محتالات اخضعهن الحب 🔞🔥🇩🇿

3

الحلقة 3💔💔🚧#محتالات_اخضعهن_الحب لمار فكتلها الشيبس هاتي عزرينك عاطيتها غير لماكلة
بيان كانت مركزة مع اللقطة كي جا الممثل يبوس البطلة .. شافت فيها بنظرة ترعب ورفدت صباعها الوسطاني هاهو ليك
رؤيا .. أي شو انك قليلة ترباية .. انقلعي من جنبي
لمار بقات تضحك .. هذا ليااا اناا يالوحد لق*** صبري
بيان رجعت تتفرج ولاعلابااهلا بيهم .. فاتت عشية عادية عليهم .. تعشاو ممبعد كل وحدة حكمت شومبرتهاا ... الي تحوس على تصميمات والي تحوس على والدييها وكل واحد في دواماتهااا الخاصة ..
صباح جديد طلع عليهم .. لمار كيف لعادة لبست توني تاع السبور وخرجت تجري .. حاطة لي كيتمان وداخلة في دنيتهاااا .. وقفت عند الشط دير في les mouvements شوية حتى فاتت عليها عايلة مع اولادهاا يضحكو ... بلاك للناس لخري نشئ عادي اماا هي محرومة منو
كملت السبور ودخلت للكافي .. قعدت في طابلة وكموندات .. لبنات يموتو على البيني تاع الكافي هذايااا .. زادت طلبت سموذي وقعدت تشرب .. طلعت راسها لفوق تشوف في نشرة تاع اخبار .. شافت فالسارفور
لمار _ هل يمكنك زيادة الصوت
بقات تسمع فالنشرة .. سيقام معرض لجواهر نادرة في قصر الحمراء اواخر شهر ديسمبر .. وسنقوم بعرض اغلى الماسات العالم وهي ماسفة موسايفف الحمراء .. كونو في الموعد .. لمار اول ماسمعت الشئ هذا ضربتلها في مخها ..
وصلت للدار .. كانو لبنات عاد راقدين .. راحت لشومبرتها وفتحت لبيسي .. دخلت لمووقع المعرض .. وبقات تدير في الابحاث نتاوعهااا ..بعد مدة قدرت تلقى المعلومات الي راهي تحوس عليهم .. "سيقام المعرض في 25 و26 27 من ديسمبر لعام 2018 .. بتنظيم رجال الاعمال العربي زياد محفوظ البالغ من لعمر 35 سنة .. سيكون هناك عرض لماسات اخرى وفي النهاية سيقام مزاد لبيع كونو في لموعد ..
بلعت لبيسي .. دخلت دارت دوش .. بقات تدير في حساباتها .. اول ماخرجت خطرتلها فكرة .. هبطت لتحت تخبر لبنات ..
لمار ... صباحو
بيان .. هاهي جات .. هاني نقلك كلاو كامل التحلية مابقالك والو
لمار شافت فالساشي .. من نيتك سماتي .. واش بيكم يان***
رؤيا توكل في اسلام خوها .. كتير طيب لمار .. والله عسل
لمار شافت في رذينة .. وين كنتي نتي .. وشبيك ساكتة هكااا
رذينة كانت على شعرة وتتبكي ..
لمار قربتلها مع لبنات ..يابنتي احكي خوفتيني عليك
رذنية .. بابا قاعد يخون في امي مع لبنات صغيرات قدي ..
لمار طلعت حاجبها .. كيفاش عرفتي ..
رذينة .. دخلت للبيسي نتاعو لقيت تصاور وزيد فالجيب تاع لفاستت نتاعو لقيت reçu تاع صوالح شاريهم sousvetement وصوالح
رؤيا ..خلاص حبيبتي ..
رذينة اما مش مقلقني هو بلحاط يبلحطو ..الي مقلقني ماما رح تموت كون كاش ماتسمع
بيان وخاه ..بعيد الشر ..
لمار .. اذا بقينا لهنااا رح نبقاو غير نخمو .. واش رايكم نخرجو نسهرو
رذينة .. نحب نشرب هههههه
رؤيا طلعت حاجبها .. انا مابشرب .. انا بنت مرباية ههههه
بيان كنتفكر اول ماتلاقنيااا .. سكرتي وليتي تتقاي يمين وشمال ههههه
رؤيا .. خلاص ولي واطية منك ليهاااا .. بالحق شوم معنى بلحاط
البنات شافو في بعض واطرطقو بالضحك .. مسكينة ماتفهم حتى حاجة كي يبداو يحكو تبقى ساكتة وتشوف غير بعينيهااا