الحياة ستحطمك عدة مرات وسترى أمورًا لا تريد رؤيتها
وقد تحزن وتفشل وحتى تخذل وتفقد ولكن إنهض ولا تفقد الأمل دائمًا ...!
.
.
.
.
اسيل: تخووني؟
ايهاب: ليش عندج مانع
اسيل: بالكوه كمت لان رجلي مكسوره تقربت منه باوعتله هاي نهاية حبك تخوني وبغرفتي هم تفوو عليك مو صوجك اني حجيت هيج وهو دفرني لزمت بطني وجع يموت ضليت اصرخ نزل دم رجليه والكاع كلها تدمرت
دخلت الحجيه:عززه العزاك ليش هيج امشي تحرك اخذها هسه تموت البنيه
ايهاب: عوفيها تموت واخلص منها والله ولا اتحرك عوفيها مثل الجلب تموت وادفنها
اسيل: اسمعه يحجي واني ميته من الوجع هواي نزفت سديت عيوني بعد ماعرف شصار
الحجيه: الله ينتقم منك اخذت جنطتها طلعت جهازها بالكوه اشوف الاسماء طلعت ابرار
ابرار: اخذني بسام للمطعم كاعدين ومناك بنات مشالن عيونهن عنه
دك موبايله كال رايح بره احجي لان صوتي عالي من احجي بالاتصال وعيب هنا ناس راح طلع واني بقيت كاعده انتظره واجتني وحده منهن كعدت يمي
:حبيبتي ممكن طلب
ابرار: تفضلي
:هذا الولد الي جان كاعد يمج اريد رقمه
ابرار: شنو ليش شتردين منه
:عجبني صراحه وحبيت اتعرف عليه
ابرار: هذا زوجي بأي حق انطيج رقمه متستحين انتي
:اوي عيني وهو شنو شاف بيج وتزوجج لو ما السحوره محد يكلبج
ابرار: راحت واني دمعتي بطرف عيني قهرتني بس كلامها صح اني ملازم ابقى وياه لان مختلفين ممناسبين بعض اسمعهن يحجن
:ولج طلع زوجها تصدكين
:عزه صدك حظ الزركه كاعد
دك موبايلي اسيل رديت الو اخذت جنطتي وطلعت اركض
بسام: مو مشكله ماريده يموت بس يتأدب حتى ميندك مره ثانيه
ها مات ههههه مو مشكله
ابرار: منو مات
بسام: درت عليها ليش تتصنتين عليه مو عيب وليش طلعتي
ابرار: اسيل راح تموت امشي ناخذها للمستشفى ماعدهم احد
بسام: ولو عندي شغل بس تعالي صعدي
ام ايهاب: يمه البنيه راح تموت شنو من كلب انته عندك ولك هاي مرتك شلون هيج اخذها للمستشفى ولك يمه حرام عليك
ايهاب: عوفيها اني اريدها تموت
ابرار: نزلت دكيت الباب فتحه ايهاب انته هنا واسيل راح تموت وخر اريد اشوفها
ايهاب: ماكو روحي منا
بسام: نزلتله وخر عنها خل تدخل
ايهاب: وانته منو وشعليك بس شكلك مو غريب
بسام: دفعته ودخلنا تلكتني الحجيه يمه الله ينطيك بسرعه اخذها راح تروح بيها البنيه
بسام: شلون هيج اوكفي رحت للحمام اخذت منشفه لفيتها عليها وشلتها اريد اطلع وكفلي
ايهاب : ها وين لحظه اني رجلها انته شكو تاخذها
بسام: اصبر بس اوديها وارجع اعلمك الرجوله ع اصولها
ايهاب: هسه عرفتك انته الي جانت صاعده وياك هنا الحجي انته حبيبها خانتني وياك الساقطه سمعي ابرار من تكعد كليلها لا ترجعلي اني طلكتها
ابرار: خوش لكيتها حجه حتى اعوف بسام شنوو شتحجي شنو حبيبها بسام ليش مكلت من الاول انته تحب اسيل
بسام: مو وكتكم عفتهم وطلعت
فجر: نظفت البيت بقت بس المكتبه رحت اريد افتح الباب وسمعت مروان يحجي بالموبايل
انتي معليج بيهم اكيد راح يوافقون لا تخافين من احد واني موجود مراح اتخلى عنج معليج بس خليج وياي ولا تغلطين مثل اول مره ماشي لا منو كال اتزوجها بس تجين اطردها شكو مبقيها وانتي عندي يلا هسه اروح باي
فجر: فتحت الباب
مروان: فجر!! جنتي تتسمعين
فجر: شنو انته تلعب عليه كلما اكولك نعقد تغير الموضوع وهسه تكول اطردها
مروان: هذا الواقع منو كال اني اتزوج وحده رخيصه مثلج
فجر: صح اني رخيصه لان صدكت واحد عار مثلك
مروان: لزمتها من شعرها اشش انتي هنا مجرد خدامه عجبج اهلا وسهلا ماعجبج هذا الباب
فجر: وخرت ايده ورحت جمعت ملابسي بعلاكه وطلعت
ابرار: رجعت للبيت لكيت كنان كاعد يلعب بوبجي عبرته ودخلت للغرفه وقفلتها كعدت ابجي
كنان: دكيت عليها ها زين رجعتي اني سألت ع هذا الولد وطلع مو خوش لاتبجين مراح اسويلج شي لان انتي اختي واني جنت غلطان من حبستج بالبيت هسه كومي سويلي اكل واني اسامحج
ابرار: بس اني ماعرفه وجنت رايحه اشوف اسيل هيه اتصلت عليه اذا تريد شوف سجل المكالمات وانته شفتني وخفت منك وهو جان الشخص الوحيد بالشارع طلبت مساعدته
كنان: هسه انسي طلعي نتغده وبالليل نروح للمول شنو رأيج
ابرار: ماشي طلعت حضنته باسني ورحت للمطبخ
اسيل: امشي بمكان ظلمه واصوت تخوف ووكعت من مكان عالي فزيت خايفه اباوع الساعه 10 بالليل اني بالمستشفى ايدي بيها كانونه ومغذي ودم وابر وهوسه تذكرت الي صار ايهاب شلون سوه بيه وحجيه الله ياخذه دمر حياتي واني بعدني مشايفه منها شي ضحك عليه وخلاني احبه ابجي وامسح بدموعي كتل ابني الحقير
بسام: ها لا معليكم بي من ارجع اني اندمه هسه عندي مشكله يلا لا تخاف ماكو شي بس انته انتبه عليهم دخلت عليها كاعده يلا من يصير شي اتصل باي سديته كعدت يمها شلون صرتي
اسيل: شلوني يمعود انته شفت شسوه بيه وعود اني مرته
بسام: اي هسه انسي كلشي حاولي تنامين حتى تتحسن حالتج جوعانه اجيبلج شي
اسيل: لا تسلم اني هم تعبتك وياي واكيد عندك شغل
بسام: لا شسالفه بس تره عافتني حبيبتي بسببج بعد علاقة حب مدتها يوم واحد
اسيل: كلشي يتعوض غمضت عيوني بلكت انام
بسام: دارت نامت واني كاعد ع الكرسي واكلب بالموبايل دخلت دكتوره باوعتلي
الدكتوره: عيني ممكن تطلع اريد افحص عملية مرتك مراح اكدر وانته موجود
بسام: ها ماشي طلعت وكفت بره مرتي ههههه ما اعتقد اني راح اتزوج منو تتحمل واحد مثلي
اسيل: طلعت الدكتوره واني بقيت افكر اله اندمك ايهاب واعلمك مو اني الي تسوي بيه هيج اخليك تبجي دم ع عملتك بس اصبر
بسام: اشتريت عشه ورجعت للغرفه لكيتها كاعده فتحتلها عصير وانطيتها لفه كعدت يمها هيه تاكل وتبجي واني صافن عليها
اسيل :بسام تكدر تساعدني
بسام: كولي اذا شي اكدرله
اسيل :اريد استرجع ورث اهلي
بسام: ماشي بس المقابل شنو راح احصل
اسيل: الك حصه من الورث
بسام: لا اني ممحتاج فلوس واملاك اريد مره
اسيل: منين اجيبلك
:انتي موجوده
:اسيل بس اني ع ذمة ايهاب
:لا هو طلكج
:اسيل جنت متوقعه راح يسوي هيج بس ماشي اني موافقه رجعلي الورث واني مستعده اصير مرتك !!
💙💚💛💙💚💛💙💚💛💙💚💛💙💚💛💙💚💛💙💚💛💙💚 برأيجن منو البطل؟
