محتالات اخضعهن الحب 🔞🔥🇩🇿

28💖

الحلقة 28💔💔🚧#محتالات_اخضعهن_الحب زياد .. حتى انا نروحح عندي موعد مهم .. هاكم التذاكر وراني نستنا فيكم ..
اسكندر ..اشرب معيااا حاجة ممبعد روح ..
زياد .. اه لالا .. وائل يحكيلك وش كنت حاب منك اياا روح ت****
اسكندر اوكي .. شاف في وائل .. تبعني نتا للبيرو .. فيسع ..
لمار روحت للفاك .. نقلت الجدول تاع لي كنترول .. اما راسها بعيد بزاف لدرجة انها ماركزتش كامل مع الي كانو يحكو .. يعني اسكندر راه يحوس .. بففف علاش مادرتش حسابي .. بقات تحجي وتفك .. ومش عارفة روحهاا .. زيد الهم تاع المعرض .. وكلشي مخلط ..
روحت للدار .. كانو كامل برى .. دخلت دوشت تحب تصحصح شوية .. اول ماخرجت وصلتها نوتيفيكاسيون على الموقع الي موالف تحوس فيه عل اهلها .. تطابق الصورة مع وحد العائلة .. مكانتش مامنة روحهااا .. رسلت ميساج وبقات تستنى .. كانت متوترة ..لاعرفت تفرح ولا واش دير..وصللها ميساج اخر .. نلتقي فال** على الساعة 4 .. غدااا ..مارايك
لمار ديراكت كتبت .. حسنااا .. موافقة ..
بيان كانت مع زياد .. عرضها لدارهم .. كانت مترردة فالاول لاتروح ولاء ..اما ممبعد قررت تروح وممبعد رح ياكلوهاا.. اول حاجة درهااا ورالها كامل الدار .. كان يبان بلي ساكن في مستوى مليح .. حتى هدرتو وتصرفاتو مش كيف الي عرفتهم من قبل ..
دخلو لشومبرا فيها كان الطابلوات .. تاع بيكاسو .. تاع تقريبااا كامل الراسمين المشهورين .. اندهشت كي لقات طابلة فالوسط .. مزينة بالشموع .. وموسيقى هادية تدخلك فالاجواء ..
زياد باسلها يدها تفضلي ..
بيان عينيها توسعو وقلبها ولايخبط ..
زياد .. وش عجباتك الدار .. هذا كامل الذوق تاع العجوز اما هاذي الصالة انا درتهااا
بيان .. عندكم ذوق يهبل .
زياد تعرفي علاش جبتك لهنااا..
بيان درات براسها لالا .. علاش ..
زياد لاني حبيتك تخرجي الالهام الي فيك .. وزيد حبيت نعرض عليك نكون شريك معاك في مشروعك
بيان بلعت ريقهااا .. تحكي صح
زياد .. شفت الرغبة في عينيك العزيمة وكلشي .. نحب نخدم مع ناس هكاا
بيان ناضت تجري وحضنت زياد بكل قوتهااا ... نتا ماتتصورش شعال فرحتني
زياد جبدهااا وبقا يشوف معاها واذا بيها تبكي .. والبكاا علاش .. خبررني برك
بيان الحلم ديالي رح يتحقق وش تحب كثر من هكااا ..
زياد بصح انا الحلم تاعي هذا وين بداااا ..
بيان بقات تمسح في دموعهااا.. علا شراك دير هكااا تعرفني من شهر برك
زياد .. قتلك بلي عجبتيني وحبيت نكون مع مراة كيفك واثقة حرة وشخصيتها قوية ..
بيان رجعلها الكوشمار تاع الاحتيال .. وكيفاش رح دير ضرك ..
زياد شدها من يدهااا وقعدو .. زادو جابلوهم الماكلة .. فوتو النهار مع بعض ..كان يحكي ويشرحلهااا كان عندو امل انهااا تقبل بالعرض نتاعو هو صح راه متسرح اما المشاعر هي الي راهي تمشي فيه .. وبيان خذات قرارا انهااا تحكي مع لمار .. وتسقد الحالة هاذي .. نهائيااا ..
رؤؤيا واسلام روحو مع نزيم .. حب يديهم لبلاصة شابة بزاف .. وزيد كان عندو تذاكر تاع مسرحية موسيقية وحب اسلام يشوف ويعيش التجربة .. كانت المسرحية رائعة ."بحيرة البجع " . خلات رؤيا يسيلو دموعهاا .. الشئ الى خلى نزيم يحس ببرائتهااا يقتنع شوية بلي ماهيش محتالة بلاك الظروف رجعتها هكا وجبرتها تكون هكاا .. وبلاك حاجة اخرى ..
قاعدين في كافيتريااا .. وهو يشوف فيها من النواظر .. وكلشي تحت عينو تصرفاتهااا حتى ابتسامتهااا كلشي .. هيه عجباتك
رؤيا كتير .. تسلم والله ليوم انبسطنااا كتير ..
نزيم مليح هاني درت حاجة مليحة في حياتي ..
رؤيا ضحكت ..ليش انت كنت قتال قتلة لا شو بالظبط