كانت ليله عاصفه ممطره ومظلمه عندما دار نقاش جاد بيني وبين امي
امي تجبرني على الزواج من ابن الجيران بحكم انني لا ادرس او اعمل
ماذنبي تركت دراستي التي احبها من اجل اخوتي
اسيل: ماما حبابه والله ماريد اتزوج كنان ماحبه هيه كوه يعني
الام: ولج بنتي اذا تزوجج كنان راح يصير البيت الج وبعد ماندفع اجار
اسيل: يعني تضحين بيه ها ماما وليش بعتي البيت مال بابا علمود اخواني الحقراء الله ياخذهم رحت ابجي بغرفتي كهرباء ماكو لان مطر كعدت يم الشباك وابجي واباوع ظلمه وعواصف ومكلوبه الدنيا وافكر اني ليش هيج حياتي
جنت مدلله بس من مات بابا اخواني كل واحد اخذ مرته وطلع يشتغلون وعدهم خير من الله ورجعوا يريدون ورثهم من البيت باعته ماما وانطتهم واحنا اجرنه هذا البيت وابن صاحب البيت عينه عليه مره طلعت من المدرسه واجه يمي يريد يحجي وياي ولزم ايدي وشافني اخوي وضربني وجبرني اترك الدراسه وما اطلع من البيت وماما مره جبيره بالعمر ومريضه تقاعد بابا ننطي للأيجار وللعلاج والاكل زين من ناكل وجبه وحده حاولت ادور شغل وماكو
تعبت من البجي ونمت حسيت ماما تغطيني
الصبح كعدت اجتني صديقتي ابرار اخت كنان ابن صاحب البيت هاي تحبني وتعتبرني اختها
ابرار: صباحووو شبيهن عيونج ولج
اسيل: البارحه بجيت ماما تريدني اتزوج اخوج وانتي تعرفين ماحبه لازم احصل شغل
ابرار: نزلي تطبيق السوق المفتوح تلكين وظيفه
اسيل: خوش فكره هاج موبايلي نزلي وفعليه اني ماعرف
ابرار: نزلته وفعلته ولكينه وظيفه وراتب كلش زين
اسيل: حاجيت صاحب الأعلان كال المقابله باجر تجي سياره توصلني للعنوان
راحت ابرار واني حجيت ويه ماما بالاول رفضت بس قنعتها وحظرت ملابسي بالليل كاعده يم ماما نتابع مسلسل واندك الباب رحت ركضت فتحته كنان
كنان: شنو انتي صدك تحجين شنو لكيتي وظيفه انتي مستقبلج تصيرين مرتي
اسيل: شو انته مصدك نفسك والله تحلم اصير الك وركعت الباب ودخلت يم ماما
كنان: بسيطه ست اسيل اله اندمج
اسيل: نمت والصبح بدلت وودعت ماما وطلعت سياره جبيره سوده واكفه يم الباب
غيث: اول يوم الي بالشغل الجديد سايق دزوني ع عنوان اجيب بنيه طلعت وكفت صافنه يم السياره
اسيل: صافنه ماعرف هاي السياره او لا شو فتح الجامه وصاح يبنيه ترحين لو لا
اي ارو... لا متروح
درت لكيت كنان
اسيل: انته شعليك ادبسزز اوكف عموو ايي اروح
كنان: جريتها من شعرها تعالي ولج اليوم اعلمج منو ادبسزز وبالشارع
اسيل: عووفني احاول اوخر ايده عن شعري كطعه الي ويسحل بيه صرت فرجه للناس
غيث: ماتحملت اشوف هيج نزلت اركض من السياره جريتها منه ونمت فوكه بوكسات
اسيل: وخرت عنهم التمت الناس وكنان ضعيف وكيوت بس يستقوي عليه لان بنيه وهذا السايق معضل وطويل موته خرب معاني وجه كنان
اني دخلت ركض للبيت وخايفه ماما طلعت تشوف شكو
اجتي الشرطه وصار تحقيق وجروني وياهم وهوسه وبالكوه فضت السالفه وكنان يتوعدلي ووجهه صاير خريطه من الضرب
المهم السايق راح وكال باجر يرجع ياخذني
هسه اعرفكم ع نفسي اسمي اسيل عمري 20 طولي 160 ووزني 50 ملامحي عاديه بس عيوني حلوات 🙆 عندي 5 اخوان كلهم متزوجين وعندي اخت وحده فجر من مات بابا خطبها صديق اخوي وزوجوها غصب عنها وزوجها مو خوش وبمحافظه ثانيه ولا عدها موبايل ولا شي شكد اشتاقلها
يوم ثاني كعدت بدلت وطلعت هم نفس السياره صعدت وبعد اكو بنات هم
غدير: انتي ممبين عليج من هل نوع
اسيل: شنو تقصدين مافهمت
جمانه: دسكتي غدوره لتخوفين البنيه مبينه ماتعرف شي ههههههه
💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜💜اذا حبيتوها اكملها 😘😘
