محتالات اخضعهن الحب 🔞🔥🇩🇿

13💖

الحلقة 13 💔💔🚧#محتالات_اخضعهن_الحب رذينة كانت تتجنب تشوف مع عينيه .. علاه راك تحوس
وائل ياربك تقول انا الطفلة .. فوتنا ليلة مع بعض ممبعد رحتي بلا حتى كلمة سقسيت عليك ومالقيت والو
رذينة .. نتا صاحب خويا الي صصرى غلط .. وائل نتا تعرف كون يسمع وش يدير
وائل بففف واش راهي تحكي .. علاه انا كنت نلعب عليك ..
رذينة تلعب بياااا ضحكت .. لق*** الي جاتك للدار شكونها انا تما عرفتك بلي راك تتمسخر كان تحكي وميزرة على سنانهاا
وائل .. عادي وحدة من الي كنت معاهم
رذينة صفقت بيديها وائل .. حتى انا بعد شهرين كنت رح تتهرب مني وتخليني وتولي تقولهم هاذي طفلة كنت معاها ونبقى انا نلوج عليك من بلاصة لاختها
وائل دار يديه في جنابو .. من نيتك تحكي نتي
رذينة .. نتااا ماتحس بقيمة الحاجة حتى تروح منك وصدقني رانا هكا ملاح وحنا بعاد على بعض
وائل .. هكا يعني
رذينة ..روح عند ق*** ونساني .. راك دير هكا لانك مش مامنة بلي رذينة خلاتك وهي الي كانت تموت عليك .. جات رايحة حكمها من يديها وزير عليهااا ..
وائل .. رايحة لعندو باينة .
رذينة عيطت عليه .. ابعدني وائل باهي .. ابعدني نتا وجعتني بزاف .. طير عليا ضرك
وائل .. تروحي لكرش الحوت نجيبك ..
رذينة ضحكت بتمسخير .. ودمراتو ..نسات الي كانت رايحة دير وخرجت وهي تغلي .. دايما نفس لحكاية .. بصح هاذي المرة هي الي رح تتحدد وهي الي رح تختار مش راجل الي رح يعفس عليهاا ..
لمار دورت هدرة رذينة في راسهااا .. راحت لابوليس .. هي حسوت في كل بلاصة بصح عمرها لاخطرتها فكرة انهااا تلقى الاجابة لعدهم .. دخلت وحكات مع شرطية وهي وجهتهااا .. تتمشى وخايفة من كثر التوتر دخلت فيي بيرو خلاف ..
اسكندر رافد قهوة وداخل حتى يشوف وحدة قاعدة طلع حاجبو .. مرحبا
لمار شافت فيه ..هذا نتااا
اسكندر .. يافتاح يارزاق .. وش تحبي تاني
لمار رفدت ساكها وجات خارجة .. الاحسن اني مانحكيش معاك
اسكندر رجعها .. انا الي نقول هدرتي الاخيرة لهنااا ارجعي .. علا شجيتي
لمار وقفت تشوف فيه بتحدي ..
اسكندر بقا يشوف م عينيهااا .. شتحبي علاش جاية
لمار نسفت ..جيت نحوس على اعلان على طفلة ضايعة من سنين
اسكندر طلقلها يدهاا وقعد .. هذا مكتب المكافحة .. مش للناس الي تلوج على الضايعين باهي
لمار ..لمرة في حياتك احكي مليح . .وش بيك دايها في روحك هكااا
اسكندر ضحك ..بلاهي هاني نحكي معاك عادي .. نتي الي شايفتلي روحك
لمار ..في بلاصة لتقعد لهنااا . اخرج لبرا كاين ناس يموتو بالجوع في طوع لتقعد لهنا وتتمسخر عليااا روح للكارطيات احكم المجرمين والي بيعو الحشيشة والزطلة
اسكندر حس بلي جرحها بزاف .. قوليلي علا واش راكي تلوجي بالظبط
لمار حست روحها متزعزة .. اعلان نتاع بنت ضايعة
اسكندر ..باهي خليلي الاسم والملعومات .. صورة للصغيرة كان عندك ورقمك وعنوانك باهي
لمار دارت الي قاللها عليه .. مدتلو لورقة وخرجت .. اما اسكندر قعد يشوف معاها .. كون جات بوليسية هاذي تحكم كامل المجرمين بصح النسا ماعندهم بلاصة بينا ..
بعد نهار طويل .. تلمو لبنات فالدار .. حاطين لعشااا ومقابلين بعض .. وياكلو من سكات .. مش من عادتهم موالف قالبين الدنيا بالضحك والتمسخير
لمار .. واش درتي لالة بيان .. كاش جديد