محتالات اخضعهن الحب 🔞🔥🇩🇿

10 💖

الحلقة 10💔💔🚧#محتالات_اخضعهن_الحب نازلة من الطموبيل .. العيينين كامل اترشقو فيها .. ذاك الزين وذيك الحطة .. تتمشى بكامل انوثتها الي يشوفها مايقولش بلي هاذي محتالة .. وصلت للباب تاع الشركة .. انفتحلها على الواسعة كانت لازمها تروح للشركة وتتعرف عليه على انها حابة تعرف على العرض الي رايحين يديروه .. وقفت فالريسيبسيون نحات نواظرها .. من فضلك انا ابحث عن السيد زياد
موظفة الاستقبال .. هل لديك موعد معه
بيان عضت شفتها .. وهذا ضرك لازم موعد .. اجل انا
موظفة الاستقبال الست الصحافية من قناة الفجر
بيان ضحكت اجل ..
موظفة الاستقبال تفضلي سيدتي .. مكتب السياد زياد على اليمين ..
بيان شكرا .. مدلوها باج تاع زائر .. وطلعت تتمشى وتشوف هذا لاوتيل ولا شركة يامامي يهبل تمشي وتشوف في روحهااا حابة تحطو تحت اسر الانوثة نتعهااا ..كان كاين لافتات على المعرض "" يعني هذا الي راحيين يديرو فيه الامعرض زوين بزاف.. جات فاية حتى دخلت في حاجة كيف الحيط من كثر الخبطة طاحت ... اه راسي . .
بيان .. راك عمى ماكش تشوف
زياد طلع حاجبو وبقى يدقق معاهاا .. هاذي ماشي تاع البار
بيان كان مزالها قاعدة وتحكي ..معليش تخطيني ديجا كي شفت وجهك عرفت بلي اشارة تاع شر
زياد وانا واش درتلك .. مانعرفك ماتعرفيني
بيان زيرت على سنانها كل مانشوف وجهك الزوين يصرالي حاجة مرنكة
زياد مدلها يدو ... خرجتي عربية وانا الي حسبتك اسبانية
بيان ناضت لوحدها وخرتلو يدو .. دير مزية طير ععليا منا عندي خدمة وراك تعطل فيا
زياد قرب منهاا .. لسانك طويل ولازملو قص علابالك
بيان بففف خطيني .. نفضت روحها وقعدت تسقم في شعرهااا .. فاتت وخلاتو وهو بقا يشوف معاها عجباتو بزاف ..
كملت الطريق حتى للبيرو لقات سيكريتار اخرى .. من فضلك عندي موعد مع سيد زياد
السيكريتار للاسف .. لقد خرج منذ دقائق
بيان بفففف .. ق*** غير على جال هذاك لق*** ... خرجت تتمشى وكارهة حياتها ديجا نهار الاول كان هكا .. زاد الطالون وجعها بزاف .. وقفت عند الطموبيل حتى شافت العجلة مفشوشة ولات تعيط "ها النهار تاع ق**** كمل مليح
زياد كان يحكي مع واحد كي شافها استاذن وراح لعندهااا ... عندك بروبلام
بيان شافت فيه .. يربي ماتروحش تعفني ضرك ليك من الي لقيتك اوانا فالخرى
زياد ضحك بطبيعتو هو موسع بالو ... تفضلي نوصلك
بيان قتلك لالا اخطيني
زياد .. نشربو فنجان قهوة ونوصي لولاد يخدمولك الطموبيل
بيان مسحت وجهااا .. اوكي
زياد فرح بزاف ..تفضلي منااا ..
لمار خرجت مع رذينة ... كان عندهم مشوار مهم بزاف .. ولمار مادير ثيقة حتى في واحد ماغير صحبتها وانتيمتها رذينة .. وصلو للادراس .. رحبو بيهم عند لباب كون لمار ضيفة عزيززة عليهم . دخلو للبيرو نتاع المعلمة وقعدو ..
المعلمة .. اشكرك على التبرعات التي تقومين بها للملجا
لمار .. اي شئ .. فهذا كان بيتي الثاني ..
المعلمة ومن تكوني هذه الجميلة .. (على رذينة)
لمار ..هذه صديقتي ورفيقتي فالسكن ..
رذينة مدتلها يدها تشرفت بمعرفتك .. لمار حكت عنك اشياء جميلة
المعلمة .. حتى انا فخورة بها ..لقد اصبحت امراة وناضجة وستصبح طبيبة في المستقبل
رذينة نقزتها قوليلها هيااا ..