محتالات اخضعهن الحب 🔞🔥🇩🇿

33💖

الحلقة 33💔💔🚧#محتالات_اخضعهن_الحب نزيم هبط والدنيا بدات تدور بيه .. وش يدير ..وش يدير ..
لمار فاقت مع لعشية .. الرقدة في حضن اسكندر غير ... باتو من خدو وناضت .. تفكرت الموعد نتعهااا ..لبست حوايجها .. خلاتلو ميساج صغير " عندي خدمة صغيرة العشيا عليااا انا " .. بلعت الباب وخرجت وهي متاملة انهااا تلقى خيط يقودها لوالديها ..
وصلت للبلاصة هاذيك .. كانت في ريسطورون صغير .. حجزت طابلة وقعدت .. كانت تستنى على نار . ..مش قادرة تصبر .. شوية حتى الضيف نتعها وصل وقعد قدامها ..
لمار طلعت حاجبهااا .. نقدر نعرف شكون نتا
نزيم شعل سيجار .. علاش مقلقة اصبري على رزقك
لمار قعدت تتفكر فيه .. ماشي نتااا .. اه شفتك مع رؤيااا .ضحكت بتمسخير
نزيم .. ايوااا .. حبيت نقولك زوج كلمات ..ابعدي على رؤيا راكي تجري فيها في طريق عوج
لمار ضحكت وجات نايضةة ياخي شكونك نتااا باه تقولي هكااا واش دخلك
نزيم جبدها من يدها .. انا نعرف بلي نتوما تسرقو .. ونعرف بلي نتي الراس لمدبر لكشي ..
لمار عينيها توسعو مش معقول ..
نزيم حاول يهدي روحو .. شوفي انا ماعندش حتى حاجة ضدك .. اما لابوليس راهي موراكم فهمتي .. رح يجبوكم وحدة بوحدة .. فهمتي ماشي غير لابوليس برك
لمار حست روحها داخت قعدت ودرات راسها بين يديهاا ..
نزيم .. الدليل تاع ادانتكم راه عندي .. اما مراحش ندير هكاك لاني نحب رؤيا ومانيش حابها تغرق فهمتني ..
لمار دارتلو براسها ايه
نزيم .. روحي شوفي طريقك .. حاولي تكسبي بالحلال نتوما بنات واي واحد يقدر يطيحكم ..
لمار بقات تشوف معاه .. رؤيا ي الي حكاتلك
نزيم ضحك ..هذا الي يهمك برك .. مش رؤيا الي حكاتلي مش هي ..
لمار دارتلو براسها ايه وناضت شدت في ساكها وبقات تتمشى .. الحال فيسع ماتبدل .. والشتا بدا تطيح .. حست بقلبها يخبط بعنف كبير ..لدرجة انها ماكانتش حاسة بروحهااا ..
بيان مكانتش مليحة .. كامل محاولات رذينة ماجابت حتى فايدة .. كانت في شومبرتهاا غامة على راسها وتبكي وحاسة روحها صح دارت غلطة .. من جهة اخرى زياد هبلها بليميساج كي مالقى حتى جواب قرر يروح لعندهااا..
بيان كانت حاطة لي كيت وتسمع في غنية حتى لحقها ميساج "اهبطي راني لتحت " ..استغربت بزاف .. غسلت كان وجها ودرات غارديقان على بيجامتها وهبطت لتحت .. كان واقف عند الطموبيل .. اول ماشفها فتحلها ذراعتيه .. وهي رمات روحها عندو ..
قاعدين فالطموبيل عند لبحر .. ويشوف معاهاا.. وش بيك .. علاش وجهك راه هكااا
بيان شافت فيه .. ماعلاباليش ..
زياد بقا يشوف معاها .. وجهك منفخ عينيك حمرين صرات حاجة راني متاكد بزاف منها
بيان .. حنا رولاسيون ديالنا غلط كبير .. زياد نتا ماتعرفنيش مليح
زياد نسف .. ضرك دقيقة زوج تقولي بلي نتا ماتعرفنيش ربك الزبل كاين في راسك .. وش دخل هاذي في هاذي
بيان لاني تعبت .. عيطت عليه ضربة وحدة .. وتعبت من كلشي .. ومن كل حاجة
زياد .. تعبتي مني انااا هكاا ..
بيان مش منك مش منك ..البروبلام فيا انااا .. افهمني
زياد حط راسو على الفولون .. حابة نحبسو هكااا تحبي نتي .. اه احكي
بيان اترشقت بالبكااا .. راني نخسر في روحي .. كل يوم .. وانا حاسة روحي نستغل فيك وفي قلبك الحنين
زياد كره من هردتها جبدها في حجرو .. وشدلها وجها بين يديه .. استغليني كيف ماتحبي .. حياتي عمري كامل رهن اشراتك نتي برك
بيان قوات فالبكاااا وكبشت فالفاست نتاعو .. تعبت تعبت والله غير تعبت