محتالات اخضعهن الحب 🔞🔥🇩🇿

26💖

الحلقة 26 💔💔🚧#محتالات_اخضعهن_الحب لمار فاقت على حس فالكوزينة .. وريحة لقهوة .. حلت عينيها بلعقل .."وين راني " .. اخ ايه بت لبارح عند اسكندر .. حلت عينيها وهي حاسة بروحها خفيفة ..كانت لابسة التيشرت نتاعو .. لفكرة برك خلاتها تتبسم .. ناضتت تتمشى وقفت عند الباب وبقات تشوف فيه .. يوجد فالفطور
لمار تبسمت .. ماتبانش عليك سي اسكندر ..
اسكندر تلفت .. شبيني عادي
لمار قربت كثر .. هاراك شاطر وتوجد فالفطور
اسكندر بقا يثبت فيها كانت لابسة التيشرت نتاعو جايها عند الركبة ومامغطي حتى حاجة .. بلع ريقو قربلهاا .. جات عندي ضيفة سبيسيال بزاف ..نخليها للجوع ..
لمار .. صح والله جيعانة ميتتة ..
اسكندر حكمها من خصرها وطلعها فوق الرخامة .. هيه شتحبي تاكلي ليوم ..
لمار قلبها ولايخبط .. قهوة وولا حتى ساندويش
اسكندر حكمها من راسهاا .. اما انا نحب عليك بزاف .. حط شفافو على شفافهاا وغارق فيهاا ..دخل بين رجليهااا وهي كبشت فيه .. ماتحبش تخليه .. واش هذا الشعور المخلط الي تحس بيه .. تحب تبعد اما حاجة تخليهااا تقعد .. مجبورة ..
لمار بعد عليه ترد فالنفس ..
اسكندر وخرلها الشعر من على عينيها .. جارايح يغطس فيها مرة اخرى حتى التلفون بدا ياكل في بعضاه .. نسف كاره من حياتو ..
لمار هبطت وراحت للصالون تجري .. حبت تخليه على غرضو .. كانت تلبس وتشوف .. حتى لقات دوسي مكتوب فيه ..قضية رقم 1457 ..مافيا البنوك " .. بقات تقرى .. عينيها توسعو ..تسما راهم شافو الكاميرات .. بقات تقرى وترجف ..
اسكندر وقف وراهااا..هاذيك اكثر قضية مفددتني
لمار شافت فيه .. كاش ماعرفتو
اسكندر راني قسمت لخدمة مع صحابي ..قبل راس العام نكمشهم
لمار بلعت ريقهااا .. لازمني نروح نحكو ممبعد
اسكندر ..نوصلك
لمار لالا .. نفوت على الفاك ننقل جدول الكنترول ممبعد عندي قضيات
اسكندر قرب منها بواسها من خدهااا ..نعيطلك باهي .. نحب نشوفك كثر
لمار بقات تشوف مع عينيه اوكي ..
نزيم بات يخمم .. النوم طار على عينو .. هو صح مكانش متوقع يعرف السراق شكون اما الي صدمو انو عرف والمصيبة خرجت رؤيا وحدة منهم .. بات يعاود فالتصاور الي بعثوهملو مع شعال من بروقرام .. اما نفس الشئ .. كان واقف قدام الزجاج يشوف .. وش حيدير يحكي لاسكندر ويهني على بالو ولا واش يعمل بالظبط .. رؤيا انسانة سبيسيال بزاف .. والحل ياربي ..
رايح للكوزينة سمع الناقوز .. استغرب شكون رح يجيه فالوقت هذاياا .. حل الباب واذا بيها هي واسلام واقفين وهي تتبسم اذيك الابتسامة الي تسحر .. صباحو .
نزيم استغرب ..
رؤيا .. مارح دخلني .. اجيني نفطر معك وعملت فطاير بتجنن
نزيم رجع من سرحتو تفضلي ..
واقف فالكوزنية يدير فالقهوة وهي تحط فالطبااسااا .. واسلام قاعد يقرى في كتاب من المكتبة نتاع نزيم .. طفا على الغاز وقعد ..
رؤيا .. ذوق كتير طيبين
نزيم حكم الفرشطية وبقا ياكل .. مالا لباس ..
رؤيا ربعت يديهاا .. بعرف مستغرب اني اجيت لهون بس سالت عليك محل بتشتغل وهني دلوني ..
نزيم اه اوكي .. مرحبااا بيك اصلا انا ماعنديش شكون يجي لعندي
رؤيا وحبيت كمان اعتزر من الي صار .. كنت كتير وقحة معك
نزيم ضحك .. وبقا يشوف معاهاا .. بلاك انا كاش ماقلت ولاغلطت