محتالات اخضعهن الحب 🔞🔥🇩🇿

18💖

الحلقة 18💔💔🚧#محتالات_اخضعهن_الحب صباح جديد .. اسكندر كان فالبيرو كيما العادة .. متشوق للجديد الي رح يخبرو عليه نزيم .. مع انو سهر الا انو بكر لازم قبل حفلة راس عام يكمش السراق هاذوما .. قادرين حتى يسرقو حاجات ماكبر وهو راه في وضع حساس بزاف ..
نزيم طبطب ودخل .. سلام
اسكندر . ناض من بلاصتو سلام اقعد
نزيم نحا لفاست ..كون تبطل برك هاذيك الهدرة تاع الاوامر مانيش نخدم عندك
اسكندر شعل سيجار... مانيش عشيرك اناا
نزيم ضحك بتمسخير .. هذا الي تبقى لمهم
اسكندر ايواه لمهم ..احكي لبارح قتلي عندك ماتحكيلي
نزيم .. شوف الطموبيل تخرج للطريق لعام .. وفي كل مرة تدخل فالكارطي هاذك وتضيع لابوليس .. ممبعد الطموبيل حكمتها كاميرات اشارة المرور داخلة لباركينغ ومن تما مكان حتى اثر
اسكندر ضيق عينيه .. يعني راك تقول بلي فالباركينغ كاين ممر ولاحاجة
نزيم لا كاين واحد يعاونهم .. مدلي كامل الفيديوهات تاع الباركينغ هذاك فهمتني
اسكندر رفد التلفون .. من فضلك اريد تسجيلات الشارع رقم 142 و 143 الجنوب شكرا
نزيم .. جانايض
اسكندر .. وقتاه تكمل لخدمة هاذي
نزيم رح نكملها بلخف باه نريح منك تعرف كرهت منك كل يوم في وجهي
اسكندر برا ن*** ن*** ... نزيم خرج وهو قعد يستف فالدوسيات حتى لقا التلفون تاع لمار ضرب جبهتو "بففف الحكاية نسيتها جملة " .. رفد التلفون وبقا وكوموبوزا النيمرو . .
فاتت سمانة .. لبنات كانو بين التحضير للمعرض ...وبين حياتهم الشخصية .. لمار كانت كيما العادة العقل المدبر .. هي الي كانت تسقم فالخطوط الكبيرة ...ولانو لخطة تقول بلي لازم يسرقو فالنهار وكي يكون الناس لتم فكرة كبيرة وتخوف .. كانت قاعدة تربط فالاحداث ححتى لحقها تلفون كان اسكندر ..
لمار تبسمت .. سلامو
اسكندر سلام .. وينك
لمار لاباس ونتاااا ..كاش جديد
اسكندر ايه عنددي حاجة تفيدك بزاف
لمار نجيك للمنطقة ولاوين
اسكندر طلع حاجبو ليوم عندي خدمي اما راني خليت الدوسيات في داري كانت تحبي فوتي وديهم
لمار استغربت .. وانتا عادي اي واحد تخليه يدخل لدارك ..
اسكندر ضحك .. تخافش عليااا نعرف الناس من وجوهم ومانظنش بلي رح ديري اي حاجة
لمار طلعت حاجبها .. كيفاش باش ندخل
اسكندر تلقاي المفتاح تحت التابي هياا سلام
لمار ..سلام كوبات ودارت تشوف روحها فالمرايا .. .كانت كامل حمرة طوماطيشة بففف السيد هذا يخليني نولي هكا ..
رذينة خرجت هي وبيان ليشرو ولتختار حاجة تروح بيها للعشا مع زياد .. والحاجة الي خلعتها انو كانت خايفة بزاف ..تقول اول مرة تروح لموعد .. علاش السيد هذا مستولي على تفكيرها .. وعلاش حتى هو باقي على كونتاكت معاها ..
يمشو بين البوتيكات .. حتى حاجة ماعجبتهم .. وملهيك رذينة تخرنن انو مشاو بزاف .. يتمشاو في امان ربي حتى خرجلهم وائل
رذينة عينها توسعو . ياربي فش تعمل ياهم
وائل شدها من يدها .. امشي عندنا مانحكو امشي ..
بيان استغربت ..شكون هذا طحبوشة ..
رذينة ..بلاوي يابنتي .. وائل شعال من مرة نقلك ابعدني
وائل .. نحب نحكي معاك .. مرحش ناكلك ماعليش