاسيون على البيسي .. راحت قعدت وفتحت هاذيك الصفحة وبقات تحوس ..
هاذي حياة لمار .. كل يوم دير مجهود كبير لاتقدر تلاقيها والديهااا .. حطت تصويرتها في الموقع هذاا على وعسى كاش واحد يقدر يتعرف عليهااا .. شئ محزن .. اما الحزن هذا كان محطمهااا وعاميها على الحياة .. حتى انهاا مش قادرة تشوف الايجابيات من كثر ماهي قاعدة تخمم فالسلبيات ..
في مقر تاع لابوليس .. كان داير اجتماع طارئ .. كانو كامل مستنفرين حتى الي كان داي كونجي دخل بامر من اسكندر .. كان واقف في وسطهم .. عينيه حمر وعروقو يدو خارجين .. كيف يمكنكم تفسير 4 سرقات في شهر واحد اخبروني بحق السماء
كانو كامل ساكتين الا واحد تجرا .. سيدي انهم محترفو ن جدااا
اسكندر رمى الدوسيات على الارض ..لايهمني .. اريد اسماء وفي الحال هل سمعتم هذاا
هذاا اسكندر بن سليمان .. تونسي الاصل في36 سنة .. عاش وكبر في اسبانيااا .. والديه كانو في المنظمة تاع المكافحة على هذاك حتى هو دخل من كال في عمرو 23 سنة .. مكانش اللعب معاه .. الحاجة المليحة فيه انو مزال محافظ على الاصول تاعو وحتى على اللغة ..
خرج من الاجتماع يغلي .. ضرب لباب تاع البيرو ودخل .. رفد الكابوس ودارو في حزامو .. مفاتيح الطموبيل والتلفون وخرج .. ركب فالطموبيل .. اكيد رح يلقى الاجابة عندو .. اكيد هو الوحيد الي يقدر يعاونو .. كان منارفي لدرجة كبيرة .. لاول مرة يفشل في مهممة ..
وصل للبار هذذاك .. حط الطموبيل ودخل .. وصل للبيست بقا يحوس عليه بعينيه .. مداش وقت بزاف حتى شافو .. خرجو لبرا ودمرو على الحيط ..
نزيم رفد يديه ويضحك .. واش تحوس عندي خبرني بلاك نقد نعاونك ..
اسكندر جبد ساشي تاع غبرة .. وضحك .. واش هذااا ..
نزيم ضحك .. فارينة هههه
اسكندر طلع حاجبو بالله .. تتمنيك بدين امي انتي .. جبد لكابوس وحطهولو على راسو ..
نزيم دمر اسكندر .. نرمالمون حنااا جوارين وولاد حومة في طوع تعاوني دايرلي لكابوس على راسي
اسكندر .. شششش كلمة وقص شكون روا السريقة الي راهي تصرا . تنطق كان بهااا تقعد مخبي اقسم بربي كان نرشيك فالحبوس
نزيم جا رايح .. ماعلاباليش .. وكان عندي علم مارحش نقلك ..
اسكندر عاود رجعو .. بالله باهي .. جبد الكلبشات
نزيم ضحك .. وطربق بصابعتيه خرجو رجال .. رافدين خداما ورافدين كوابيس .. تنساش حبيبنااا هذا لكارطي نتاعي ..
اسكندر .. رجع لكابوس .. يجي نهار وطيح صدقني
نزيم صفق بيديه .. دير لي تقدر عليه .. طير عليااا ضرك ...
عند لبنات .. هبطت لمار .. لقاتهم قاعدين .. حاطين serie ويتفرجو والماكلة مقابلتهم .. راحت حتى هي وتبزعت على الفوتاي بحذاهم .. اام استغربت غياب روذينة ..
لمار وينها اك المجودرة
بيان كانت تخدم فالبيسي .. راحت لدارهم توحشت والديها بزاف
لمار رجعت شعرها ورا وذنيها .. حسيتها ليوم متقلقة بزاف
رؤيا ضحكت .. كيف لبيبي لصغير مابتقدر تظل بلا اهلها مجنونة ..
لمار تنهدت .. الوالدين مايتعوضوش ..
بيان .تاكل وتحكي . اكيد ..