محتالات اخضعهن الحب 🔞🔥🇩🇿

40💖

الحلقة 40💔💔🚧#محتالات_اخضعهن_الحب نرجعو لبيان وزياد .. الي كانو عاد فالكافيتيريااا .. الاجابة الي مدهالها على حقيقة خدمتها كان صدمة كبيرة .. اذا كان يعرف بلي ماهيش صحفية تسما راه يعرف حقائق اخرى
بيان .. مافهمتش
زياد .. طفلة تهبل كيفك .. حتى الروج الي حاطة منو يسوى كثر من ميكرو تاع جورناليست حسبتني بهيم
بيان طلعت حاجبها .. ماالا
زياد مع الاول قلت صدفة برك ..اما ممبعد نسيت لفكرة اذيكا عليك .. وبديتي تعجبيني
بيان .. مالا كي كنت تعرف وعادي يعني مكانش مشكل بالنسبة ليك
زياد مع الاول شكيت انو احد اعدائي رسلك اما كي خممت مليح ديجا حنا قبل بمرة تلاقينا فالبار ونتفكر صرا مشكل كبير
بيان ضحكت .. اي لمار .. هي رئيسة الشلة
زياد .. كانت باش تضربني .
بيان هياا هكااا... قلبها ابيض ومهبولة كون تعرفها صح تحبها
زياد .. انشاء الله انا يشرفني نتعرف على كامل محيطك وعايلتك ماتقدريش تتصوري شعال نحسس بالراحة كي نكون معاك
بيان .. حتى انااا ..
زياد حكم يدها وباسهااا .. امشي نطلو على اسلام .. ناضو دار اليد فاليد .. وطلعو اما تعرفوه ذاك لشعور الي يحكمك وقلبكم يزير بيان هكاكا كانت حاسة ..طول لوقت
فات يومين .. الحالة تسقمت شوية .. اسلام لطبيب كتبلو على خروج .. وطمنهم عليه .. كانت فرحتهم بالدنيااا .. رجعو للدار وهذاك وين رؤيا رجعت تتنفس من جديد .. كانت الصباح تتلهى بيه هاذي ماكل هاذو العاب .. وفليل تسند راسها على الزجاج .. وتتفكر نزيم وهدرتو .. اما الى غايضها انها ماعدش تشوفو .. لعنت زهرها الى مخليها كل واحد تحبو يروح عليهاا ..
حالة نزيم ماكنتش تختلف بزاف عليها .. لدرجة انو كان مش قادر يقعد ولايوقف ولا واش يدير بالظبط .. مش اول مرة يحس هكااا .. لانو كان يحب ومتزوج ..اما اول مرة يحس روحو مسسؤول على رؤيا .. من اول ماشفاهاا .. ممبعد كان يحاول يعرف عليها صوالح ويسلمها اما كي عرفها صح .. افكارو كامل تبدلت عليهااا .. سبحان الله كيفاش انسان يحس روحو مشدود هكاا ومش قادر يبعد .. عياطها عليه ماخلاهش يستسلم ولا حتى يكرهاا اما كان لازملو وقت يخمم فيه ..
.. عشية راس العام .. الدنيا زاهية بالثلج .. معلقين السابان وخلاص بدا الصولد نتاع الحوايج ونتاع صوالح الديكور .رؤيا موالف هذا لوقت راهي تشري باه تزين الدار .. بيان لمهبلة تشري حوايج وتعاود تصممهم .. اما رذينة تولي تحوس على اكسسوارات للطموبيل نتعهااا الي باش تسابق بيها .. اما العا هذا تبدل بزاف حوايج .. مثلا ... بالنسبة لاسكندر خذا كونجي تاع يومين حب يخرج لمار .. وينحيلها على خاطرهاا .. البروقرام نتاع اول يوم كان يروحو للمعرض .. كان يضحك على روحو لانو يكره المناسبات كيف هكاا من بكري ..
لمار واقفة قام المرايا ..وتتبسم لروحها كيفاش كانت تخطط تسرق وتنهب اما ضرك كلشي تبدل بوجود اسكندر في حياتهاا .. كانت تحوس في حاجة تلبسها .. مطيشة كامل الحوايج على الفراش ومعوجة شفايفهااا . ..
دخل وتكا على الدريسنغ داير يدو في جيابو .. مزال ماتلبس
لمار مالقيت حتى حاجة شوف
اسكندر .. باش نبطاو لمار .. معادش فما وقت
لمار صابت غوب .. اصبر دقيقة نجرب هاذي
اسكندر نسف .. بلاهي لمار مزال تجربي وتحطي .. معامن نحكي ااانااا
لمار دخلت للدوش لبستها وخرجت .. اقفلي السانسير
اسكندر هاتي . على عقابب عمري .. هاتي بقى مركز مع خصرهااا .. فوت يدو عليه مش مصدق وقتاه يملكهااا
لماركي حست بالبمة اتكرهب كامل .. مالا حساس مع الرجال هذا ..هربت منو وقفت وبقا تشوف في روحهااا .. مممم ماجاتنيش خلي نلبس القصيرة هاذيك
اسكندر جبدها من خصرها ليه ... بلاهي وتتصور باش نخليك تخرج اكاك انتي
لمار بقات تشوف مع عينيه اسكندر .. ماتبداش ..هاي سهرة نحب نكون شابة