وكفت سيارتها كدام المركز
نزلت وخطوات كعبها ترن
تلفت النظر بشعرها المتطاير ومكياجها البارز وملابسها الضيكه
تسأل الموجودين ع ايهاب
بس محد يرد عليها
شافت مروان طالع من مكتبه
راحتله حضنته وسط ذهول الكل
حاوطته بأيدها ع ركبته
صارت يم اذنه وتسأله بهمس ايهاب وين ؟؟
مروان: اهوو اجت المصايب
بعد ما اخذت المعلومه الي تريدها راحت للمستشفى ....
بمحافظه ثانيه وبيت ابو حسين...
اني شنو اسمي انييي اسمي مااعرف منوو انيي!!!!
حسن: اهدي مو زين عليج تضغطين ع نفسج تنفسي بهدوء ارتاحي ولا تفكرين
حوراء: شبيها ليش ماتتذكر
حسن: عدها فقدان ذاكره مؤقت صار عدها من صدمه
حوراء:يعني راح ترجع ذاكرتها
حسن: اي ترجع بس لازم صبر
هسه انتي هم ارتاحي مو زين عليج تكومين من فراشج
حوراء:هههه يمه فديت الي يخاف عليه
حسن: شوف الفاهيه غير اختي واخاف عليج
حوراء: طلع حسن واني رجعت تمددت والبنيه بعدها خايفه ولج شبيج والله مانسويلج شي وكلها فتره وترجعين تتذكرين كلشي
زهراء:شنو حوراء كلتي شي
حوراء:انه احجي وياها خايفه وماتتذكر شي
زهراء:ياااا خطيه ولج لا تخافين
حوراء: هسه انتي ماتعرفين اي شي عن نفسج واحنا هم مانعرفج ف شنو رأيج نختارلج اسم مؤقت
زهراء:اي خوش فكره راح اصيح البنات ونختار اسم حلو
حوراء: كعدي ولج هسه تخاف بالزايد هنه بنات لو هوايش ...
زهراء: ههههه لا حوري عيب ميصير
حوراء: راحت صاحتلهن وكعدنا كلنا وكل وحده تختار اسم والبنيه بس تباوع الى ان انه اختاريت اسم وعجبها
من اليوم انتي اسمج (فداء)
وره شويه طلعن البنات راحن
حوراء: ولجن بنات هسه بيش الساعه مابيه اتحرك
فداء:هسه ب11
حوراء:ولج عزززه صدمتيني عبالي ماتتذكرين كلشي يعني هسه انه مافهمت شلون فاقده الذاكره واكو اشياء تعرفينهن بعدج
فداء:ماعرف
شويه ودخلت ام حسين
ها ولج كعدتي يلا يمه كومي حركي نفسج مايصير بس نايمه خل شمس اطكج حتى علمود الجرح يطيب بسرعه كومي ولج مگموعه
حوراء: ههههه يمه ع كيفج وي البنيه خاف مو مثل بناتنه هاي ماتتحمل
ام حسين: ولج يمه انه ليش احجي هيج غير علمودها
بنيتي انه ماعرف شنو صاير وياج بس اكلج لا تبقين بس حابسه نفسج كومي تحركي خل الحياة تمشي وياج اكيد عندج اهل وكرايب منتظرينج ترجعين ف كومي وطيبي بسرعه حتى ترجعين لأهلج
يلاا كومي ماعندي دار ايتام انه
حوراء:ههههه يمه شسالفه
تنصحين لو تعاركين
فداء: خاله اني استحي خاف عدكم ولد بالبيت
