محتالات اخضعهن الحب 🔞🔥🇩🇿

14💖

الحلقة 14💔💔🚧#محتالات_اخضعهن_الحب بيان حطت الفرشيطة .. تعقدتلي من اول نهار اما نوعدك نعاود مرة اخرى
رذينة .. مافيك فايدة ..
بيان مدلتها صبعها الوسطاني .. هاهو ليك
رؤيا غضمضت عينين اسلام .. ولك واطية من ليها .. شوفي
لمار ضحكت عليهم .. هاذو زايدين فوق روس بعض ههه
رؤيا .. اي احكيلنا ست لمار وين كنتي من الصبح بكير
بيان .. كانت تقرى شفتي الكتب الي شراتلهم .. انا نحمد في ربي اني خليت القرايا من زمان
لمار شاف في رذينة ونتي وش درتي فالطموبيل
رذينة روحت وشفت الروتوش التالية .. اما خرجت تفتق الطموبيل
رؤيا .. بدي شوفهااا
رذينة .. خسارة كون عرفت كون صورتهااا ..
لمار ماعليش كاش نهار نروحو ونشوفو .. لمهم نرجعو للمعرض ركزو مليح بيان هاذي عليك
بيان .. غدوة نزيد نروح مرة اخرى ..
لمار .. اوكي .. هيا لبنات كان كملتو .. هاني جبت مخطط الاوتيل الي باش يعملو فيه المزاد . لازمني نحفظو ونحفظلكم هياااا .. ارفدو ترميكم ..
حطت المخطط .. وتلمو كامل عليها وبقات تشرحلهم .. وهو مركزين معاهاا .. اما بقا مشكل صغير الكامرات وين محطوطين لايقدرو يعطلوهم ..
نزيم كمل عشاه .. حط الطبسي تاع الماقارون فوق الطابلة .. اصلا هذا واس يعرف يطيب .. حط كاس شراب .. حط كمال فيديوهات كاميرات المراقبة الي مدهملو اسكندر وبقا يشوف .. داير رجليه فوق لطابلة .. ويدقق .. شافهم كي دخلو .. كي خرجو .. كي قلعت الطموبيل . . امااا فالكارطي هذاك ضاعو .. فوتت ليلة كاملة وهو يحوس على اي حاجة .. الصباح كان راقد .. فاق كي القط ركب عليه ..
نزيم قفز من بلاصتو .. يالز**** هذا غير نتاااا .. حك عينيه ورفدو داه للكوزينة حطلو شوية حليب ووقف يشرب فالماء .. انا نوجد الباسبور ونروح من لهنااا وصاي .. اسكندر رح يبقى وريايااا .. ومهما شفت البارح .. مارحش نحكي ..
رحع للصالون قعد .. حط راسو ولحقو القط نتعاو ووقف فوق البيسي نطلق الفيديو نزيم حل عينيه "بك مالقيت مادير .. لحظات حتى شاف حاجة بيزار عينيه توسوعو .. وبقا يحك في شعرو .. شف القط والله غير جبتهااا ياولد لق*** امشي نديك نشريلك الحوت ههه امشي