الحلقة 35💔💔🚧#محتالات_اخضعهن_الحب خرج الطبيب من عند اسكندر .. بعدما كشف على لمار الي كانت حالتها متازمة بزاف .. وبعد الفحص الدقيق .. خرجت صرالها انهيار عصبي حاد .. عاطاها ابرة مهدئة و كتبلها على ادوية وطلب من اسكندر انو يريحها واذا كان امكن يخرجها سياحة ..
فاقت الصباح .. راسها يوجع فيهااا .. سندت روحها شوية على لمخدة بقات تعقل فالبلاصة .. وتفكرت بلي روحت لبارح عند اسكندر .. كانت حاسة قلبها يوجع وبفراغ كبير على غير العادة .. كي تفكرت بلي صحاباتها بدلوهاا .. دمعها طاحو بلا سابق انذار .. فيسع ماسمحتهم كي سمعت لباب تاع الشومبرا انفتح .. اسكندر دخل وفي يدو بلا تاع ماكلة ... صباح لخير
لمار .. صباح لنور ..
اسكندر قعد بحذاهاا .. حط يدو على جبهتها .. راهي هبطتلك السخانة
لمار .. وش صرى لبارح ..
اسكندر تكاها عندو ..نتي الي حكيلي .. جيتي وحالتك فالويل مشخمة كيف القطوس .. وتبكي ومنهارة علخر ..
لمار .. بقات ساكتة
اسكندر عرفها بلي مش حابة تحكي محبش يضغط عليها كثر وكثر .. هياااا ناكلو
لمار ماعيينش ..
اسكندر .. الطبيب قال لازم تاكل ..وزيد عندي ليك سربريز تهبل
لمار استغربت .. وش هي ..
اسكندر ..خرج جاب حاجة كبيرة ومغطية بدراا .. غمضي عينيك
لمار هياا افتح برك مالسماطة
اسكندر .. انا ماسط باهي يالالة .. لعلمك السامط هذا البنات لكل يعشقو فيه
لمار افتح خليني نشوف ..
اسكندر فتح القفص واذا بيها قطوس صغير .. فالابيض .. خرج يجري وترما في حضنو لمار .. بقات تضحك .. كيف البنت الصغيرة .. وهي رافداتو في يدهااا وتلاعب فيهااا .. وهو وقف يشوف فيهاا اول مرة يحس هكا مع بنت .. هو ديما دايرهم للسهرات والخرجات اما لمار حاجة اخرى ..
لمار طلعت راسها وشافت فيه .. حقا لبارح شكون بدلي حوايجي
اسكندر قعد بحذاها انااا ..
لمار عينيها توسعو .. وحمارت حشمت منو
اسكندر طلعلها راسهااا .. اما حاجة ماقتلتنيش كيف بوسة الخال الي في كرشك هبلت كون رح نهبل ونبوسها ..
لمار بلعت ريقهااا .. وبقات تشوف مع عينيه .. وهو خلاص معادش فيه هبط على شفايفها يبوس فيهم بالحنانة .. جبدها كامل حطها في حجرو دورت يديها على رقبتو وبادلاتو فالبوس .. مزير عليها بكل القوة نتاعو .. ماحاجة نوضتهم ملي فيه كان تلفون اسكندر ..
لمار حلت عينيها وبعدت عليه .. هو خرج يحكي .. وهي تكات ترد فالنفس .. محلاه يقتلها السيد هذاا ..ومايخلي فيها والو .. شوية ورجع لداخل لعندها .. خنمشي للبيرو باهي ..
لمار اوكي
اسكندر جبد فازت وقعد يلبس .. وش رايك لليلة نخرجو نتعشاو برا
لمار ممم انا خممت في حاجة اخرى .. واش رايك نتعشاو لهنا شقلت
اسكندر قرب منها وباسها من شفايفهاا ..باهي ..
لمار حطت يدها على خدو .. تهلى في روحك
اسكندر تبسم باهي ..
لبنات فاقو صباح ..لقاو لولاد روحو .سهرة لبارح كانت تهبل .. تعرفو على بعض وفوتو وقت شباب بزاف كان خاص كان لمار فالسهرية .. . كل وحدة من هم شدت حاجة تدير فيها .. ليفوتو لوقت .. اما مخهم كان في بلاصة اخرى .. كل وحدة حاسة روحها محتالة وهي تكذب على الشخص الي تحب ..زيد كثر من هكا غياب لمار الي مكان لاعلى البال ولاعالخاطر ..
أنت تقرأ
محتالات اخضعهن الحب 🔞🔥🇩🇿
عاطفيةاهلا حبيباتي 💃💃💃💃منحرفاتي .🔞🔞🔞. فرازاتي .. هاني رجعت ..وسالمة ياسلامة رحنا وييجنا بالسلامة ..🎬🎬🎬🎬🎬🎬🎬 كرونيك من تاليفي ...كيما العادة .. اسرار .. مافياااا .. جوسسة وغموض .. وبلا ماننسى الانحراف🔞🔞🔞🔞 .. العشق الممنوع .💔💔💔💔💔💔.. ا...
